Luuk 12:2 - WƖA TENIŊ

² Wɩɩkala sɩ faa, ʋ jaŋ kʋ lɩɩ pʋlʋmʋŋ, nɩaa jaŋ nɩɩ wɩɩ-la ma sɩ ŋaa wʋfaalɩɩ.

Luuk 12:2 ပူးပေါင်းရင်းမြစ်များ

TƖƖCHA 12:14

Wɩa jaŋ dii la sarɩya wɩɩ na-kala la sɩ ŋaa lɛ, dɩ ba ŋaa wʋzɔmɔ koo wʋbɔmɔ, a pɛ wɩalɩŋ kala la sɩ lʋara ŋaa lɛ.

JƐRƖMAAYA 16:17

Mɩ sɩaa ka na ba wʋŋaalaa kala nɛ. Wɩalɩŋ kʋŋkala bɩ faa mɩ teeŋ. Ba wʋbɔŋŋɔɔ ma bɩ faa mɩ teeŋ.

HOSIA 8:13

Ba yie kpʋ pʋsʋŋ a ŋaa Wɩɩsʋlʋŋ pɩmɛ, aŋ joŋ nammɩa-la chaŋ, ama mɩ-na ba TƖƖNA tʋɔŋ bɩ ba Wɩɩsʋlʋŋ-la nyuŋ tɔrɔ. Lɛɛlɛ mɩ jaŋ liise yi ba nɩbɔŋ wɩalɩŋ lɛ a dɔgɩsɛba a tɩŋ ba wʋbɔŋŋɔɔ wɩaa. Ba jaŋ mɩɩra mʋ Ijipiti tinteeŋ.

Maak 4:22

Wɩɩkala sɩ faa, ba jaŋ kaa polli dɩ nɩaa jɩmʋ, wɩɩ-la ma kala sɩ hɛ birimiŋ tʋɔŋ jaŋ kʋ lɩɩ pʋlʋmʋŋ.

Luuk 8:17

Wʋfaalɩɩ tuo see dɩ ʋ kʋ lɩɩ dɩ-jalɩŋ. Wɩɩkala sɩ hɛ birimiŋ tʋɔŋ jaŋ kʋ lɩɩ pʋlʋmʋŋ.

Rom Tɩŋŋaa 2:16

Ŋɩɩ wɩaa Wɩa wʋzɔmɔ-la mɩ sɩ bʋla pɩma daga arɩ ŋ-la nɛ ʋ jaŋ nagɛ tapʋlɩɩ-la Wɩa sɩ jaŋ kɛŋ nɩaa wʋfalaa kaa kʋ lɩɩ pʋlʋmʋŋ, a to Yesu Kirisito lɛ a dii ba sarɩya.

1 Kɔrɩntɩ Nɩaa 4:5

Ŋɩɩ wɩaa, má sɩ́ cheeriŋ joŋo pɩ nʋʋkala, dɩ tapʋlɩɩ-la La Tɩɩna sɩ jaŋ kɔ a dii la sarɩya ha bɩ yie. Dɩ ʋ nɛ mɩɩra kɔ, wʋbɔmɔ-la kala nɩaa sɩ ŋaa birimiŋ tʋɔŋ, ba kala jaŋ kʋ lɩɩ pʋlʋmʋŋ. Nɩaa tʋɔbɩɩnaa kala ba sɩ kɛnɛ jaŋ kʋ lɩɩ pʋlʋmʋŋ. Bʋa-la lɛ Wɩa jaŋ bɛsɛ nʋʋkala lɛ a mʋ tɩgɛ wɩalɩŋ ʋ sɩ ŋaa.

2 Kɔrɩntɩ Nɩaa 5:10

bɛɛ wɩaa la kala jaŋ mʋ chɩŋ Kirisito sɩpaaŋ dɩ ʋ dii la sarɩya. Kirisito jaŋ tiŋ nʋʋkala magɛ ŋɩɩ ʋ sɩ tɩma magɛ dʋnɩa deeŋ lɛ. Dɩ ŋ nɛ faa ŋaa wʋzɔŋŋɔɔ, ʋ jaŋ joŋ wʋzɔŋŋɔɔ timiŋ. Dɩ ŋ nɛ faa ŋaa wʋbɔŋŋɔɔ ma, ʋ jaŋ joŋ wʋbɔŋŋɔɔ timiŋ.