Luuk 15:2 - WƖA TENIŊ

² Ŋɩɩ nɛ Farisii tɩŋŋaa arɩ Wɩa teniŋ kerichiba suomo gʋgʋrɩmɛ wɩaa a bʋl, “Baala deeŋ leŋe wʋbɔŋ ŋaaraa kʋkɔ ʋ teeŋ nɛ aŋ pɛ leŋ ʋ dɩ ba kala didii kɩaa.”

Luuk 15:2 ပူးပေါင်းရင်းမြစ်များ

Matiu 11:19

Aŋ ka mɩ-na Nuhuobiine Bie kɔ ma teeŋ a didii kɩaa aŋ pɛ nyʋnyʋa sɩnɩŋ ma. Ŋɩɩ nɛ ba bʋl, ‘Baala deeŋ ŋaa luobii tɩɩna nɛ a ŋaa sɩ-nyʋarʋ ma aŋ pɛ kɛŋ lampoo laaraa arɩ wʋbɔŋ ŋaaraa kala kaa dii nandɔnsʋŋ.’ Nɩalɩŋ sɩ sɛɩ wʋjɩmɩɩ-la sɩ lɩɩ Wɩa teeŋ, ba wʋŋaalaa nɛ yie dagɛ arɩ wɩalɩŋ sɛnɛ ŋaa wʋtɩtɩɩba nɛ.”

Matiu 9:11

Farisii tɩŋŋaa dɔnsʋŋ naba a pɩɛsɛ Yesu harɩ-tooroo, “Bɛɛ nɛ tɩɩ ma kʋhɩaŋ arɩ lampoo laaraa arɩ wʋbɔŋ ŋaaraa kala hɔnɔ didii kɩaa?”

Luuk 15:3

Yesu sɩ nɩɩ ŋɩɩ, ʋ magɛ namaga pɩba,

Luuk 19:7

Nɩalɩŋ kala sɩ hɛ nɩmɛ a na ŋɩɩ, ba suomo gʋgʋrɩmɛ wɩaa a bʋl, “Baala deeŋ mʋa dɩ ʋ chʋa wʋbɔŋ ŋaarʋ-la dɩa lɛ nɛ.”

Luuk 5:30

Ŋɩɩ nɛ Farisii tɩŋŋaa dɔnsʋŋ arɩ Wɩa teniŋ kerichiba arɩ ba nandɔnsʋŋ sii a pɩɛsɛ Yesu harɩ-tooroo, “Bɛɛ nɛ tɩɩ ma dɩ lampoo laaraa arɩ wʋbɔŋ ŋaaraa kala hɔnɔ didii kʋdiilee?”

Luuk 7:34

Aŋ ka mɩ-na Nuhuobiine Bie kɔ ma teeŋ a didii kɩaa aŋ pɛ nyʋnyʋa sɩnɩŋ ma. Ŋɩɩ nɛ ma bʋla pɩ dɔŋɔ: Baala deeŋ ŋaa luobii tɩɩna nɛ a ŋaa sɩ-nyʋarʋ ma, aŋ pɛ kɛŋ lampoo laaraa arɩ wʋbɔŋ ŋaaraa kala kaa dii nandɔnsʋŋ.

Luuk 7:39

Farisii tɩɩna-la sɩ yɩrɛ Yesu dɩ ʋ kʋ dii kɩaa na wɩɩŋ deeŋ a bɩbɩɩnɛ ʋ tʋɔŋ lɛ, “Dɩ baala deeŋ sɛnɛ ŋaa Wɩa wʋlaabʋllʋ nɛ, ʋ fa jaŋ jɩŋ arɩ haala deeŋ sɩ digu ŋaa wʋbɔŋ ŋaarʋ nɛ.”

Tɩntɩŋŋaa 11:3

“Bɛɛ nɛ tɩɩ ŋ mʋ penpuru tɩmma-la sɩ bɩ Juu tɩŋŋaa ŋaa teeŋ, ŋ dɩ ba paala dii kɩaa?”

Galiisia Nɩaa 2:12

Ʋ sɩ hɛ Antɩɔk lɛ, Jeems tɩŋ nɩaa ba ma kɔ Antɩɔk. Ba sɩ kɔ, ba na arɩ Pɩɩta arɩ nɩalɩŋ sɩ bɩ Juu tɩŋŋaa ŋaa aŋ laa Yesu wɩaa dii, dɩ ba kala nɛ pɛ dɔŋɔ lɛ a didii kɩaa. Pɩɩta sɩ na nɩalɩŋ Jeems sɩ tɩma, ʋ lɩɩsɛ ʋ nɩsɩŋ nɩalɩŋ sɩ bɩ Juu tɩŋŋaa ŋaa lɛ, ʋ dɩ ba bɩra bɩ kɩaa ka dii. Pɩɩta faa fá nɩalɩŋ sɩ sɩ ʋ maga dɩ ba keri nɩalɩŋ sɩ bɩ Juu tɩŋŋaa ŋaa aŋ laa Yesu wɩaa dii penee nɛ. Ŋɩɩ nɛ tɩɩ ʋ ŋaa ŋɩɩ.

1 Timoti 1:15

Wɩɩŋ deeŋ mɩ sɩɩ chɛ dɩ mɩ bʋl chaasa ŋaa wʋtɩtɩɩ nɛ a maga dɩ nʋʋkala laa dii. Ʋ nɛ ŋ-la: Kirisito Yesu kʋ tuu dʋnɩa nɛ dɩ ʋ laa wʋbɔŋ ŋaaraa ta. Mɩ nɛ saa paala ŋaa ba tʋɔŋ nɩbɔmʋŋ.