Luuk 15:6 - WƖA TENIŊ

⁶ a kaa mʋ dɩa, a yɩrɛ ʋ nandɔnsʋŋ arɩ ʋ pɛ-jʋʋraa a bʋla pɩba, ‘Má leŋ dɩ la kala tʋɔŋ tɔrɛ. Mɩ na mɩ piesu-la sɩ lɛlɛ nɛ.’ ”

Luuk 15:6 ပူးပေါင်းရင်းမြစ်များ

WƖA YƖƖLAA 119:176

Mɩ yeŋŋe nɛ a nagɛ piese sɩ lɛlɛ. Chɛ kɛŋ mɩ-na ŋ tɩntɩnna, bɛɛ wɩaa mɩ bɩ ŋ wʋdagaa yʋa.

Luuk 1:58

Ʋ sɩ lʋl ŋɩɩ, ʋ pɛ-jʋʋraa arɩ ʋ naambiiriŋ nɩɩ ŋɩɩ Wɩa sɩ fá ʋ nenige. Ba tʋɔŋ kala tɔrɛ, ba jʋjʋɔsɛ.

Luuk 15:10

Ŋɩɩ nɛ Yesu bʋl, “Mɩ jaŋ bʋla pɩma arɩ ŋɩɩ tɩtɩa nɛ, dɩ wʋbɔŋ ŋaaraa kʋbala nɛ bɩrɩma lɩɩ ʋ wʋbɔŋŋɔɔ lɛ, Wɩa tɩndaaraa yie jʋjʋɔsɛ nɛ.”

Luuk 15:24

Ʋ naga mɩ bie deeŋ fa sʋba nɛ aŋ lɛɛlɛ sii. Ʋ fa lɛlɛ nɛ, ka la lɛɛlɛ naʋ.’ Ŋɩɩ nɛ ba dii kɩaa arɩ tʋɔtɔrʋŋ.

Luuk 15:5

Ʋ sɩ naʋ, ʋ joŋo baasɛ a jʋjʋɔsɛ

Luuk 15:7

Yesu dagɛ namaga-la bʋbʋɔŋ a bʋl, “Dɩ wʋbɔŋ ŋaaraa kʋbala ma nɛ bɩrɩma lɩɩ ʋ wʋbɔŋŋɔɔ lɛ, nɩalɩŋ sɩ hɛ Wɩa-jaŋ lɛ, ba tʋɔŋ jaŋ tɔrɛ. Ba tʋɔŋ jaŋ tɔrɛ nɩa deeŋ nyuŋ a kɩɩ nɩaa mahɩŋ banɛsɛ arɩ fii arɩ nibi-la sɩ kɛŋ tʋɔpʋla a bɩra bɩ maga dɩ ba bɩrɩma lɩɩ ba wʋbɔŋŋɔɔ lɛ.

Jɔɔŋ 15:14

Dɩ ma nɩɩ ŋaa wɩalɩŋ mɩ sɩ bʋla pɩma dɩ maa ŋaa, ma jaŋ ŋaa mɩ nandɔnsʋŋ.

Jɔɔŋ 3:29

Ha-falɩŋ tɩɩna nɛ tɩɩ haala, ama dɩ ha-falɩŋ tɩɩna nandɔŋɔ nɛ chɩŋ nɩmɛ a jijegili wɩalɩŋ ba sɩɩ bʋl, ʋ tʋɔŋ yie tɔrɛ nɛ dɩ ʋ nɛ nɩɩ ha-falɩŋ tɩɩna-la yikoro. Ŋɩɩ tɩtɩa nɛ mɩ tʋɔŋ ma tɔrɛ woruŋ Yesu nyuŋ.

Tɩntɩŋŋaa 11:23

Ʋ sɩ mʋa, ʋ na ŋɩɩ Wɩa sɩ pɛ nɩalɩŋ lɛ. Ʋ tʋɔŋ tɔrɛ. Ʋ bʋl wɩaa nyaasɛ ba nyuŋ woruŋ dɩ ba kɛŋ wʋtɩtɩɩ a to La Tɩɩna Yesu arɩ ba tʋɔŋ kala.

Tɩntɩŋŋaa 15:3

Nɩalɩŋ sɩ laa Yesu wɩaa dii aa hilimi taba ba mʋ. Ba sɩɩ mʋ ŋɩɩ, ba to Fɔnɩɩsɩa arɩ Samarɩa tinteeŋ a bʋla pɩ nɩalɩŋ sɩ laa Yesu wɩaa dii nɩmɛ ŋɩɩ nɩalɩŋ sɩ bɩ Juu tɩŋŋaa ŋaa sɩ bɩrɩma tuto Wɩa. Ba sɩ bʋl wʋzɔmʋŋ deeŋ ŋɩɩ, nɩalɩŋ tʋɔŋ tɔrɛ kɩŋkɛŋ.

Fɩlɩpa Nɩaa 2:17

Ama dɩ ba paala kpʋmɛ dɩ mɩ chalɩŋ jaasɛ a nagɛ kʋnyʋalaa Wɩɩsʋlʋŋ a tɩŋ ma sɩ laa Wɩa dii a ŋaa wʋzɔŋŋɔɔ ʋ sɩpaaŋ, mɩ tʋɔŋ jaŋ tɔrɛ dɩ mɩ dɩ ma kala jʋjʋɔsɛ.

Fɩlɩpa Nɩaa 4:1

Mɩ naambiiriŋ, mɩ choma nɛ kɩŋkɛŋ, mɩ yie bɩbɩɩnɛ ma wɩaa nɛ. Ma nɛ leŋe mɩ tʋɔŋ tɔrɔ, mɩ kɛmma ŋmuŋmoo bɔyɛ. Ŋɩɩ wɩaa mɩ naambii-kpɩanaba, má chɩŋ La Tɩɩna Yesu wɩalɩŋ ma sɩ laa dii lɛ kpaŋ kpaŋ.

1 Tɛsalonaaka Nɩaa 2:19

La yɩɛlaa hɛ ma lɛ nɛ. La tʋɔŋ tɔrɛ ma nyuŋ. Dɩ La Tɩɩna Yesu nɛ mɩɩra kɔ, a tɩŋ ma wɩaa la jaŋ bigisi la tɩtɩa lɛ.

1 Pɩɩta 2:10

Bumbuŋ-la ma fa bɩ kʋŋkala ŋaa, ama lɛɛlɛ ma ŋaa Wɩa nɩaa nɛ. Wɩa fa bɩ ma nenige fá, ama lɛɛlɛ ʋ fá ma nenige nɛ.

1 Pɩɩta 2:25

Ma fa nagɛ piesee sɩ yeŋŋe nɛ, ama lɛɛlɛ ma mɩɩra kɔ Pie-daarɩ-la teeŋ nɛ, nɩɩ-la sɩɩ beŋ ma mɩɩsɩŋ.