Luuk 15:5 - WƖA TENIŊ

⁵ Ʋ sɩ naʋ, ʋ joŋo baasɛ a jʋjʋɔsɛ

Luuk 15:5 ပူးပေါင်းရင်းမြစ်များ

AZAAYA 62:12

Ba jaŋ yɩrɛma, “Tʋɔpʋl tɩmma, nɩalɩŋ La TƖƖNA sɩ laa ta. Ba jaŋ yɩyɩrɛ Jerusalɛm Wɩa ta-chooluŋ, Tabal-la Wɩa sɩ bɩ vɩa ta.”

AZAAYA 62:5

A nagɛ bapʋɔsʋŋ sɩ yie jaa hatolo ŋɩɩ, ŋɩɩ tɩtɩa nɛ ŋ biiriŋ jaŋ kʋ laa ŋ tinteeŋ a tɩɩ. Wɩa tʋɔŋ jaŋ tɔrɛ ŋ nyuŋ a nagɛ baala tʋɔŋ sɩ yie tɔrɛ ʋ ha-falɩŋ nyuŋ ŋɩɩ.

AZAAYA 63:9

Dɩ ba tʋɔŋ nɛ cheye, ʋ ma tʋɔŋ yie chei nɛ. La TƖƖNA tɩtɩa nɛ chɩŋ ba harɩŋ a laaba ta. Ʋ choba nɛ, a fá ba nenige a laaba ta. Bumbuŋ kala, ʋ chaasa beŋ ba nyuŋ nɛ woruŋ.

ƐZƖKƖƐL 18:23

Mɩ-na ma TƖƖNA Wɩɩjarɩbakɔ pɩɛsa: Ma bɩɩna mɩ cho dɩ nɩbɔŋŋɔɔ sʋsʋʋ nɛɛ? Mɩ yie cho dɩ ba bɩrɩma lɩɩ ba wʋbɔŋŋɔɔ ŋaanɩŋ lɛ nɛ a kɛŋ mɩɩsɩŋ.

ƐZƖKƖƐL 33:11

Bʋla pɩba arɩ mɩ-na ma TƖƖNA Wɩɩjarɩbakɔ ŋmɩɛsa arɩ mɩ tʋɔŋ bɩ nɩbɔmʋŋ sʋʋŋ lɛ ka tɔrɛ. Mɩ tʋɔtɔrʋŋ nɛ dɩ ʋ bɩrɩma lɩɩ ʋ wʋŋaalaa lɛ a kɛŋ mɩɩsɩŋ. Iziral tɩmma, má leŋ wʋbɔmɔ-la ma sɩɩ ŋaa. Bɛɛ nɛ tɩɩ ma chɩchɛ dɩ ma sʋʋ?

MƖKA 5:4

Bile jaŋ chaasa chɩŋ a kɛŋ ʋ TƖƖNA Wɩa doluŋ arɩ ʋ yɩrɩ-balɩŋ, a beŋ ʋ nɩaa nyuŋ a nagɛ pie-daara sɩɩ beŋ ʋ piesee nyuŋ ŋɩɩ. Ba jaŋ hɔŋ wɩɩkala bɩ baa walɩmɛ, bɛɛ wɩaa ʋ ballɩŋ jaŋ yi dʋnɩa sɛmɛ kala.

MƖKA 7:18

Wɩa, nʋʋkala tuo a nagɩŋ, ŋ nɛ nɩɩ-la sɩ joŋ ŋ nɩalɩŋ sɩ ka a bɩ sʋba wʋcheelee arɩ ba wʋbɔŋŋɔɔ a chɛba. Ŋ bɩ baanɩŋ na didieni, ŋ cho nɩaa nenige fanɩŋ nɛ.

ZEFANAAYA 3:17

Ma TƖƖNA Wɩa hɛ ma teeŋ nɛ, ʋ kɛŋ doluŋ nɛ dɩ ʋ laama ta. Ʋ tʋɔŋ jaŋ faasa tɔrɛ ma nyuŋ, ʋ chonuŋ jaŋ leŋ dɩ ma hɔŋ sɔm, dɩ ʋ yɩɩ tʋɔtɔrɛ yɩɩlaa a jʋɔsɛ ma wɩaa.”

Luuk 15:32

Ama ʋ maga dɩ la gbieli gbiele a leŋ dɩ la tʋɔŋ tɔrɛ nɛ, bɛɛ wɩaa ʋ nagɛ ŋ ŋaana deeŋ fa sʋba nɛ aŋ sii. Ʋ fa lɛlɛ nɛ, ka la lɛɛlɛ naʋ.’ ”

Luuk 15:4

“Baal kʋbala nɛ hɛ nɩmɛ a kɛŋ piesee zɔlɔ. Ŋɩɩ nɛ ba tʋɔŋ dɔŋɔ lɛl. Ʋ leŋ piesee mahɩŋ banɛsɛ arɩ fii arɩ nibi-la ta gɩrɩŋ tʋɔŋ aŋ gɔllɔ chɩchɛ pie-lɛlɩɩ-la a bʋl dɩ see dɩ ʋ chɛ naʋ.

Luuk 15:6

a kaa mʋ dɩa, a yɩrɛ ʋ nandɔnsʋŋ arɩ ʋ pɛ-jʋʋraa a bʋla pɩba, ‘Má leŋ dɩ la kala tʋɔŋ tɔrɛ. Mɩ na mɩ piesu-la sɩ lɛlɛ nɛ.’ ”

Luuk 19:9

Ŋɩɩ nɛ Yesu bʋla pʋ, “Wɩa laa ŋ dɩ ŋ dɩa nɩaa kala ta nɛ jɩnɩŋ. Baala deeŋ ma ŋaa Abɩraham doho nʋʋ nɛ,

Luuk 23:43

Ŋɩɩ nɛ Yesu bʋla pʋ, “Wʋtɩtɩɩ nɛ mɩ bʋlaa pɩŋ, mɩ dɩŋ kala jaŋ hɛ Wɩa-jaŋ lɛ jɩnɩŋ.”

Jɔɔŋ 15:11

Mɩ bʋl wɩaa deemba pɩma dɩ ma kɛŋ tʋɔtɔrʋ-la mɩ sɩ joŋo pɩma nɛ. Ŋɩɩ nɛ ma tʋɔŋ jaŋ faasa tɔrɛ woruŋ a mʋ dɛrɛ.

Ɛfɛsɩs Nɩaa 2:10

Wɩa nɛ ŋaala. Ʋ ŋaala dɩ la dɩ Kirisito Yesu ŋaa kʋbala nɛ a ŋɩŋaa wʋzɔŋŋɔɔ. Ʋ ŋaa wʋzɔŋŋɔɔ deemba bil la lɛ faa faa kala nɛ dɩ la ŋɩŋaaba.

Ɛfɛsɩs Nɩaa 3:7

Wɩa leŋe mɩ ŋaa ʋ tɩntɩnnʋ nɛ, dɩ mɩ bʋl Yesu wʋzɔmɔ-la a pɩ nɩaa. Ʋ lahɔrɩmɔ lɛ nɛ ʋ dii zile mɩ lɛ a joŋ ʋ doluŋ pɩmɛ mɩ kaa tɩtɩŋ.

1 Tɛsalonaaka Nɩaa 1:5

Bʋa-la lɛ la sɩ bʋl Wɩa wʋzɔmɔ-la a pɩma, ʋ bɩ naga arɩ wʋbʋlʋŋ dʋndʋŋa nɛ la kʋ bʋla pɩma. La sɩ hɛ ma teeŋ, Wɩa wʋzɔmɔ-la fa kɛŋ doluŋ, Wɩa Dɩŋ-zɔmʋŋ ma fa hɛ la teeŋ, ka wɩalɩŋ ma sɩ nɩa ma jʋʋ ma dɩgɩlaa woruŋ. La sɩ hɛ ma teeŋ, ma na la mɛlɛ fa sɩ nagɛ ŋɩɩ nɛ. Ma wɩaa nɛ tɩɩ la kɛŋ la tɩtɩa woruŋ ŋɩɩ.

2 Timoti 2:26

Ŋɩɩ nɛ ba jaŋ bɩra wasa kɛŋ wʋjɩmɩŋ a lɩɩsɛ ba tɩtɩa Sɩtaanɩ bɛrɛ́-la lɛ. Ʋ fa bɛrɛ kɛmba nɛ ba tuto ʋ tʋɔtɔrʋŋ lɛ.

Hiburu TƖŊŊAA 12:2

Má leŋ la joŋ la sɩaa pɛ Yesu lɛ, bɛɛ wɩaa wɩalɩŋ la sɩ laa dii kala tɩgɛ ʋ lɛ nɛ a lɩɩ dɩ-suomuŋ a kaa mʋ dɩdɛrɩŋ. Ʋ fa jɩma arɩ ʋ jaŋ na hɛɛŋ, ama ʋ bɩ wɩɩ-la ʋ sɩ laa dii leŋe ta, bɛɛ wɩaa ʋ jɩma arɩ ʋ sɩ ŋaa ŋɩɩ, Wɩa jaŋ leŋ dɩ ʋ tʋɔŋ tɔrɛ. Ŋɩɩ nɛ tɩɩ ʋ sɛɩ ba kpaasʋ mɛrɛ daagɛsɛ nyuŋ. Ʋ sɩ dii hɩɩsɩŋ ŋɩɩ, ʋ sɩpaa tuo. Ʋ sɩ na hɛɛ-la a dɛrɛ, ʋ jɩl Wɩa-jaŋ a lɛɛlɛ hɔŋ Wɩa kuoru kpasa nadiiŋ, nɩduoŋ dɩhɔnʋŋ.

1 Pɩɩta 1:5

A tɩŋ ma sɩ laa ʋ wɩaa dii ŋɩɩ, Wɩa ka pɔma nɛ arɩ ʋ doluŋ. Dɩ dʋnɩa nɛ kʋ dɩdɛrɛ, ʋ jaŋ dagɛ nɩaa ŋɩɩ ʋ sɩ laama ta.