Luuk 11:22 - WƖA TENIŊ

²² Ama nɩɩ-la ma sɩ kɛŋ doluŋ a kɩɩʋ nɛ wuo kʋ kɛŋ baal-la, a laa ʋ tʋɔnʋ-la kala ʋ sɩ kaa pɔ ʋ kɩaa, ʋ jaŋ wuo paa ʋ kɩalɩŋ kala kaa viiri.

Luuk 11:22 ပူးပေါင်းရင်းမြစ်များ

WƖAA DƖ-SUOMUŊ 3:15

Mɩ jaŋ joŋ dʋndɔnnʋŋ hɛ ŋ dɩ haal-la pɛgɛ. Ŋ biiriŋ arɩ ʋ biiriŋ jaŋ ŋaa dʋndɔmɔ. Adam doho nʋʋ jaŋ ŋmoo ŋ nyuŋ yɛrɛ, ka dɩ ŋ ma ta ʋ naatilimiŋ lɛ.”

MOSIS KƐŊ IZIRAL TƖŊŊAA LƖƖ 15:9

Ŋɩɩ nɛ ŋ dʋndɔŋŋɔɔ bigisi ba tɩtɩa lɛ a bʋl, ‘La jaŋ kire kɛmba a kpʋba arɩ tokobiee aŋ laa kɩalɩŋ kala la sɩɩ chɛ ba dʋa tʋɔŋ.’

AZAAYA 27:1

Tapʋlɩɩ-la, La TƖƖNA jaŋ joŋ ʋ tokobii-duo-la sɩ kɛŋ niiŋ woruŋ a dɔgɩsɛ peribanyeŋŋu, aŋ kpʋ kʋkpuŋkpere-la sɩ yʋga a nagɛ dɩmɩŋ a hɛ mʋgʋ-balɩŋ lɛ.

AZAAYA 53:12

Ŋɩɩ wɩaa, mɩ jaŋ pʋʋ dɩhɔnʋŋ nɩbalaa tʋɔŋ, ʋ jaŋ laa yɩrɩŋ aŋ kɛŋ doluŋ ma. Bɛɛ wɩaa ʋ joŋ ʋ mɩɩsɩŋ ta nɛ a sʋʋ, a nagɛ ʋ ma ŋaa nɩbɔŋ nɛ. Ʋ nɛ laa nɩaa wʋbɔŋŋɔɔ kala chʋŋ a na hɛɛŋ, aŋ sʋl Wɩa dɩ ʋ joŋo chɛba.

Luuk 11:21

Dɩ nɩduoŋ nɛ vɔɔ ʋ tʋɔnʋŋ a hɔnɔ pɔ ʋ dɩa, nʋʋkala bɩ ʋ dɩa kʋŋkala wuo jʋʋ joŋ.

Luuk 11:23

Nʋʋkala sɩ bɩ mɩ nʋʋ ŋaa, ʋ lɩɩ mɩ harɩŋ nɛ. Nɩɩ-la ma kala sɩ bɩ mɩ lɛ pɛ dɩ la kiri kɩaa hɩhɛ dɔŋɔ lɛ, ʋ kaa pɩsa tɩta nɛ.”

Ɛfɛsɩs Nɩaa 6:11

Má paa ma bayuori kɩalɩŋ Wɩa sɩ joŋo pɩma laalɛ, ŋɩɩ nɛ ma jaŋ wuo pɔ dɩ Sɩtaanɩ sɩ́ wuo kɛŋ ʋ badɛ wɩaa nyɩsɛma.

Ɛfɛsɩs Nɩaa 6:13

Ŋɩɩ wɩaa, má laalɛ laalɩyuori kɩaa Wɩa sɩ joŋo pɩma, dɩ tapʋlɩɩ-la wʋbɔŋŋɔɔ sɩɩ chɛ dɩ ba ŋaa ma lɛ, dɩ ma wuo kɛŋ ma tɩtɩa hɛ dɔŋɔ chɩna gbɛrɛ.

Koloosi Nɩaa 2:15

Ʋ laa kɩalɩŋ kala la sɩ bɩ na ka ba kɛŋ doluŋ a bibeŋ leriŋ doluŋ nɛ. Ʋ sɩ sʋʋ daagɛsɛ nyuŋ ŋɩɩ, ʋ yuo diiba nɛ a hɩɩsɛba nʋʋkala na.

1 Jɔɔŋ 3:8

Ama nɩɩ-la kala ha sɩɩ ŋaa wʋbɔŋŋɔɔ, ʋ ŋaa Sɩtaanɩ nʋʋ nɛ. Sɩtaanɩ ŋaa wʋbɔŋŋɔɔ bumbuŋ kala nɛ a kaa kɔ arɩ jɩnɩŋ kala. Wɩɩ-la sɩ tɩɩ Wɩa Bie kɔ dʋnɩa nɛ ŋ-la: Ʋ kɔ dɩ ʋ chei Sɩtaanɩ tɩntɩŋŋaa nɛ.

1 Jɔɔŋ 4:4

Mɩ biiri, ma nɛ ŋaa nɩalɩŋ Wɩa sɩ tɩɩ. Ma nɛ lɛɛlɛ kɛŋ doluŋ a kɩɩ nɩalɩŋ sɩ nyɩɛ wɩaa arɩ ba ŋaa Wɩa wʋlaabʋlla nɛ, bɛɛ wɩaa Wɩa Dɩŋ-zɔmʋŋ sɩ hɛ ma lɛ nɛ kɛŋ doluŋ a kɩɩ dol-la dʋnɩa nɩaa sɩ kɛnɛ.