Luuk 12:5 - WƖA TENIŊ

⁵ Mɩ jaŋ dagɛma nɩɩ-la sɩ maga dɩ ma fá. Má fá Wɩa. Ʋ nɛ jaŋ wuo kpʋma aŋ bɩra kɛŋ doluŋ dɩ ʋ wuo jomma hɛ Wɩa nyiniŋ tʋɔŋ. Mɩ bʋlaa pɩma, má fɩfáʋ.

Luuk 12:5 ပူးပေါင်းရင်းမြစ်များ

WƖA YƖƖLAA 9:17

Nɩbɔŋŋɔɔ jaŋ sʋʋ a mʋ lɛlɛɛ-jaŋ, tinteye-la nɩaa kala sɩ yʋ Wɩa wɩaa.

NAMAGABA 14:26

Nɩɩ-la sɩɩ fá La Tɩɩna, ʋ nagɛ jebii-duo nɛ a gollu, ʋ biiriŋ ma jaŋ na leriŋ a yuori.

JƐRƖMAAYA 10:7

Ŋ nɛ tinteyee kala kuoru-balɩŋ kʋbɛɛ nɛ bɩ jaŋ fáŋ? Nʋʋkala maga dɩ ʋ ziliŋ nɛ. Ŋ dʋndʋŋa nɛ maga dɩ nɩaa fá. Tinteyee nɩaa wʋjɩnnaa arɩ ba kuori-gentisiŋ kala tʋɔŋ, nʋʋkala tuo a magɩŋ.

JƐRƖMAAYA 41:18

dɩ ba fori Babɩlɔŋ nɩaa nɩsɩŋ lɛ. Fawʋllʋŋ fa kɛmba nɛ a tɩŋ ba wɩaa, bɛɛ wɩaa Nɛtanɩa nanʋala Ɩsɩmɛl fa kpʋ Ahɩkam nanʋala Gedalia nɛ, nɩɩ-la Babɩlɔŋ kuoro sɩ lɩɩsa ʋ chɩŋ ʋ naasɩŋ lɛ a bibeŋ tintee-la.

JƐRƖMAAYA 5:22

La TƖƖNA pɩɛsa, “Ma bɩ mɩ ka fáa? Ma bɩ maga dɩ ma chichel mɩ sɩpaaŋ? Mɩ-na nɛ bil hagɩlɩ-bumbugulo ʋ ŋaa mʋgʋ-balɩŋ bʋa, bʋa-la hɛ nɩmɛ nɛ a kaa mʋmʋ wuu, ʋ bɩ jaŋ wuo cholu. Lɩɩ-peliŋ jaŋ wuo sii, ama ʋ bɩ jaŋ wuo cholu. Ba jaŋ wuo huuri woruŋ, ama ba bɩ jaŋ wuo cholu.

Matiu 10:28

Ŋɩɩ nɛ Yesu bɩra bʋl, “Má sɩ́ nɩalɩŋ sɩ jaŋ wuo kpʋ ma yaraa fá, nɩaa deemba bɩ ma dɩma wuo kpʋ. Ama má fá Wɩa. Ʋ nɛ kɛŋ doluŋ dɩ ʋ wuo joŋ ma yaraa arɩ ma dɩnsɩŋ kala a hɛ Wɩa nyiniŋ tʋɔŋ. Mɩ bʋlaa pɩma, má fɩfáʋ.

Matiu 25:41

Ŋɩɩ nɛ mɩ jaŋ bʋla pɩ nɩalɩŋ sɩ hɛ mɩ nagʋa a bʋl, ‘Má sʋrɩsɛ mɩ sɛmɛ, Wɩa ŋmɩaŋ diima nɛ. Má mʋ a jʋʋ nyiŋ-la sɩ bɩ dɩsɛ. Wɩa hɛ nyiŋ-la bil Sɩtaanɩ arɩ ʋ tɩndaaraa lɛ nɛ dɩ ba kʋ jʋʋ,

Matiu 25:46

Ŋɩɩ nɛ ba jaŋ jʋʋ lee-la hɛɛŋ sɩ bɩ dɛrɛ, aŋ ka dɩ tʋɔpʋl tɩŋŋaa ma jʋʋ lee-la mɩɩsɩŋ sɩ bɩ dɛrɛ.”

Matiu 5:22

Ama lɛɛlɛ mɩ jaŋ bʋla pɩma, nɩɩ-la kala sɩ na baanɩŋ ʋ naambie nyuŋ, ba jaŋ kɛnʋ kaa kʋ dii ʋ sarɩya. Nɩɩ-la ma kala sɩ yɩrɛ ʋ naambie nɩpɛɩpɛɩ, ba jaŋ kɛnʋ kaa mʋ nɩalɩŋ sɩ hilime vʋvʋʋrɛ wɩaa teeŋ. Nɩɩ-la ma kala sɩ yɩrɛ ʋ naambie a bʋl dɩ ʋ ŋaa nɩtɔɔ nɛ, ʋ tɩɩna jaŋ mʋ jʋʋ Wɩa nyiniŋ.

Maak 13:23

Wɩaa deemba kala mɩ laa sɩpaaŋ bʋla pɩma nɛ, ka dɩ bʋa-la-na yi. Má kɛŋ ma tɩtɩa woruŋ.”

1 Tɛsalonaaka Nɩaa 4:6

Bɩra, nʋʋkala sɩ́ wɩɩ ŋaa chei ʋ dɔŋɔ tɩɩna a tɩgɛ ʋ haala lɛ. La chaasa bʋla pɩma nɛ faafaa kala a kpʋrɩsɛ ma dɩgɩlaa arɩ Wɩa jaŋ dɔgɩsɛ nɩalɩŋ sɩ ŋaa disiŋ wɩaa.

Hiburu TƖŊŊAA 10:31

Dɩ ŋ nɛ jʋʋ Wɩa-la sɩ weye nɩsɩŋ, ʋ jaŋ lɔrɔ pɩŋ.

2 Pɩɩta 2:4

Bumbuŋ kala nɛ Wɩa tɩndaaraa dɔnsʋŋ fa ŋaa wʋbɔŋŋɔɔ. Ba sɩ ŋaa ŋɩɩ, Wɩa bɩ ba leŋe pɛɩ. Ʋ kɛsɛba a jomba yuo hɛ Wɩa-nyiniŋ tʋɔŋ. Ba kɛŋ chɔrʋmɔɔ vɔɔba a leŋ ba pɩŋ birimiŋ tʋɔŋ. Ba jaŋ hɛ nɩmɛ a kaa mʋ yi tapʋlɩɩ-la Wɩa sɩ jaŋ dii dʋnɩa nɩaa sarɩya.

Jɔɔŋ Wʋnaalaa 14:7

Ŋɩɩ nɛ Wɩa tɩndaarʋ-la bʋl arɩ yikori-balɩŋ, “Má fá Wɩa a dɛnnɛ ʋ yɩrɩ-balɩŋ, bɛɛ wɩaa bʋa-la ʋ sɩ jaŋ dii dʋnɩa nɩaa sarɩya yie nɛ. Má dɛnnʋ, ʋ nɛ ta wɩa-nyuŋ arɩ tinteeŋ arɩ mʋgʋ-balɩŋ arɩ lɩɩ-bulluŋ kala.”

Jɔɔŋ Wʋnaalaa 15:4

La Tɩɩna Wɩa, kʋbɛɛ nɛ bɩ jaŋ fáŋ, aŋ dɛnnɛ ŋ yɩrɩ-balɩŋ? Ŋ dʋndʋŋa nɛ bɩ disiniŋ kɛnɛ. Dʋnɩa nɩaa kala jaŋ kʋ chʋɔlʋŋ, bɛɛ wɩaa ŋ ŋaa tʋɔpʋl wɩaa nʋʋkala na nɛ.”

Jɔɔŋ Wʋnaalaa 20:14

Ŋɩɩ nɛ ba joŋ sʋʋŋ arɩ lɛlɛɛ-jaŋ a yuo hɛ nyiŋ-bal-la lɛ. Nyiŋ-bal-la nɛ ŋaa sʋʋ bʋlɩa.