Luuk 11:2 - WƖA TENIŊ

² Ŋɩɩ nɛ Yesu bʋla pɩba, “Ŋ-la nɛ ma jaŋ chʋchʋɔlɛ Wɩa: Má bʋl, ‘La Nyɩmma, leŋ dɩ ŋ yɩrɩŋ yɩrɛ, leŋ dɩ ŋ kuorii-la kɔ.

Luuk 11:2 ပူးပေါင်းရင်းမြစ်များ

1 KUOROO 8:43

ŋ hɛ ŋ jaŋ lɛ nɛ, jegile nɩɩ nʋhʋɔrʋ-la sʋla a ŋaa wɩɩ-la kala ʋ sɩɩ chɛ pʋ. Ŋɩɩ nɛ dʋnɩa nɩaa kala jaŋ jɩmɩŋ a fɩfáŋ arɩ ŋ nɩaa Iziral tɩŋŋaa sɩɩ ŋaa ŋɩɩ, aŋ bɩra jɩŋ arɩ mɩ saa ŋ dɩɩ-balɩŋ deeŋ a pɩŋ nɛ dɩ ba chʋchʋɔlʋŋ nɩmɛ.

2 KUOROO 19:19

La TƖƖNA Wɩa, laala ta Asiiria tɩŋŋaa nɩsɩŋ lɛ dɩ dʋnɩa kuoroo arɩ ba nɩaa kala jɩŋ arɩ ŋ dʋndʋŋa nɛ Wɩa.”

2 IZIRAL TƖŊŊAA NAABARƖŊ 20:6

aŋ bʋl, “La TƖƖNA, la naabalɩmaba Wɩa, ŋ hɛ ŋ jaŋ lɛ nɛ. Ŋ nɩɩ beŋ tinteyee kala sɩ hɛ dʋnɩa lɛ. Doluŋ kala hɛ ŋ nɩsɩŋ lɛ nɛ, nʋʋkala bɩ ŋ sɩpaaŋ wuo chɩŋ.

WƖA YƖƖLAA 103:20

Má dɛnnɛ La Tɩɩna, ma-na ʋ tɩndaaraa sɩ kɛŋ doluŋ a tuto ʋ niiŋ a sɛɩ ʋ wɩaa.

WƖA YƖƖLAA 108:5

Wɩa, leŋ dɩ ŋ yɩrɩŋ sii kɩɩ wɩa-nyuŋ, dɩ ŋ tʋla su dʋnɩa lee-kala.

WƖA YƖƖLAA 11:4

La Tɩɩna hɔŋ ʋ kuoru kpasa nyuŋ nɛ, ʋ dɩa-la sɩ zɔmɔ a bɩ disiniŋ kɛnɛ lɛ Wɩa-jaŋ. Ʋ jɩŋ wɩalɩŋ kala la sɩɩ ŋaa nɛ, bɛɛ wɩaa ʋʋ na la kala nɛ.

WƖA YƖƖLAA 57:11

Wɩa, leŋ dɩ ŋ yɩrɩŋ sii kɩɩ wɩa-nyuŋ, dɩ ŋ tʋla su dʋnɩa lee na-kala.

TƖƖCHA 5:2

Sɩ́ leŋe dɩ ŋ niiŋ lɩŋ, sɩ́ pese hɛ niiŋ Wɩa teeŋ. Wɩa hɛ ʋ jaŋ lɛ nɛ, ka ŋ ma hɛ dʋnɩa lɛ, ŋɩɩ wɩaa sɩ́ wʋdaŋ bʋl.

AZAAYA 63:16

Ŋ nɛ la nyɩmma. La naabalɩma, Abɩraham bɩ la jɩŋ, Jekɔb vɩa la ta nɛ. Ŋ nɛ La TƖƖNA arɩ la nyɩmma. Bumbuŋ kala ŋ nɛ la Laataara.

ƐZƖKƖƐL 36:23

Mɩ jaŋ dagɛ ŋɩɩ mɩ yɩrɩ-zɔŋ-la sɩ kɛŋ doluŋ, mɩ yɩrɩ-la ma sɩ cheye tinteyee lɛ. Ŋɩɩ nɛ tinteye-la nɩaa jaŋ jɩŋ arɩ mɩ nɛ ba TƖƖNA. Mɩ-na ma TƖƖNA Wɩɩjarɩbakɔ nɛ bʋla. Mɩ jaŋ to ma lɛ a leŋ dɩ ba jɩŋ arɩ mɩ bɩ disiniŋ kɛnɛ.

DANƖƐL 2:28

ama Wɩa sɩ hɛ ʋ jaŋ lɛ nɩɩ dagɛ wʋkpuŋkperisiŋ bʋbʋɔŋ. Ʋ nɛ joŋ wɩalɩŋ maachie sɩ jaŋ ŋaa a dagɛ ŋ-na kuoro Nebukadineza. Ŋ duoso-la arɩ wɩalɩŋ kala ŋ sɩ pɩna na ŋ bɔsɔ lɛ nɛ ŋ-la:

DANƖƐL 2:44

Kuoroo deemba kuoruŋ bʋa lɛ Wɩa sɩ hɛ ʋ jaŋ lɛ a bibeŋ kʋŋkala jaŋ bil kuoro ba sɩ bɩ jaŋ wuo giru, koo ba bɩ jaŋ laa a pɩ nɩa dɔsɛ. Ʋ jaŋ yuo dii kuorusu-la kala a leŋ dɩ ba kuoruŋ dɛrɛ, ama ʋ-na jaŋ hɛ nɩmɛ a kaa mʋ wuu.

DANƖƐL 7:18

Ama Wɩa sɩ kɩɩ kʋŋkala nɩaa jaŋ laa kuorii-la a diiu a kaa mʋ wuu.”

DANƖƐL 7:27

Ba jaŋ joŋ doluŋ arɩ kuoruŋ yuŋuŋ kala sɩ hɛ dʋnɩa lɛ a pɩ Wɩa sɩ kɩɩ kʋŋkala nɩaa. Ba kuoruŋ doluŋ bɩ jaŋ dɛrɛ. Kuoroo kala sɩ hɛ dʋnɩa lɛ jaŋ to ba niiŋ a tɩma pɩpɩba.”

HOSIA 14:2

Má kɛŋ ma tɩtɩa hɛ dɔŋɔ aŋ mɩɩra mʋ La TƖƖNA teeŋ, a bʋla pʋ, “Fá la nenige aŋ joŋ la wʋbɔŋŋɔɔ kala chɛla, aŋ chaga laala dɩ la wuo suri la niiŋ a dɛnnɩŋ.

LEVI DOHO NƖAA 10:3

Ŋɩɩ nɛ Mosis bʋla pɩ Arɔŋ, “Wɩɩŋ deeŋ wɩaa nɛ La TƖƖNA fa bʋl ŋɩɩ, ʋ sɩ: ‘Nɩalɩŋ sɩ kʋ kpagɛmɛ, mɩ jaŋ dagɛba arɩ mɩ bɩ disiniŋ kɛnɛ. Nʋʋkala jaŋ zilmi.’ ” Ŋɩɩ nɛ Arɔŋ ŋaa chɩm.

LEVI DOHO NƖAA 22:23

Ŋ jaŋ wuo kɛŋ pʋna sɩ pugumo koo pʋna sɩ kɛŋ nyɔɔ, nɛ-bele koo piese a sʋl tʋɔtɔrɛ Wɩɩsʋlʋŋ. Ama ŋ bɩ jaŋ wuo kaa lɩɩsɛ niiŋ-na. Dɩ ŋ nɛ ŋaa ŋɩɩ, mɩ bɩ jaŋ laa ŋ Wɩɩsʋlʋŋ.

HABAKU 2:14

Ama La Tɩɩna wɩaa arɩ ʋ tʋla jaŋ su tinteeŋ, a nagɛ lɩɩŋ sɩ su mʋgʋ-balɩŋ.

Matiu 10:32

Nɩɩ-la kala sɩ jaŋ wuo bʋl nɩaa tʋɔŋ arɩ ʋ ŋaa mɩ nʋʋ nɛ, mɩ ma jaŋ bʋl ŋɩɩ a tɩgɛ ʋ lɛ mɩ Nyɩmma Wɩa sɩ hɛ Wɩa-jaŋ lɛ sɩpaaŋ.

Matiu 3:2

Ʋ bʋla pɩba, “Má bɩrɩma lɩɩ ma wʋbɔŋŋɔɔ lɛ, bɛɛ wɩaa Wɩa kuorii-la kpaga nɛ.”

Matiu 5:16

Ŋɩɩ tɩtɩa nɛ ma maga dɩ ma chaanɛ nɩaa teeŋ, dɩ ba wuo na wʋzɔmɔ-la ma sɩɩ ŋaa a dɛnnɛ ma Nyɩmma sɩ hɛ Wɩa-jaŋ lɛ.

Luuk 11:1

Tapʋlɩɩ kʋbala Yesu chʋchʋɔlɛ Wɩa lee kʋbala. Ʋ sɩ chʋɔlɛ Wɩa dɛrɛ, ʋ harɩ-tooroo tʋɔŋ kʋbala kɔ ʋ teeŋ a bʋla pʋ, “La Tɩɩna, dagɛla ŋɩɩ la sɩ jaŋ chʋɔlɛ Wɩa, arɩ Jɔɔŋ fa sɩ dagɛ ʋ harɩ-tooroo ŋɩɩ.”

Rom Tɩŋŋaa 1:7

Ŋɩɩ wɩaa mɩ ŋmʋnsɛ teniŋ deeŋ pɩpɩ ma nɩalɩŋ kala sɩ hɛ Rom tinteeŋ lɛ, ma nɩalɩŋ Wɩa sɩ cho a lɩɩsɛma dɩ ma ŋaa tʋɔpʋl tɩŋŋaa. La Nyɩmma Wɩa arɩ La Tɩɩna Yesu lahɔrɩmɔ lɛ, ba jaŋ pɛ ma lɛ dɩ ma hɔŋ arɩ fɩɛlɩŋ.

Rom Tɩŋŋaa 8:15

Wɩa bɩ ma ŋaa dɩ ma nagɛ yosuŋ a bɩra fɩfá fawʋllʋŋ, ama ʋ Dɩŋ-zɔŋ-la leŋe ma ŋaa ʋ biiriŋ nɛ. Dɩ la nɩɩ yɩrʋ, la wuo kɛnʋ yɩrɛ “La Nyɩmma.”

1 Kɔrɩntɩ Nɩaa 1:3

La Nyɩmma Wɩa arɩ La Tɩɩna Yesu Kirisito lahɔrɩmɔ lɛ, ma jaŋ hɔŋ arɩ fɩɛlɩŋ.

2 Kɔrɩntɩ Nɩaa 1:2

La Nyɩmma Wɩa arɩ La Tɩɩna Yesu Kirisito lahɔrɩmɔ lɛ, ma jaŋ hɔŋ arɩ fɩɛlɩŋ.

Galiisia Nɩaa 1:4

Yesu Kirisito joŋ ʋ tɩtɩa pa nɛ ba kpʋʋ a tɩŋ la wʋbɔŋŋɔɔ wɩaa, dɩ ʋ lɩɩsɛla wʋbɔmɔ-la sɩ hɛ dʋnɩa deeŋ lɛ lɛɛlɛ. Ʋ to la Nyɩmma Wɩa tʋɔtɔrʋŋ lɛ nɛ a ŋaa ŋɩɩ pɩla.

Ɛfɛsɩs Nɩaa 1:2

La Nyɩmma Wɩa arɩ La Tɩɩna Yesu Kirisito lahɔrɩmɔ lɛ, ma jaŋ hɔŋ arɩ fɩɛlɩŋ.

Fɩlɩpa Nɩaa 1:2

La Nyɩmma Wɩa arɩ La Tɩɩna Yesu Kirisito lahɔrɩmɔ lɛ, ma jaŋ hɔŋ arɩ yarɩfɩɛlaa.

Fɩlɩpa Nɩaa 4:20

La Nyɩmma Wɩa yɩrɩŋ jaŋ yɩrɛ bʋa na-kala lɛ a kaa mʋ wuu. Amɩɩ.

Koloosi Nɩaa 1:2

Mɩ ŋmʋnsɛ teniŋ deeŋ a pɩpɩ ma-na Wɩa nɩaa sɩ ŋaa la naambii-tɩtɩɩba Kirisito teeŋ. La Nyɩmma Wɩa lahɔrɩmɔ lɛ, ʋ jaŋ pɛ ma lɛ a leŋ dɩ ma hɔŋ arɩ yarɩfɩɛlaa.

1 Tɛsalonaaka Nɩaa 1:1

Mɩ-na Pɔɔl arɩ Sɩlas arɩ Timoti nɛ ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi a hɛ Tɛsalonaaka lɛ a ŋaa la Nyɩmma Wɩa arɩ La Tɩɩna Yesu Kirisito nɩaa. Wɩa jaŋ pɛ ma lɛ dɩ ma hɔŋ arɩ yarɩfɩɛlaa.

1 Tɛsalonaaka Nɩaa 1:3

La yie liliisu ŋɩɩ ma sɩ tɩŋ ʋ tɩntɩŋŋaa a tɩŋ ma sɩ laa Yesu wɩaa dii wɩaa, arɩ ŋɩɩ ma sɩ cho nɩaa, arɩ ŋɩɩ ma sɩ kɛŋ yɩɛlaa La Tɩɩna Yesu Kirisito lɛ.

2 Tɛsalonaaka Nɩaa 2:16

La Tɩɩna Yesu Kirisito arɩ la Nyɩmma Wɩa sɩ chola lahɔrɩmɔ lɛ, ʋ ŋaa la tʋɔŋ pɩŋ dɩ-bala nɛ a kaa mʋ wuu, dɩ la wuo yɩyɩɛlɛ wʋzɔŋŋɔɔ.

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”

Jɔɔŋ Wʋnaalaa 15:4

La Tɩɩna Wɩa, kʋbɛɛ nɛ bɩ jaŋ fáŋ, aŋ dɛnnɛ ŋ yɩrɩ-balɩŋ? Ŋ dʋndʋŋa nɛ bɩ disiniŋ kɛnɛ. Dʋnɩa nɩaa kala jaŋ kʋ chʋɔlʋŋ, bɛɛ wɩaa ŋ ŋaa tʋɔpʋl wɩaa nʋʋkala na nɛ.”

Jɔɔŋ Wʋnaalaa 19:6

Ŋɩɩ nɛ mɩ bɩra nɩɩ nɩ-daŋ goŋ. Goŋ-la fa nagɛ fuo-balaa sɩɩ pɛllʋ nɛ gbul gbul. Ʋ bɩra nagɛ duonuŋ sɩɩ kpɩa ŋmana ŋmana aŋ pɛ lɩlɩgɩsɛ. Ŋɩɩ nɛ yikoro-la heele bʋl, “Haleluya, La Tɩɩna Wɩa doluŋ kala Tɩɩna dii ʋ kuoruŋ nɛ.

Jɔɔŋ Wʋnaalaa 20:4

Ŋɩɩ nɛ mɩ na kuoru kpasɩnɩŋ dɩ nɩaa hɔŋ ba nyuŋ. Nɩaa deemba nɛ Wɩa pa doluŋ dɩ ba dii dʋnɩa nɩaa sarɩya. Ŋɩɩ nɛ aŋ ka mɩ na nɩaa dɩnsɩŋ. Nɩaa deemba nɛ faa bʋl wʋtɩtɩɩ-la Yesu fa sɩ daga a pɩ nɩaa, aŋ pɛɛ bʋl Wɩa niiŋ wɩaa. Ŋɩɩ nɛ ba kpʋba a keri ba nyusuŋ. Nɩaa deemba-na fa bɩ baga kʋ-la ka chʋɔlɛ, ba bɩ kʋ-la ba sɩ mɛ ʋ nagʋ ma chʋɔlɛ. Ba bɩ baga kʋ-la magɩlɩŋ kɛnɛ ba tilliŋ lɛ koo ba nɩsaa lɛ. Nɩaa deemba sii sʋʋŋ lɛ, ba dɩ Kirisito dii kuoruŋ a beŋ dʋnɩa nɩaa jɩsɩŋ bʋɩ.