Luuk 12:16 - WƖA TENIŊ

¹⁶ Ŋɩɩ nɛ Yesu magɛ namaga a bʋl, “Baal kʋbala nɛ fa hɛ nɩmɛ a kɛŋ kɩaa woruŋ a bil ʋ baga. Ʋ baga-la kɩaa wasɛ woruŋ.

Luuk 12:16 ပူးပေါင်းရင်းမြစ်များ

JOB 12:6

Ama gaaraa hɔnɔ nɛ, wɩɩkala bɩ baa walɩmɛ, nɩalɩŋ sɩ ŋaa Wɩa baanɩŋ sii ma kala hɔnɔ ta jɩa nɛ, a bibigisi ba doluŋ lɛ.

JOB 24:23

Wɩa jaŋ wuo leŋ dɩ ba hɔŋ, wɩɩkala bɩ baa walɩmɛ. Ama ʋʋ beŋ wɩalɩŋ kala ba sɩɩ ŋaa nɛ.

WƖA YƖƖLAA 73:12

Ŋɩɩ nɛ nɩbɔmɔ-la nagɛ, wɩɩkala bɩ ba lɛ ŋaa, ka ba dʋa ma pʋŋa pɩpɛ.

WƖA YƖƖLAA 73:3

Mɩ yaraa faa bieri sɩɩ-duo tɩŋŋaa arɩ nɩbɔŋŋɔɔ lɛ nɛ, a tɩŋ wɩaa sɩ vɛŋ woruŋ aa pɩba.

ƐZƖKƖƐL 16:49

Wʋbɔmɔ-la ŋ naambie Sodom arɩ ʋ tabiisiŋ sɩ ŋaa nɛ ŋ-la: Ʋ fa kɛŋ sɩɩ-duoŋ nɛ, a kɛŋ kʋdiilee kɩŋkɛŋ a didii aŋ bɩ nʋʋkala wɩaa chɩla. Ba bɩ summoo arɩ nɩalɩŋ sɩ bɩ ba tɩtɩa lɛ wuo pɛ lɛ ka pɛ.

HOSIA 2:8

Ʋ bɩ sɛyɛ arɩ mɩ nɛ nɩɩ-la sɩ pʋ mɩaa, girep nɛnɛɛ sɩ-falɩŋ arɩ nʋʋŋ, a pʋ hɔpʋla arɩ sɛlɩmɛ, kɩalɩŋ ʋ sɩ joŋo pɩ vene-la ba sɩɩ yɩrɛ Baal.

Matiu 13:8

Kʋdoho-la dɔnsʋŋ ma tel tintee-zɔmʋŋ lɛ a nyʋ a waa a wasɛ woruŋ. Dɔnsʋŋ hɛ biee zɔlɔ zɔlɔ, dɔnsʋŋ ma mahɩŋ batori batori, dɔnsʋŋ ma mara arɩ fii fii.”

Matiu 5:45

Dɩ ma nɛ ŋaa ŋɩɩ, ma jaŋ wuo ŋaa ma Nyɩmma Wɩa sɩ hɛ Wɩa-jaŋ biiriŋ. Ʋ leŋe Wɩa pɔsɛ hɩhɛ nɩbɔŋŋɔɔ arɩ nɩzɔŋŋɔɔ kala lɛ nɛ a leŋ duonuŋ nɩɩ pɩpɩ nɩzɔŋŋɔɔ arɩ nɩbɔŋŋɔɔ kala.

Luuk 12:15

Ŋɩɩ nɛ ʋ bɩra bʋla pɩ nɩalɩŋ, “Má fɩɛlɛ ma sɩaa a sɩ́ tʋɔ-luŋuŋ kɛŋ. Dɩ nuhuobiine nɛ kɛŋ kɩaa kɩŋkɛŋ, kɩalɩŋ bɩ jaŋ wuo leŋ dɩ ʋ kɛŋ mɩɩsɩŋ.”

Luuk 12:17

Ŋɩɩ nɛ ʋ bɩɩnɛ ʋ tʋɔŋ lɛ, ‘Ɛɛ nɛ mɩ jaŋ ŋaa? Mɩ bɩra bɩ leriŋ kɛnɛ dɩ mɩ tʋɔlɛ mɩ kɩaa.’

Tɩntɩŋŋaa 14:17

Arɩ ŋɩɩ kala ʋ fa ŋaa wʋzɔŋŋɔɔ pɩpɩ nɩaa nɛ, a dɩdagɛba ŋɩɩ arɩ ʋ nɛ hɛ nɩmɛ. Ʋ ŋaa duonuŋ nɩnɩɩ a ŋaa baga kɩaa wʋwasɛ, a pɩma kʋdiilee yʋgɛ, a leŋ ma faasa kɛŋ tʋɔtɔrʋŋ.”