Luuk 14:1 - WƖA TENIŊ

¹ Chɛ-wiesii-la chɛɛ kʋbala, Yesu mʋ dɩ ʋ dii kʋdiilee Farisii tɩŋŋaa kʋhɩaŋ kʋbala dɩa lɛ. Ŋɩɩ nɛ nɩaa faasa bibenu woruŋ.

Luuk 14:1 ပူးပေါင်းရင်းမြစ်များ

WƖA YƖƖLAA 37:32

Nɩbɔŋŋɔɔ yie bɩbagɩlɛ tʋɔpʋl tɩŋŋaa nɛ, a chɩchɛ wombiiŋ dɩ ba kpʋba.

WƖA YƖƖLAA 41:6

Ba nɩalɩŋ sɩ kʋʋ namɛ bɩ nɩfɩɛma ŋaa. Ba bɩ wʋtɩtɩɩ ka bʋl, aa bɩɩnɛ tʋɔbɩɩŋ bɔŋŋɔɔ mɩ lɛ. Ba yie kʋ na mɩ wɩaa a kaa lɩɩ bʋla gaarɛ leriŋ kala.

WƖA YƖƖLAA 62:4

Maa chɛ dɩ ma lɩɩsɛmɛ lee-la sɩ kɛŋ yɩrɩŋ lɛ nɛ. Ma cho wʋnyɩɛrɩŋ nɛ woruŋ. Ma yie kɛŋ niiŋ bʋl wʋzɔŋŋɔɔ pɩ nɩaa, aŋ kɛŋ tʋɔŋ ŋmɩɛsa hɛ ba lɛ.

NAMAGABA 23:7

Ʋ yie bʋl, “Kʋ dii aŋ nyʋa,” ama ʋ tʋɔŋ bɩ ŋɩɩ cho. Ʋ yie bɩbɩɩnɛ chɩŋ-la ʋ sɩ ŋmobo wɩaa nɛ.

Matiu 12:12

Nuhuobiine nɛ paala kɩɩ piese. Dɩ la nɛ saa ŋaa wʋzɔŋŋɔɔ chɛ-wiesii-la chɛɛŋ, la bɩ chɛ-wiesii-la kɩsɩŋ lɛ cheye.”

Maak 3:2

Ba sɩ na Yesu dɩ ʋ jʋa, ba kala chaarɛ sɩaa a bibenu dɩ ba na arɩ ʋ jaŋ vaarɛ baal-la chɛ-wiesii-la chɛɛŋ. Baa chɛ dɩ ba na wɩɩ nɛ a to ŋɩɩ lɛ a kɛŋ Yesu a bʋl ʋ teeŋ dɩ ʋ chei ba kɩsɩŋ lɛ nɛ.

Luuk 11:37

Yesu sɩ bʋl wɩaa deemba dɛrɛ, Farisii tɩɩna kʋbala yɩrʋ dɩ ʋ kɔ ʋ dɩa a dii kʋdiilee. Ŋɩɩ nɛ Yesu mʋ hɔŋ dɩ ʋ dii kʋdiile-la. Ʋ bɩ lɩɩŋ sɔmɔ aŋ didii kʋdiile-la.

Luuk 14:2

Dɩ baal kʋbala nɛ hɛ nɩmɛ a kɔ Yesu teeŋ. Ʋ yaraa kala fa ŋmɛrɛ nɛ.

Luuk 17:20

Ŋɩɩ nɛ Farisii tɩŋŋaa pɩɛsɛ Yesu dɩ bʋa bɛɛ lɛ nɛ Wɩa kuorii-la jaŋ kɔ? Ŋɩɩ nɛ ʋ bʋla pɩba, “Dɩ Wɩa kuorii-la nɛ jaŋ kɔ, wʋmagɩl dee bɩ jaŋ ŋaa dɩ nɩaa jɩŋ.

Luuk 20:20

Ŋɩɩ nɛ ba bee chɩchɛ wombii-la ba sɩ jaŋ to a kɛnʋ. Ba joŋ moribiee kpal nɩaa ka dɩ ba fugi arɩ ba ŋaa nɩtɩtɩɩba nɛ, a magɩsɛ Yesu a pɩɛsʋ wɩaa dɩ ba na ʋ jaŋ bʋl wɩɩ chei, dɩ ba wuo to ŋɩɩ lɛ a kɛnʋ a kaa mʋ hɛ ba kuoru-balɩŋ nɩsɩŋ lɛ, dɩ ʋ ŋaaʋ ŋɩɩ kala ʋ sɩ cho.

Luuk 6:7

Wɩa teniŋ kerichiba arɩ Farisii tɩŋŋaa dɔnsʋŋ ma fa hɛ nɩmɛ. Baa chɛ dɩ ba na wɩɩ nɛ a to ŋɩɩ lɛ a kɛŋ Yesu, a bʋl dɩ ʋ chei ba kɩsɩŋ lɛ nɛ. Ba kala chaarɛ sɩaa bibenu dɩ ba na arɩ ʋ jaŋ vaarɛ baal-la chɛ-wiesii-la chɛɛŋ.

Jɔɔŋ 3:1

Baal kʋbala nɛ fa hɛ nɩmɛ, baa yɩrɛ Nikodemɔs. Ʋ fa ŋaa Juu tɩŋŋaa kʋhɩaŋ nɛ a hɛ Farisii tɩŋŋaa tʋɔŋ.

Tɩntɩŋŋaa 5:34

Farisii tɩɩna kʋbala ma nɛ fa hɛ nɩalɩŋ sɩ yie hilime vʋvʋʋrɛ wɩaa tʋɔŋ baa yɩrɛ Gamalɩɛl. Ʋ nɛ faa dagɛ wɩalɩŋ Mosis fa sɩ ŋmʋnsa bil dɩ nɩaa tuto. Nʋʋkala zizilu. Ʋ sii chɩŋ a bʋl dɩ ba leŋ dɩ Yesu nanzɔɔba-la lɩɩ dɩ-jalɩŋ mʋapɩlɩɩ.