Luuk 13:3 - WƖA TENIŊ

³ Aɩ, ŋɩɩ dee. Dɩ ma nɛ bɩ bɩrɩma lɩɩ ma wʋbɔŋŋɔɔ lɛ, ma kala jaŋ sʋʋ arɩ nɩaa deemba sɩ sʋʋ ŋɩɩ.

Luuk 13:3 ပူးပေါင်းရင်းမြစ်များ

Matiu 12:45

Ŋɩɩ nɛ ʋ jaŋ mɩɩra lɩɩ a kɛŋ jɩŋ-bɔŋŋɔɔ balɩpɛ, kɩalɩŋ sɩ bɔmɔ kɩɩʋ, ba kʋ jʋʋ a pɛ ʋ lɛ. Ŋɩɩ harɩŋ lɛ nɛ baal-la yie kperi a kɩɩ bumbuŋ-la. Ŋɩɩ tɩtɩa nɛ ʋ jaŋ nagɛ a pɩ ma jɩnɩŋ nɩbɔŋŋɔɔ deemba.”

Matiu 22:7

Ŋɩɩ nɛ kuoru-la na baanɩŋ a ta ʋ laalɩyuoroo, ba mʋ kpʋ nɩalɩŋ sɩ kpʋ ʋ dɩa tɩntɩnna-la aŋ nyɩgɛ ba tabalɩŋ kala.

Matiu 3:2

Ʋ bʋla pɩba, “Má bɩrɩma lɩɩ ma wʋbɔŋŋɔɔ lɛ, bɛɛ wɩaa Wɩa kuorii-la kpaga nɛ.”

Luuk 13:2

Ŋɩɩ nɛ Yesu pɩɛsɛba, “Ma bɩɩna arɩ Galilii tɩŋŋaa deemba Paalɩt sɩ kpʋa nɛ ŋaa wʋbɔŋ a kɩɩ Galilii tɩŋŋaa dɔnsʋŋ kalaa?

Luuk 13:4

Nɩalɩŋ fii arɩ chori ma fa sɩ hɛ nɩmɛ, dɩɩ-leŋiŋ tele ŋmooba kpʋ Sɩlʋam lɛ. Ma bɩɩna arɩ ba nɛ ŋaa wʋbɔŋŋɔɔ a kɩɩ nɩalɩŋ dɔnsʋŋ kala fa sɩ hɛ Jerusalɛm lɛ koo?

Luuk 13:5

Aɩ, ŋɩɩ dee. Mɩ bʋlaa pɩma, dɩ ma kala bɩ bɩrɩma lɩɩ ma wʋbɔŋŋɔɔ lɛ, ma kala jaŋ sʋʋ a nagɛ nɩaa deemba fa sɩ sʋʋ ŋɩɩ.”

Luuk 24:47

Ba jaŋ bʋl Wɩa wɩaa ʋ yɩrɩŋ lɛ, tintee kala lɛ, dɩ nɩaa bɩrɩma lɩɩ ba wʋbɔŋŋɔɔ lɛ dɩ Wɩa joŋ ba wʋbɔŋŋɔɔ chɛba. Ba jaŋ suomo ŋaa ŋɩɩ Jerusalɛm lɛ.

Tɩntɩŋŋaa 3:19

Má bɩrɩma lɩɩ ma wʋbɔŋŋɔɔ lɛ aŋ to Wɩa, dɩ ʋ joŋ ma wʋbɔŋŋɔɔ chɛma, dɩ La Tɩɩna leŋ dɩ ma dɩnsɩŋ na wiese.