Luuk 10:7 - WƖA TENIŊ

⁷ Dɩ ba nɛ pɩma dɩpɩnɩŋ, má hɛ dɩɩ-bala lɛ halɩɩ aa dii kʋdiile-la ba sɩ ŋaa pɩma aa nyʋa lɩɩŋ ma nɩmɛ. Dɩ tɩntɩnna nɛ tɩma, ʋ maga dɩ ba timu nɛ. Má sɩ́ gɔllɔ pɩpɩŋ nɩaa dɩɩsɩŋ lɛ.

Luuk 10:7 ပူးပေါင်းရင်းမြစ်များ

NAMBABA 18:31

Ba dɩ ba dɩa nɩaa jaŋ wuo dii kɩalɩŋ lee na-kala. Ba sɩɩ tɩŋ lɛbɩ-la lɛ mɩ sɩ yie kɔ Iziral tɩŋŋaa teeŋ tɩntɩŋŋaa ŋɩɩ, ba time nɛ ŋɩɩ.

Maak 6:10

Dɩ ma nɛ mʋ jʋʋ taŋ kala, dɩa-la nɩaa sɩ laama, má hɛ dɩa-la lɛ halɩɩ dɩ bʋa-la lɛ ma sɩ jaŋ lɩɩ taŋ-la lɛ yi.

Luuk 10:6

Dɩ nʋʋ nɛ hɛ nɩmɛ sɩ cho yarɩfɩɛla-la, má leŋ dɩ ʋ hɔŋ arɩ yarɩfɩɛlaa arɩ ma sɩ sʋl ŋɩɩ. Dɩ nʋʋ tuo dɩa-la lɛ a cho yarɩfɩɛla-la, yarɩfɩɛla-la ma sɩ sʋla jaŋ mɩɩra kɔ ma teeŋ.

Luuk 9:4

Ʋ bɩra bʋla pɩba, “Dɩ ma nɛ mʋ jʋʋ taŋ kala, má jʋʋ dɩa-la nɩaa sɩ laama, a hɛ dɩɩ-bala lɛ halɩɩ a mʋ lɩɩ taŋ-la lɛ.

Tɩntɩŋŋaa 16:15

Ba fo ʋ dɩ ʋ dɩa nɩaa Wɩɩchʋɔlɛ lɩɩŋ. Ŋɩɩ nɛ haal-la sʋlla a bʋl, “Dɩ ma nɛ bɩɩna dɩ mɩ sɛnɛ laa Yesu wɩaa dii nɛ, má kʋ jʋʋ chʋa mɩ dɩa lɛ.” Ʋ sɩ sʋlla dieni ŋɩɩ, la mʋ chʋa.

Tɩntɩŋŋaa 16:34

Nɩtɔɔrɩ dɩa bibennu-la kɛŋ Pɔɔl arɩ Saalas a kaa mʋ ʋ dɩa, a pɩba kʋdiilee ba dii. Ʋ dɩ ʋ dɩa nɩaa kala ŋaa tʋɔtɔrʋ arɩ ba sɩ laa Wɩa wɩaa dii.

Tɩntɩŋŋaa 16:40

Ba sɩ lɩɩ nɩtɔɔrɩ dɩa lɛ, ba mʋ Lidia dɩa. Nɩmɛ nɛ ba na nɩalɩŋ dɔnsʋŋ sɩ laa Yesu wɩaa dii, a bʋl wɩaa nyaasɛ ba nyuŋ, aŋ viiri.

Galiisia Nɩaa 6:6

Nɩɩ-la ba sɩɩ dagɛ Wɩa niiŋ wɩaa, dɩ ʋ nɛ kɛŋ kʋŋkala, ʋ maga dɩ ʋ ŋaa pɩ nɩɩ-la sɩɩ dagʋ nɛ.

MOSIS BƖRA WULLI WƖA WOMBIIŊ 12:12

Nɩmɛ nɛ ma jaŋ gbieli ma TƖƖNA Wɩa sɩpaaŋ. Ma dɩ ma biiriŋ arɩ ma dɩa tɩntɩnnaa arɩ Levi doho nɩalɩŋ sɩ hɛ ma tasɩŋ lɛ. Ma jɩma, ba bɩ tinteeŋ kpaalɩŋ kɛnɛ ma tʋɔŋ.

MOSIS BƖRA WULLI WƖA WOMBIIŊ 18:8

Ʋ dɩ ʋ dɔnsʋ-la kala kpaalɩŋ jaŋ magɛ dɔŋɔ. Kpaalɩŋ deeŋ-na bɩ ʋ nyɩmma dʋa kpaalɩŋ ʋ sɩ laa lɛ pɛ.

1 Timoti 5:13

Ŋɩɩ dʋndʋŋ ma dee, ba bɩ sɛɩ dɩ ba tɩŋ tɩntɩŋŋaa aŋ gɔllɔ tuto dɩɩ-niiriŋ. Dɩ-bɔmʋŋ nɛ, ba yie gɩgaa nɩaa harɩŋ a joŋ ba niiŋ hɩhɛ nɩaa wɩaa lɛ a bʋl wɩalɩŋ sɩ bɩ maga dɩ ba bʋl.

2 Timoti 2:6

Bapaarʋ-la sɩ faasa tɩtɩŋ nɛ maga dɩ ʋ laa sɩpaaŋ dii baga kʋfalaa.