Luuk 11:41 - WƖA TENIŊ

⁴¹ Dɩ ma nɩɩ chɛ dɩ ma tʋɔŋ pʋllɛ, má kɛŋ ma tʋɔŋ a cho summoo a fɩfá ba nenige.

Luuk 11:41 ပူးပေါင်းရင်းမြစ်များ

WƖA YƖƖLAA 112:9

Ʋ yie joŋ kɩaa a didii zile summoo lɛ nɛ. Ʋ jaŋ chɩŋ tʋɔpʋl wɩaa naaŋ lɛ a kaa mʋ wuu. Ʋ jaŋ kɛŋ doluŋ dɩ nɩaa zizilu.

WƖA YƖƖLAA 41:1

La Tɩɩna jaŋ pɛ nɩalɩŋ sɩɩ beŋ summoo nyuŋ woruŋ. Dɩ wɩaa nɛ jʋʋba, ʋ jaŋ lɩɩsɛba.

NAMAGABA 14:31

Nɩɩ-la kala sɩɩ dɔgɩsɛ summoo, Wɩa sɩ ŋaaba nɛ ŋ tʋtʋʋsɛ ŋɩɩ, ama nɩɩ-la kala sɩ ŋaa zile pɩpɩ nɩalɩŋ sɩ bɩ ba tɩtɩa lɛ wuo pɛ, ʋʋ zil Wɩa nɛ.

NAMAGABA 16:6

Dɩ ŋ nɛ cho La Tɩɩna a kɛŋ wʋtɩtɩɩ, ʋ jaŋ joŋ ŋ wʋbɔŋŋɔɔ kala chɛŋ. Dɩ ŋ nɩɩ fá La Tɩɩna, ŋ yie vɩa wʋbɔŋŋɔɔ ŋaanɩŋ nɛ.

NAMAGABA 19:17

Nɩɩ-la kala sɩ joŋ kɩaa dii zile summo lɛ, ʋ joŋo chɩŋ La Tɩɩna nɛ. Ʋ jaŋ timu.

DANƖƐL 4:27

Ŋɩɩ wɩaa, kuoro, mɩɩ sʋlʋŋ, sɛɩ wɩɩ-la mɩ sɩ jaŋ dagɛ: Leŋ ŋ wʋbɔmɔ-la ŋaanɩŋ aŋ ŋɩŋaa wɩaa ba bʋa lɛ, a leŋ ŋ nɩbɔŋ wɩalɩŋ aŋ kɛŋ zile nɩalɩŋ ba sɩ nyaga bil lɛ. Ʋ ŋɩɩ nɛ jaŋ leŋ dɩ wɩaa vɛŋ woruŋ pɩŋ.”

Matiu 26:11

Ma dɩ summoo jaŋ hɛ nɩmɛ bʋa na-kala lɛ, ama mɩ dɩ ma bɩ jaŋ hɛ nɩmɛ deeŋ deeŋ.

Matiu 5:42

Dɩ ŋ nɛ kɛŋ kʋŋ, dɩ nʋʋ pɩɛsa chɩchɛ, joŋo pʋ. Dɩ nʋʋ nɛ kɔ ŋ teeŋ a chɩchɛ kʋŋ dɩ ʋ chɩŋ, dɩ ŋ nɛ kɛnɛ, joŋo chɩmʋ.

Maak 7:19

Dɩ ŋ nɛ dii kʋŋ, ʋ bɩ ŋ tʋɔŋ ka tuu see ŋ luoruŋ, a bɩra to ŋ yaraa lɩɩ.” (Yesu dagɛba ŋɩɩ arɩ kʋdiilee kɩsɩŋ bɩra tuo.)

Luuk 12:33

Má joŋ ma kɩaa kala yallɛ a joŋ moribie-la a pɩ summoo. Má chɛ kɩalɩŋ sɩ bɩ chei a bil ma tɩtɩa lɛ, a joŋ ma kɩaa bil Wɩa-jaŋ lɛ. Nɩmɛ ba bɩ jaŋ dɛrɛ, gaarʋ kala bɩ jaŋ wuo paaba, pʋgʋmaa ma bɩ jaŋ diiba.

Luuk 16:9

Ŋɩɩ nɛ Yesu bɩra bʋla pɩ ʋ harɩ-tooro-la, “Mɩ bʋlaa pɩma, má joŋ moribiee a kaa dii nandɔnsʋŋ. Dɩ moribie-la nɛ dɛrɛ, Wɩa jaŋ kɛmma kaa mʋ ʋ jaŋ a joŋ mɩɩsɩ-la sɩ bɩ dɛrɛ a pɩma.

Luuk 18:22

Yesu sɩ nɩɩ wɩalɩŋ ʋ sɩ bʋla, ʋ bʋla pʋ, “Wʋbala nɛ ka ŋ ha jaŋ ŋaa. Joŋ ŋ kɩaa kala a yallɛ, a joŋ moribie-la a pɩ summoo, aŋ kʋ tomi. Ŋ nɛ ŋaa ŋɩɩ, ŋ jaŋ kɛŋ kɩaa Wɩa-jaŋ lɛ.”

Luuk 19:8

Yesu sɩ hɛ Zakɩyas dɩa lɛ ŋɩɩ, Zakɩyas sii chɩŋ a bʋla pɩ La Tɩɩna Yesu, “Mɩ Kʋhɩaŋ, jegile nɩɩ mɩ teeŋ. Mɩ jaŋ joŋ mɩ kɩaa kpaa magɛ dɔŋɔ a pɩ summoo. Dɩ mɩ nɛ gɩrɩmɛ nʋʋ maa, mɩ jaŋ tiŋ ʋ tɩɩna arɩ moribiee naansɩɩŋ bʋnɛsɛ.”

Tɩntɩŋŋaa 10:15

Yikoro-la bɩra mɩɩra bʋla pʋ, “Kʋ-la kala Wɩa sɩ sɩ ʋ zɔmɔ, bɩra sɩ́ bʋl arɩ ʋ kɛŋ disiniŋ nɛ.”

Tɩntɩŋŋaa 11:29

Ŋɩɩ nɛ Yesu harɩ-tooro-la vʋʋrɛ a sɛɩ dɩ ba jaŋ kɩɛsɛ moribiee a joŋo tɩŋ, dɩ ba kaa mʋ pɛ ba naambiiri-la sɩ hɛ Judiya lɛ, dɩ nʋʋkala tɩa magɛ ŋɩɩ kala ʋ sɩ jaŋ wuo.

Tɩntɩŋŋaa 24:17

Mɩ sɩ lɩɩ Jerusalɛm lɛ ʋ diene, a yi jɩsɩ arɩ jɩsɩ. Lɛɛlɛ nɛ mɩ kɔ a kɛŋ moribiiŋ kaa kɔ dɩ mɩ pɩ mɩ tinteeŋ nɩaa aŋ pɛ kpʋ pʋsʋŋ a ŋaa Wɩɩsʋlʋŋ pɩ Wɩa.

2 Kɔrɩntɩ Nɩaa 8:12

Dɩ ŋ nɛ kɛŋ ŋ tɩtɩa hɛ dɔŋɔ dɩ ŋ joŋ kʋŋ pɩ nʋʋ, tɩɩna jaŋ laa kʋ-la ŋ sɩ joŋo pʋ nɛ, ama ʋ bɩ jaŋ laa kʋ-la ŋ sɩ bɩ kɛnɛ.

Ɛfɛsɩs Nɩaa 4:28

Nɩɩ-la kala fa sɩɩ gaa, ʋ maga dɩ ʋ leŋ gaarɩŋ, aŋ kɛŋ ʋ nɩsaa faasa tɩŋ tɩntɩŋ-zɔŋŋɔɔ a wuo na kʋ-la kala ʋ sɩɩ chɛ ʋ tɩtɩa lɛ, aŋ wuo pɛ summoo ma lɛ.

Taatɩs 1:15

Tʋɔpʋl tɩɩna teeŋ kʋŋkala zɔmɔ nɛ. Disiŋ tɩmma-la sɩ bɩ Wɩa wɩaa laa dii teeŋ, kʋŋkala ŋaa disiŋ kʋŋ nɛ. Ba tʋɔŋ lɔrɔ, ba tʋɔbɩɩnaa kala bɩ zɔŋ.

Hiburu TƖŊŊAA 13:16

Bʋa na-kala má ŋaa kukeri a ŋɩŋaa wʋzɔŋŋɔɔ dɔŋɔ lɛ. Kɩalɩŋ ma sɩ kɛnɛ, má ŋaa pɩpɩ dɔŋɔ. Dɩ ma nɩɩ ŋaa ŋɩɩ, Wɩa tʋɔŋ jaŋ tɔrɛ ma nyuŋ.

Hiburu TƖŊŊAA 6:10

Wɩa kɛŋ wʋtɩtɩɩ, ʋ bɩ jaŋ yʋ tɩntɩmɩɩ-la ma sɩ tɩma pʋ arɩ chono-la ma sɩ daga pʋ a pɛ ʋ nɩaa lɛ aŋ ha pɩpɛ ba lɛ.

Jeems 1:27

La Nyɩmma Wɩa wombiiŋ tonuŋ ʋ sɩ daga arɩ ʋ ŋaa wombii-tɩtɩɩ nɛ ŋ-la: Má pɩpɛ biisinsiŋ arɩ yo-haala-la sɩɩ na hɛɛŋ lɛ, aŋ lɩɩsɛ ma tɩtɩa dʋnɩa nɩaa wʋŋaalaa sɩ jaŋ leŋ dɩ ma kɛŋ disiniŋ lɛ.