Luuk 12:4 - WƖA TENIŊ

⁴ Ŋɩɩ nɛ Yesu bɩra bʋl, “Mɩ nandɔnsʋŋ, mɩ jaŋ bʋla pɩma, má sɩ́ nɩalɩŋ sɩ jaŋ wuo kpʋ ma yaraa lɛ fá, aŋ bɩra bɩ jaŋ wuo ŋaama wɩɩ dɔŋ kala.

Luuk 12:4 ပူးပေါင်းရင်းမြစ်များ

NAMAGABA 29:25

Dɩ nʋʋ nɩɩ fá nuhuobiinee, ŋɩɩ ŋaa bɛrɛ́ nɛ ʋ lɛ, ama nɩɩ-la sɩ laa La Tɩɩna dii, wɩɩkala bɩ jaŋ jʋʋ ʋ lɛ.

SOLOMOŊ YƖƖL-SƖMƖŊ 5:1

Mɩ dɩhaala, mɩ ha-falɩŋ, mɩ kʋ jʋʋ mɩ lɩga nɛ. Mɩ kɛŋ mɩ tɩɩ-kel-la sʋɔra sɩ sɩma baa yɩrɛ mɛɛ arɩ mɩ tegisiŋ hɛ dɔŋɔ nɛ. Mɩ dii mɩ tʋʋ-nʋʋŋ arɩ ʋ tʋʋ-jaga kala nɛ. Mɩ nyʋa mɩ girep nɛnɛɛ sɩnɩŋ arɩ mɩ nayɩlɩŋ ma kala nɛ. La nɩchooloo, má dagɛ ma chonuŋ, a magɛ ŋɩɩ kala ma sɩɩ chɛ, a nagɛ nɩa sɩ dii kɩaa a nyʋa kɩaa vɔgɛ.

SOLOMOŊ YƖƖL-SƖMƖŊ 5:16

Ʋ niiŋ mʋsʋŋ sɩma, ʋ wɩɩkala zɔmɔ nɛ. Jerusalɛm toloo, mɩ hɩɩla nɛ ŋɩɩ, mɩ tanlɔŋɔ ma nɛ ŋɩɩ.

AZAAYA 41:8

Ama ma-na Iziral tɩŋŋaa mɩ tɩntɩnnaa, ma nɛ mɩ lɩɩsɛ, mɩ nandɔŋɔ Abɩraham doho nɩaa.

JƐRƖMAAYA 1:17

Kɛŋ ŋ tɩtɩa hɛ dɔŋɔ a mʋ bʋl wɩɩ-la kala mɩ sɩ jaŋ bʋla pɩŋ a pɩba. Sɩ́ ba fá, ŋɩɩ dee mɩ jaŋ leŋ dɩ fawʋllʋŋ kɛnɩŋ ba sɩpaaŋ.

JƐRƖMAAYA 1:8

Sɩ́ ba fá, mɩ hɛ ŋ teeŋ nɛ, mɩ jaŋ laaŋ ta ba nɩsɩŋ lɛ. Mɩ-na ma TƖƖNA nɛ bʋla.”

JƐRƖMAAYA 41:18

dɩ ba fori Babɩlɔŋ nɩaa nɩsɩŋ lɛ. Fawʋllʋŋ fa kɛmba nɛ a tɩŋ ba wɩaa, bɛɛ wɩaa Nɛtanɩa nanʋala Ɩsɩmɛl fa kpʋ Ahɩkam nanʋala Gedalia nɛ, nɩɩ-la Babɩlɔŋ kuoro sɩ lɩɩsa ʋ chɩŋ ʋ naasɩŋ lɛ a bibeŋ tintee-la.

ƐZƖKƖƐL 2:6

Ama ŋ-na nuhuobiiŋ, sɩ́ ba fá, a sɩ́ ba wʋbʋlaa ma fá. Ʋ jaŋ nagɛ ŋ hɛ chɛyɛɛ arɩ sɔpʋllʋŋ arɩ nʋɔmaa tʋɔŋ nɛ, ama sɩ́ leŋe dɩ ŋ bɔyɛ joŋ ba wʋbʋlaa lɛ, sɩ́ ba fá. Jɩŋ arɩ ba ŋaa nɩa sɩ bɩ dagɩŋ ka sɛɩ nɛ.

Matiu 10:28

Ŋɩɩ nɛ Yesu bɩra bʋl, “Má sɩ́ nɩalɩŋ sɩ jaŋ wuo kpʋ ma yaraa fá, nɩaa deemba bɩ ma dɩma wuo kpʋ. Ama má fá Wɩa. Ʋ nɛ kɛŋ doluŋ dɩ ʋ wuo joŋ ma yaraa arɩ ma dɩnsɩŋ kala a hɛ Wɩa nyiniŋ tʋɔŋ. Mɩ bʋlaa pɩma, má fɩfáʋ.

Jɔɔŋ 15:13

Dɩ nʋʋ nɛ kɛŋ ʋ tɩtɩa hɛ dɔŋɔ dɩ ʋ joŋ ʋ mɩɩsɩŋ yɔɔ sʋʋŋ ʋ nandɔsʋŋ wɩaa, ʋ choba nɛ woruŋ. Nʋʋkala bɩ nɩɩ-la cho a magɛ nɩa deeŋ.

Tɩntɩŋŋaa 20:24

Ama mɩ sɩ yie beŋ mɩ mɩɩsɩŋ, ʋ bɩ kʋŋkala ŋaa mɩ teeŋ. Mɩ taa chɛ dɩ mɩ tɩŋ tɩntɩmɩɩ-la mɩ Tɩɩna Yesu sɩ sɩ mɩ tɩŋ nɛ a dɛrɛ. Tɩntɩmɩɩ-la nɛ dɩ mɩ bʋl Wɩa wʋzɔmɔ-la a pɩ nɩaa, a dagɛ ŋɩɩ Wɩa sɩ kɛŋ zile.

Tɩntɩŋŋaa 4:13

Nɩalɩŋ sɩ hilime a na Pɩɩta arɩ Jɔɔŋ dɩ baa bʋl wɩaa arɩ nyuduoŋ ŋɩɩ, ʋ ŋaaba wʋkpuŋkpere, bɛɛ wɩaa ba jɩma ba bɩ nɩfɩɛma ŋaa ba taŋ lɛ a bɩ teniŋ ma jɩŋ. Ŋɩɩ nɛ ba wuo jɩŋ arɩ ba faa to Yesu harɩŋ nɛ a gʋnnɛ ʋ wɩaa.

Fɩlɩpa Nɩaa 1:28

Má sɩ́ leŋe dɩ fawʋllʋŋ kɛmma a mʋ tɩgɛ ma dʋndɔŋŋɔɔ lɛ. Ma kɛŋ nyuduoŋ bʋa na-kala ŋɩɩ jaŋ leŋ dɩ ba chaasa jɩŋ arɩ ba jaŋ lɛl, ama Wɩa jaŋ laa ma-na ta.

Jeems 2:23

Ʋ sɩ ŋaa ŋɩɩ nɛ, wɩalɩŋ ba fa sɩ ŋmʋnsa Wɩa teniŋ tʋɔŋ kʋ ŋaa wʋtɩtɩɩ. Ba fa ŋmʋnsa arɩ Abɩraham laa Wɩa wɩaa dii nɛ, ŋɩɩ nɛ tɩɩ Wɩa leŋ ʋ wuo ŋaa tʋɔpʋl tɩɩna ʋ sɩpaaŋ. Ŋɩɩ wɩaa nɛ nɩaa paala kɛnʋ yɩyɩrɛ Wɩa nandɔŋ.

1 Pɩɩta 3:14

Ama dɩ ba nɩɩ dɔgɩsɛma a tɩŋ ma tʋɔpʋl wʋŋaalaa wɩaa, Wɩa jaŋ pɛ ma lɛ. Ŋɩɩ wɩaa, má sɩ́ nɩalɩŋ sɩ dɔgɩsɛma fá, a sɩ́ leŋe dɩ wɩɩkala wʋwalɩmɛ ma.

Jɔɔŋ Wʋnaalaa 2:10

Má sɩ́ leŋe dɩ fawʋllʋŋ kɛmma a mʋ tɩgɛ hɛɛ kala ma sɩ jaŋ na lɛ. Mɩ bʋlaa pɩma, Sɩtaanɩ jaŋ magɩsɛ ma dɔnsʋŋ a leŋ dɩ ba kɛmma tɔ bɩnɩŋ dɩa. Ma jaŋ na hɛɛŋ a yi tapʋlaa fii. Dɩ ba nɩɩ chɛ dɩ ba kpʋma ma, ma-na ha chɩŋ wɩalɩŋ ma sɩ laa dii lɛ. Dɩ ma nɛ ŋaa ŋɩɩ, mɩ jaŋ joŋ mɩɩ-zɔmʋŋ pɩma Wɩa-jaŋ lɛ.