Luuk 11:10 - WƖA TENIŊ

¹⁰ Nɩɩ-la kala sɩ sʋl kɩaa Wɩa teeŋ, ʋ yie laa nɛ. Nɩɩ-la kala sɩɩ chɛ kɩaa, ʋ yie na nɛ. Nɩɩ-la ma kala sɩ du boro, ba yie kaa suro pʋ nɛ.

Luuk 11:10 ပူးပေါင်းရင်းမြစ်များ

WƖA YƖƖLAA 31:22

Fawʋllʋŋ fa kɛmmɛ nɛ mɩ bɩɩnɛ arɩ ŋ kirimi ta nɛ ŋ sɩpaaŋ. Ama ŋ nɩɩ mɩ nii-ŋmobo nɛ mɩ sɩ yɩrɩŋ dɩ ŋ pɛ mɩ lɛ.

JEMBIEE 3:18

Ŋɩɩ nɛ mɩ bʋl, “Mɩ wɩɩkala dɛrɛ nɛ, wɩalɩŋ kala mɩ fa sɩɩ yɩɛlɛ La TƖƖNA teeŋ lɛlɛ nɛ.”

JEMBIEE 3:8

Dɩ mɩ nɛ paala yɩrʋ a ŋmoo niiŋ pʋ dɩ ʋ pɛ mɩ lɛ, ʋ yie vɩa mɩ sʋla nɛ.

Matiu 5:42

Dɩ ŋ nɛ kɛŋ kʋŋ, dɩ nʋʋ pɩɛsa chɩchɛ, joŋo pʋ. Dɩ nʋʋ nɛ kɔ ŋ teeŋ a chɩchɛ kʋŋ dɩ ʋ chɩŋ, dɩ ŋ nɛ kɛnɛ, joŋo chɩmʋ.

Matiu 7:8

Nɩɩ-la kala sɩ sʋl kɩaa Wɩa teeŋ, ʋ yie laa nɛ. Nɩɩ-la sɩɩ chɛ kɩaa, ʋ yie na nɛ. Nɩɩ-la ma sɩ du boro, ba yie kaa suro pʋ nɛ.

Luuk 11:11

Nyɩŋ bɛɛ nɛ hɛ ma tʋɔŋ sɩ jaŋ joŋ dɩmɩŋ a pɩ ʋ bie dɩ ʋ nɛ pɩɛsa chɩchɛ chenfiliŋ?

Luuk 11:9

Ŋɩɩ wɩaa mɩ jaŋ bʋla pɩma, má sʋl kɩaa, ma jaŋ laa. Má chɛ kɩaa, ma jaŋ na. Má du boro, ba jaŋ kaa suro pɩma.

Luuk 18:1

Ŋɩɩ nɛ Yesu bɩra magɛ namaga pɩba a dagɛba dɩ ba chʋchʋɔlɛ Wɩa bʋa na-kala lɛ a sɩ́ leŋ.

Jeems 4:3

Bʋa dɔŋɔ ma lɛ ma yie sɛnɛ sʋlʋ a chɩchɛ kɩaa. Ama ma yie kɛŋ tʋɔbɩɩŋ bɔŋŋɔɔ nɛ a sʋl dɩ ma kaa ŋaa ma tɩtɩa tʋɔtɔrɛ wɩaa. Ŋɩɩ nɛ tɩɩ ma bɩ na.

Jeems 5:11

Wɩa pɛ nɩalɩŋ sɩ wuo nyalɩmɛ ŋɩɩ a mʋ dɛrɛ lɛ nɛ woruŋ. Ma nɩɩ ŋɩɩ baal kʋbala ba sɩɩ yɩrɛ Job sɩ na hɛɛŋ aŋ nyalɩmɛ nɛ, a bɩra nɩɩ ŋɩɩ Wɩa sɩ pɛ ʋ lɛ ʋ hɛɛ-la harɩŋ lɛ. Wʋtɩtɩɩ, La Tɩɩna ka fá la nenige arɩ la nisusuŋ nɛ kɩŋkɛŋ kɩŋkɛŋ.