Luuk 10:16 - WƖA TENIŊ

¹⁶ Ŋɩɩ nɛ aŋ ka ʋ bɩra bʋla pɩ ʋ harɩ-tooro-la, “Nɩɩ-la kala sɩ jegile nɩɩ ma teeŋ, ʋ jegile nɩɩ mɩ ma teeŋ nɛ. Nʋʋkala sɩ vɩama, ʋ vɩa mɩ ma nɛ. Nɩɩ-la kala ma sɩ vɩamɛ, ʋ ma vɩa Nɩɩ-la sɩ tɩmmɛ nɛ.”

Luuk 10:16 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 16:7

Chie chʋchʋɔŋ ma jaŋ na La TƖƖNA tʋla sɩ nagɛ ŋɩɩ, bɛɛ wɩaa ʋ nɩɩ ma sɩ gʋrɩmɛ wɩalɩŋ ʋ teeŋ nɛ. La ma nɛ kʋbɛɛba ma gʋgʋrɩmɛ wɩaa la teeŋ?”

MOSIS KƐŊ IZIRAL TƖŊŊAA LƖƖ 16:8

Ŋɩɩ nɛ Mosis bɩra bʋl, “Dɩdaanɩŋ deeŋ La TƖƖNA jaŋ pɩma nammɩa dɩ ma chaŋ. Chie chʋchʋɔŋ ʋ jaŋ pɩma kʋdiilee dɩ ma dii a vɔgɛ. Dɩ ʋ nɛ ŋaa ŋɩɩ, ma jaŋ jɩŋ arɩ La TƖƖNA nɛ kɛmma kaa kɔ daha. Ʋ nɩɩ wɩalɩŋ ma sɩ gʋrʋma ʋ teeŋ nɛ. La ma nɛ kʋbɛɛba maa gʋrɩmɛ wɩaa la teeŋ? La TƖƖNA teeŋ nɛ maa gʋrɩmɛ.”

MALAKAƖ 1:6

Mɩ-na ma TƖƖNA doluŋ kala Tɩɩna sɩ, “Biiriŋ yie zizil ba nyɩmmaba nɛ, tɩntɩnnaa ma zizil ba nɩhɩasɩŋ. Mɩ-na nɛ ŋaa ma nyɩmma, a ŋaa ma nɩhɩaŋ ma. Wʋbɛɛ nɛ saa ma ŋaa a zizilmi? Ma Wɩɩsʋllɩ sɩpaalaaraa, ma sɩɩŋ jʋʋmɛ nɛ, aŋ lɛɛlɛ pɩɛsɛ, ‘Sɩɩ-jʋʋ wʋbɛɛ nɛ la ŋaa ŋ-na La Tɩɩna lɛ?’

NAMBABA 14:11

La TƖƖNA pɩɛsɛ Mosis, “Ɛɛ nɛ nɩaa deemba chɛ dɩ ba vɩamɛ a diene magɛ? Bɛɛ nɛ tɩɩ nɩaa deemba bɩ mɩ laa dii arɩ mɩ sɩ ŋaa wʋkpuŋkperisiŋ arɩ wʋmagɩlaa magɛ ŋɩɩ ba tʋɔŋ?

NAMBABA 14:2

Ba kala gʋrɩmɛ wɩaa Mosis arɩ Arɔŋ teeŋ, a bʋl, “La fa yaara sʋʋ Ijipiti tinteeŋ lɛ koo tintee-hɩlɩŋ deeŋ lɛ, ʋ nɛ kpɩa.

NAMBABA 16:11

La TƖƖNA nyuŋ nɛ ŋ dɩ ŋ harɩ-tooroo kala nyɛsɛ ŋɩɩ, Arɔŋ nyuŋ dee. Arɔŋ ma nɛ kʋbɛɛ?”

Matiu 10:40

Nɩɩ-la kala sɩ kɛmma woruŋ, ʋ tɩɩna kɛŋ mɩ ma woruŋ nɛ. Nɩɩ-la ma kala sɩ kɛmmɛ woruŋ, ʋ kɛŋ Tɩɩna ma sɩ tɩmmɛ woruŋ nɛ.

Matiu 18:5

Dɩ nʋʋ nɛ kɛŋ bii-bie deeŋ yiri woruŋ a tɩŋ mɩ wɩaa, mɩ nɛ ʋ kɛŋ woruŋ ŋɩɩ.

Maak 9:37

“Dɩ nʋʋ nɛ kɛŋ bii-bie deeŋ dɔŋɔ woruŋ a tɩŋ mɩ wɩaa, mɩ nɛ ʋ kɛŋ woruŋ ŋɩɩ. Nɩɩ-la ma kala sɩ kɛmmɛ woruŋ, mɩ dʋndʋŋa dee ʋ kɛŋ woruŋ ŋɩɩ. Nɩɩ-la sɩ tɩmmɛ ma nɛ ʋ kɛŋ woruŋ ŋɩɩ.”

Luuk 9:48

aŋ bʋla pɩba, “Dɩ nʋʋkala nɛ kɛŋ bii-bie deeŋ dɔŋɔ woruŋ a tɩŋ mɩ wɩaa, mɩ nɛ ʋ kɛŋ woruŋ ŋɩɩ. Nɩɩ-la ma kala sɩ kɛmmɛ woruŋ, mɩ dʋndʋŋa dee ʋ kɛŋ woruŋ ŋɩɩ. Nɩɩ-la sɩ tɩmmɛ ma nɛ ʋ kɛŋ woruŋ ŋɩɩ. Nɩɩ-la sɩ ŋaa nɩ-bie ma tʋɔŋ, ʋ nɛ ŋaa ma tʋɔŋ nɩbalɩŋ.”

Jɔɔŋ 12:44

Ŋɩɩ nɛ Yesu faasa bʋl, “Nɩɩ-la kala sɩ laa mɩ wɩaa dii, ʋ laa nɩɩ-la ma sɩ tɩmmɛ wɩaa dii nɛ. Mɩ dʋndʋŋa wɩaa dee ʋ laa dii.

Jɔɔŋ 12:48

Wɩalɩŋ mɩ sɩ bʋla pɩma nɛ jaŋ dii tɩɩna sɩ bɩ mɩ wɩaa laa dii sarɩya chɛɛ-la dʋnɩa sɩ jaŋ dɛrɛ.

Jɔɔŋ 13:20

Wʋtɩtɩɩ nɛ mɩ bʋlaa pɩma, nɩɩ-la kala sɩ kɛŋ nɩɩ-la mɩ sɩ tɩma woruŋ, ʋ tɩɩna kɛŋ mɩ ma woruŋ nɛ. Nɩɩ-la ma kala sɩ kɛmmɛ woruŋ, ʋ kɛŋ nɩɩ-la sɩ tɩmmɛ ma woruŋ nɛ.”

Tɩntɩŋŋaa 5:4

Ka ŋ-na joŋ kʋ-la yallɛ, ŋ dee bɩ ʋ tɩɩ? Moribie-la maa ŋ sɩ yalla, ŋ dee bɩba tɩɩ? Bɛɛ nɛ saa tɩɩ ŋ bɩɩnɛ ŋ tʋɔŋ lɛ aŋ ŋaa wɩɩŋ deeŋ? Nuhuobiinee dʋndʋŋa dee ŋ nyɩɛ wɩaa pa, ŋ nyɩɛ wɩaa pɩ Wɩa ma nɛ.”

Galiisia Nɩaa 4:14

Mɩ fa sɩɩ wɩɩlʋ ŋɩɩ walɩmɛ ma nɛ, ama ma bɩ mɩ kaa gbesi koo a vɩamɛ ta. Ma kɛmmɛ woruŋ nɛ a nagɛ dɩ mɩ ŋaa Wɩa tɩndaarʋ nɛ. Ma kɛmmɛ woruŋ nɛ a nagɛ dɩ mɩ ŋaa Yesu Kirisito tɩtɩa nɛ.

1 Tɛsalonaaka Nɩaa 4:8

Ŋɩɩ wɩaa nɩɩ-la kala sɩ vɩa wɩalɩŋ mɩ sɩ bʋla, nuhuobiine dee tɩɩna vɩa, Wɩa nɛ ʋ vɩa ŋɩɩ, Nɩɩ-la sɩ joŋ ʋ Dɩŋ-zɔŋ-la pɩma.