Luuk 10:6 - WƖA TENIŊ

⁶ Dɩ nʋʋ nɛ hɛ nɩmɛ sɩ cho yarɩfɩɛla-la, má leŋ dɩ ʋ hɔŋ arɩ yarɩfɩɛlaa arɩ ma sɩ sʋl ŋɩɩ. Dɩ nʋʋ tuo dɩa-la lɛ a cho yarɩfɩɛla-la, yarɩfɩɛla-la ma sɩ sʋla jaŋ mɩɩra kɔ ma teeŋ.

Luuk 10:6 ပူးပေါင်းရင်းမြစ်များ

WƖA YƖƖLAA 35:13

Ama bʋa-la lɛ ba fa sɩɩ wɩɩlʋ, mɩ laalɛ tʋɔ-chei gɛnnɩŋ nɛ a kɛŋ mɩ tɩtɩa muuri a vɔɔ niiŋ aŋ sʋl Wɩa pɩba,

AZAAYA 9:6

bɛɛ wɩaa ba lʋl bii nɛ a pɩla, hambolibie nɛ ba joŋo pɩla, ʋ nɛ jaŋ bibenla. Ba jaŋ yɩyɩrʋ: Nɩɩ-la sɩ jɩŋ nɩaa chagɩlɩŋ ʋ dɔŋ tuo, Wɩa sɩ kɛŋ doluŋ, Nyɩmma-la sɩ jaŋ hɛ nɩmɛ deeŋ deeŋ, Kuori-bile sɩ kɛŋ fɩɛlɩŋ kʋkɔ.

Luuk 10:5

Dɩ ma nɛ mʋ jʋʋ dɩa kala, má laa sɩpaaŋ bʋl, ‘Dɩa deeŋ nɩaa jaŋ hɔŋ arɩ yarɩfɩɛlaa.’

Luuk 10:7

Dɩ ba nɛ pɩma dɩpɩnɩŋ, má hɛ dɩɩ-bala lɛ halɩɩ aa dii kʋdiile-la ba sɩ ŋaa pɩma aa nyʋa lɩɩŋ ma nɩmɛ. Dɩ tɩntɩnna nɛ tɩma, ʋ maga dɩ ba timu nɛ. Má sɩ́ gɔllɔ pɩpɩŋ nɩaa dɩɩsɩŋ lɛ.

Ɛfɛsɩs Nɩaa 5:6

Má sɩ́ leŋe dɩ nʋʋkala kɛŋ wʋnyɩɛrɩŋ a nyɩsɛma. Wɩaa deemba nɛ leŋe Wɩa baanɩŋ sisii nɩalɩŋ sɩ bɩ ʋ niiŋ ka to nyuŋ.

2 Tɛsalonaaka Nɩaa 3:16

Laa sʋl La Tɩɩna Kirisito, Nɩɩ-la sɩ kɛŋ fɩɛlɩŋ, dɩ ʋ pɩma fɩɛla-la bʋa na-kala lɛ. La Tɩɩna Kirisito jaŋ hɛ ma kala teeŋ.

Jeems 3:18

Dɩ nanjejeeree nɛ pɛ nɩaa lɛ dɩ ba hɔŋ sɔm, wʋzɔŋŋɔɔ nɛ ba yie na.

1 Pɩɩta 1:14

Má tuto Wɩa niiŋ. Bʋa-la lɛ ma fa sɩ bɩ Wɩa jɩŋ, ma faa to ma tʋɔtɔrɛ wʋŋaalaa sɩ bɩ zɔŋ lɛ nɛ. Má bɩra sɩ́ ba to.

1 SAMƲƐL 25:17

Beŋ wɩɩ-la tʋɔŋ woruŋ a na ŋɩɩ ŋ sɩ jaŋ ŋaa, bɛɛ wɩaa la nɩhɩaŋ lɔgɛ wɩaa wurisi ʋ dɩ ʋ dɩa nɩaa kala nɛ ŋɩɩ. Ʋ ŋaa nɩbɔŋ nɛ nʋʋ sɩ bɩ jaŋ wuo bʋl wɩaa pʋ.”