Luuk 11:13 - WƖA TENIŊ

¹³ Dɩ ma nɛ bɔmɔ aŋ joŋ kʋzɔŋŋɔɔ pɩpɩ ma biiriŋ, ɛɛ nɛ ma Nyɩmma sɩ hɛ Wɩa-jaŋ bɩ jaŋ joŋ ʋ Dɩŋ-zɔmʋŋ a pɩ nɩalɩŋ sɩ sʋla chɩchɛ?”

Luuk 11:13 ပူးပေါင်းရင်းမြစ်များ

WƖAA DƖ-SUOMUŊ 8:21

Ŋɩɩ nɛ Wɩa nɩɩ kɩalɩŋ Nowa sɩ nyɩga sʋɔra dɩ ba sɩma. Ʋ tʋɔŋ tɔrɛ, ʋ bʋl ʋ tʋɔŋ lɛ, “Mɩ bɩra bɩ jaŋ tɩŋ nuhuobiine wɩaa a ŋmɩɛsa hɛ tinteeŋ lɛ. Nuhuobiine tʋɔbɩɩnaa kala ŋaa kʋbɔmɔ nɛ a lɩɩ ʋ hambiiriŋ kala lɛ. Mɩ bɩra bɩ jaŋ kɔ dɩ mɩ kpʋ kʋŋkala sɩ weye arɩ mɩ sɩ ŋaa ŋɩɩ bʋa-la lɛ.

WƖA YƖƖLAA 51:5

Mɩ ŋaa wʋbɔŋ ŋaarʋ nɛ, a chɩŋ bʋa-la lɛ mɩ naaŋ sɩ kɛŋ mɩ luoruŋ a lʋlmɛ a kaa kɔ jɩnɩŋ mɩ ŋaa wʋbɔŋŋɔɔ nɛ.

NAMAGABA 1:23

Dɩ ma nɛ fa jegile nɩɩ ŋɩɩ mɩ sɩ kpʋrɩsɛ ma dɩgɩlaa, mɩ fa jaŋ suri mɩ tʋɔŋ pɩma, a leŋ dɩ ma jɩŋ mɩ tʋɔbɩɩnaa.

AZAAYA 49:15

Ŋɩɩ nɛ La TƖƖNA pɩɛsɛba, “Bie sɩɩ wasɛ yɩlɩŋ, ʋ naaŋ jaŋ wuo yʋ ʋ wɩaa a bɩ ʋ nisusuŋ ka fá? Dɩ ʋ nɛ jaŋ wuo ŋaa ŋɩɩ ma, mɩ-na bɩ jaŋ yʋ ma wɩaa.

ƐZƖKƖƐL 36:27

Mɩ jaŋ joŋ mɩ Dɩma a hɛ ma lɛ, a leŋ dɩ ma to mɩ wʋdagaa a fɩɛlɛ ma sɩaa a to wombie-la mɩ sɩ bile dɩ ma tuto.

JOWƐL 2:28

Ŋɩɩ harɩŋ, mɩ jaŋ joŋ mɩ Dɩma hɛ nʋʋkala lɛ. Ma hambolibiisiŋ arɩ ma hantolibiisiŋ jaŋ bʋbʋl wɩaa mɩ doluŋ lɛ, ma nɩhɩasɩŋ ma jaŋ duduosi duosoo, ma bapʋɔsaa ma jaŋ nɩna wɩaa a nagɛ duosoo tʋɔŋ.

Matiu 5:16

Ŋɩɩ tɩtɩa nɛ ma maga dɩ ma chaanɛ nɩaa teeŋ, dɩ ba wuo na wʋzɔmɔ-la ma sɩɩ ŋaa a dɛnnɛ ma Nyɩmma sɩ hɛ Wɩa-jaŋ lɛ.

Matiu 5:45

Dɩ ma nɛ ŋaa ŋɩɩ, ma jaŋ wuo ŋaa ma Nyɩmma Wɩa sɩ hɛ Wɩa-jaŋ biiriŋ. Ʋ leŋe Wɩa pɔsɛ hɩhɛ nɩbɔŋŋɔɔ arɩ nɩzɔŋŋɔɔ kala lɛ nɛ a leŋ duonuŋ nɩɩ pɩpɩ nɩzɔŋŋɔɔ arɩ nɩbɔŋŋɔɔ kala.

Matiu 6:14

Dɩ ma dɔnsʋŋ tɩŋŋaa nɛ ŋaa wɩaa cheima aŋ ka ma joŋo chɛba, ma Nyɩmma Wɩa sɩ hɛ Wɩa-jaŋ lɛ ma jaŋ joŋ wɩalɩŋ ma sɩ ŋaa chei a chɛma.

Matiu 6:30

Wɩa nɛ yie ŋaa yaŋ nyʋ a waa a zɔŋ, ka ʋ bɩ dieni aŋ hɩhɩl. Dɩ ʋ nɛ hɩla, ba yie chol nyiniŋ hɛ ʋ dii. Dɩ Wɩa nɛ wuo ŋaa yaŋ zɔŋ ŋɩɩ, bɛɛ nɛ tɩɩ ma bɩɩnɛ arɩ ʋ bɩ jaŋ wuo pɩma kʋdiilee arɩ gɛnnɩŋ? Ma Wɩa laa diiniŋ bɩ yʋgɛ.

Matiu 6:32

Nɩalɩŋ sɩ bɩ Wɩa jɩŋ dʋnɩa deeŋ lɛ, ba nɛ yie walɩma chɩchɛ kɩaa deemba. Ma Nyɩmma sɩ hɛ Wɩa-jaŋ lɛ jɩma arɩ maa chɛ kɩaa deemba kala nɛ.

Matiu 7:11

Dɩ ma nɛ bɔmɔ aŋ jɩŋ kʋzɔŋŋɔɔ joŋo pɩ ma biiriŋ, ɛɛ nɛ ma Nyɩmma sɩ hɛ Wɩa-jaŋ, a kɛŋ kʋzɔŋŋɔɔ bɩ jaŋ joŋo pɩ nɩalɩŋ sɩ sʋla chɩchɛ?

Luuk 11:12

Koo dɩ ʋ ka chɛ jɩ-halɩŋ, ma tʋɔŋ nyɩŋ bɛɛ nɛ jaŋ joŋ nʋɔmʋŋ pɩ ʋ bie?

Luuk 11:2

Ŋɩɩ nɛ Yesu bʋla pɩba, “Ŋ-la nɛ ma jaŋ chʋchʋɔlɛ Wɩa: Má bʋl, ‘La Nyɩmma, leŋ dɩ ŋ yɩrɩŋ yɩrɛ, leŋ dɩ ŋ kuorii-la kɔ.

Luuk 18:7

Ma saa bɩɩna Wɩa bɩ jaŋ pɛ nɩalɩŋ ʋ sɩ lɩɩsa lɛ dɩ ba laa kʋsɩŋŋaa, dɩ ba nɩɩ yel ʋ teeŋ wɩɩhɛyɛ arɩ tɩtaŋɩŋ kala? Ma bɩɩna ʋ jaŋ kɛmba kaa didieni aŋ vɩa dɩ ʋ pɛ ba lɛɛ.

Jɔɔŋ 4:10

Ŋɩɩ nɛ Yesu bʋla pʋ, “Dɩ ŋ nɛ fa jɩŋ kʋ-la Wɩa sɩ joŋo pɩ nɩaa, a fa jɩŋ nɩɩ-la sɩ sʋlʋŋ dɩ ŋ ŋaa lɩɩŋ pʋ dɩ ʋ nyʋa, ŋ fa jaŋ sʋlʋ dɩ ʋ pɩŋ lɩɩ-la sɩɩ pɩ nɩaa mɩɩsɩŋ.”

Tɩntɩŋŋaa 2:38

Ŋɩɩ nɛ Pɩɩta bʋla pɩba, “Má bɩrɩma lɩɩ ma wʋbɔŋŋɔɔ lɛ, aŋ leŋ dɩ ba foma Wɩɩchʋɔlɛ lɩɩŋ Yesu Kirisito yɩrɩŋ lɛ, dɩ Wɩa joŋ ma wʋbɔŋŋɔɔ chɛma, aŋ joŋ ʋ Dɩŋ-zɔmʋŋ dii zile ma lɛ.

Rom Tɩŋŋaa 5:17

Nɩbala wʋbɔmʋŋ wɩaa nɛ leŋe sʋʋŋ laa dʋnɩa tɩɩ. Wɩɩ-la Yesu Kirisito sɩ ŋaa pɩ nɩaa nɛ yʋga kɩɩ nɩbala-la wʋbɔŋ-la. Nɩalɩŋ kala sɩ jʋʋ Wɩa lahɔrɩmɔ sɩ yʋga lɛ, ʋ leŋ ba kɛŋ tʋɔpʋla chɔgɩta ʋ sɩpaaŋ, ba jaŋ to Yesu lɛ a dii kuoruŋ ba mɩɩsɩŋ lɛ.

Rom Tɩŋŋaa 7:18

Mɩ sɩ kɛŋ nuhuobiine yaraa ŋɩɩ, mɩ jɩma arɩ wʋzɔŋŋɔɔ ŋaanɩŋ bɩ mɩ lɛ hɛ. Mɩ fa cho dɩ mɩɩ ŋaa wʋzɔŋŋɔɔ nɛ, a ŋaa lʋlɔl.

Rom Tɩŋŋaa 8:32

Wɩa paala bɩ ʋ tɩtɩa Bie kaa laa nɩaa teeŋ. Ʋ joŋu hɛ nɩaa nɩsɩŋ lɛ nɛ dɩ ba kpʋʋ a tɩŋ la wɩaa. Ʋ sɩ wuo ŋaa ŋ-la, ma bɩ jɩŋ arɩ ʋ jaŋ wuo chaasa joŋ kʋŋkala ma pɛ pɩla koo?

Taatɩs 3:3

La ma tɩtɩa fa ŋaa nɩyaara nɛ, a fa bɩ Wɩa niiŋ to, wʋbɔŋŋɔɔ fa leŋ la yeŋŋi. La fa to la tʋɔtɔrɛ wʋŋaalaa harɩŋ nɛ a bɩrɩmɛ ba yosi. La fa cho dɩ nɩaa jʋʋ wʋbɔŋŋɔɔ a fa kɛŋ yarɩ-bieriŋ dɔŋɔ lɛ. Nɩaa fa bɛrɛla, la ma fa bɛrɛba.