Luuk 10:22 - WƖA TENIŊ

²² Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma ma sɩ naga. Nʋʋkala bɩra bɩ ʋ jɩŋ, see nɩalɩŋ dʋndʋŋa mɩ sɩ cho dɩ mɩ daga.”

Luuk 10:22 ပူးပေါင်းရင်းမြစ်များ

Matiu 11:25

Bʋa-la tɩtɩa lɛ Yesu guu yɩrɛ, “Mɩ Nyɩmma, ŋ nɛ ŋaa wɩa-nyuŋ arɩ tinteeŋ kala Tɩɩna. Mɩɩ lɔllʋŋ arɩ ŋ sɩ kɛŋ wɩalɩŋ ŋ sɩ joŋo faa a dagɛ nɩalɩŋ sɩ bɩ wɩaa jɩŋ, aŋ bɩ joŋo dagɛ nɩalɩŋ sɩ kɛŋ wʋjɩmɩŋ.

Matiu 11:27

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma sɩ naga. Nʋʋkala bɩra bɩ ʋ jɩŋ, see nɩalɩŋ mɩ sɩ cho dɩ mɩ daga pa.”

Matiu 28:18

Yesu kʋ kpagɛba a bʋla pɩba, “Wɩa joŋ doluŋ kala a pɩmɛ nɛ Wɩa-jaŋ arɩ dʋnɩa kala lɛ.

Jɔɔŋ 1:18

Nʋʋkala ha bɩ Wɩa na. Ʋ dɩ ʋ Bii-bala-la sɩ ŋaa kʋbala a hɔŋ ʋ sɛmɛ nɛ dagɛla ʋ wɩaa.

Jɔɔŋ 10:15

Ŋɩɩ tɩtɩa nɛ mɩ Nyɩmma jɩmmɛ, mɩ ma jɩmʋ. Mɩ joŋ mɩ mɩɩsɩŋ yɔɔ sʋʋŋ mɩ piesee wɩaa.

Jɔɔŋ 13:3

Yesu fa jɩma arɩ ʋ Nyɩmma joŋ kʋŋkala doluŋ hɛ ʋ nɩsɩŋ lɛ nɛ. Ʋ jɩma ʋ lɩɩ Wɩa teeŋ nɛ, a bɩra jɩŋ arɩ ʋ jaŋ mɩɩra mʋ Wɩa teeŋ.

Jɔɔŋ 17:10

Nɩalɩŋ kala mɩ sɩ kɛnɛ ŋaa ŋ nɩaa nɛ. Nɩalɩŋ kala ŋ ma sɩ kɛnɛ ŋaa mɩ ma nɩaa nɛ. Ba nɛ leŋe mɩ laa yɩrɩŋ.

Jɔɔŋ 17:2

Ŋ nɛ joŋ doluŋ pɩmɛ dɩ mɩ bibeŋ nuhuobiinee kala, a joŋ mɩɩsɩ-la sɩ bɩ dɛrɛ a pɩ nɩalɩŋ kala ŋ sɩ lɩɩsa pɩmɛ.

Jɔɔŋ 17:26

Mɩ saa ŋaa ba jɩmɩŋ nɛ, mɩ ha jaŋ leŋ dɩ ba jɩmɩŋ, dɩ ŋɩɩ ŋ sɩ chomi, dɩ ba ma cho dɔŋɔ, dɩ mɩ hɛ ba lɛ.”

Jɔɔŋ 17:5

Oo, mɩ Nyɩmma, leŋ dɩ mɩ yɩrɩŋ yɩrɛ ŋ sɩpaaŋ lɛɛlɛ, yɩrɩ-la mɩ dɩŋ kala fa sɩ kɛnɛ, aŋ-na ŋaa dʋnɩa.

Jɔɔŋ 3:35

Mɩ Nyɩmma Wɩa cho mɩ-na ʋ Bie, a joŋ ʋ doluŋ kala a hɛ mɩ nɩsɩŋ lɛ.

1 Kɔrɩntɩ Nɩaa 15:24

Ŋɩɩ harɩŋ nɛ dʋnɩa dɩdɛrɩŋ jaŋ yi. Kirisito jaŋ yuo dii kɩalɩŋ kala sɩɩ dii doluŋ dʋnɩa lɛ arɩ dol-bɔmɔ-la kala sɩ hɛ nɩmɛ, aŋ joŋ kuorii-la a hɛ ʋ Nyɩmma Wɩa nɩsɩŋ lɛ.

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

Ɛfɛsɩs Nɩaa 1:21

Ʋ nɛ kɩɩ kɩalɩŋ kala la sɩ bɩ na ka ba kɛŋ doluŋ a bibeŋ leriŋ. Ʋ nɛ kɛŋ yɩrɩŋ a kɩɩ nʋʋ na-kala sɩ kɛŋ yɩrɩŋ dʋnɩa deeŋ lɛ arɩ dʋnɩa-la sɩ jaŋ bɩra kɔ lɛ.

Hiburu TƖŊŊAA 2:8

Ŋ joŋ kʋŋkala ŋ sɩ ŋaa hɛ ʋ nɩsɩŋ lɛ nɛ ʋ bibeŋ.” Ŋ sɩ joŋ kʋŋkala hɛ nuhuobiine nɩsɩŋ lɛ ŋɩɩ, ŋ leŋe ʋ kɛŋ ba kala doluŋ nɛ. Ama lɛɛlɛ la na dɩ nuhuobiine ha bɩ kʋŋkala ka beŋ.

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.

2 Jɔɔŋ 1:9

Nɩɩ-la kala sɩ bɩ wɩalɩŋ Kirisito sɩ daga dʋndʋŋa ka to, ʋ tɩɩna bɩ Wɩa teeŋ hɛ. Ama nɩɩ-la kala sɩɩ to wɩalɩŋ Kirisito sɩ daga dʋndʋŋa, ʋ tɩɩna kɛŋ Wɩa arɩ ʋ Bie kala nɛ.