Luuk 15:8 - WƖA TENIŊ

⁸ La joŋ arɩ haal nɛ hɛ nɩmɛ a kɛŋ sɛlɩmɛ moribii-biiŋ fii, dɩ dɔŋɔ lɛl. Ɛɛ nɛ ʋ jaŋ ŋaa? Ʋ jaŋ nyɩgɛ nyiniŋ a tii ʋ dɩa kala a beŋ woruŋ see dɩ ʋ naʋ.

Luuk 15:8 ပူးပေါင်းရင်းမြစ်များ

ƐZƖKƖƐL 34:12

A nagɛ pie-daara piesee sɩ pɩsa ʋ kire hɛ dɔŋɔ a beŋ ba nyuŋ ŋɩɩ, ŋɩɩ nɛ mɩ jaŋ beŋ mɩ nɩaa. Mɩ jaŋ lorigo laaba a lɩɩ lere-la kala ba sɩ pɩsa mʋ tapʋlɩɩ-la duoŋ-bɩlɩmbaanaa arɩ birimiŋ sɩ tɔ.

Matiu 5:15

Nʋʋkala bɩ jaŋ nyɩgɛ chaanɩŋ ʋ dɩa lɛ a kɛŋ gbaŋa chu tɔ, koo a joŋo hɛ godo bʋbʋɔŋ. Ʋ yie joŋo daŋ chaaŋ daaŋ nyuŋ nɛ, dɩ nʋʋkala sɩ hɛ dɩa-la lɛ wuo nɩna pʋlʋmʋŋ.

Luuk 15:7

Yesu dagɛ namaga-la bʋbʋɔŋ a bʋl, “Dɩ wʋbɔŋ ŋaaraa kʋbala ma nɛ bɩrɩma lɩɩ ʋ wʋbɔŋŋɔɔ lɛ, nɩalɩŋ sɩ hɛ Wɩa-jaŋ lɛ, ba tʋɔŋ jaŋ tɔrɛ. Ba tʋɔŋ jaŋ tɔrɛ nɩa deeŋ nyuŋ a kɩɩ nɩaa mahɩŋ banɛsɛ arɩ fii arɩ nibi-la sɩ kɛŋ tʋɔpʋla a bɩra bɩ maga dɩ ba bɩrɩma lɩɩ ba wʋbɔŋŋɔɔ lɛ.

Luuk 15:9

Ʋ sɩ naʋ, ʋ yɩrɛ ʋ tanlɔsʋŋ arɩ ʋ pɛ-jʋʋraa kala a hɛ dɔŋɔ a bʋla pɩba, ‘Má leŋ dɩ la kala tʋɔŋ tɔrɛ. Mɩ moribii-la sɩ lɛlɛ, mɩ naʋ nɛ.’ ”

Luuk 19:10

bɛɛ wɩaa mɩ-na Nuhuobiine Bie kɔ dɩ mɩ chɛ a laa nɩalɩŋ sɩ lɛlɛ nɛ a ta.”

Jɔɔŋ 10:16

Mɩ kɛŋ piesee dɔnsʋŋ ma, aŋ ka ba tuo piesee deemba tʋɔŋ. Mɩ jaŋ kɛŋ ba ma kaa kɔ. Ba ma jaŋ jɩŋ mɩ yikoro a kala ŋaa nɩbala piesee, ba pie-daara ma ŋaa kʋbala.

Jɔɔŋ 11:52

tinteeŋ deeŋ nɩaa ma dʋndʋŋa wɩaa dee, ama dɩ ʋ wuo pɛ kɛsɛ Wɩa biiri-la sɩ pɩsa hɛ leree dɔnsʋŋ ma a hɛ dɔŋɔ lɛ.

Tɩntɩŋŋaa 19:19

Ba tʋɔŋ nɩaa yʋga a faa ŋaa hɩl wɩaa. Ba kala paa tenni-la ba fa sɩ karɩma a ŋɩŋaa wɩalɩŋ kʋ lɩɩ nyɩgɛ nʋʋkala na. Ba sɩ kɛŋ tenni-la kala yalɩŋ pɛ dɔŋɔ lɛ, ʋ ŋaa siidi bʋɩ bʋɩ bʋɩ nɛ.

Ɛfɛsɩs Nɩaa 2:17

Kirisito nɛ kɔ a bʋl Wɩa wʋzɔmɔ-la sɩ kɛŋ fɩɛlɩŋ kʋkɔ a pɩ nɩalɩŋ arɩ Wɩa pɛgɛ fa sɩ bolie, arɩ nɩalɩŋ ma fa sɩ kpagɛ Wɩa kala.