Luuk 1:8 - WƖA TENIŊ

⁸ Ŋɩɩ nɛ Zɛkarɩya arɩ ʋ tɩntɩnnɩ dɔsʋŋ tapʋlʋŋ yi dɩ ba tɩŋ tɩntɩŋŋaa, Wɩɩsʋllɩ sɩpaalaaraa sɩ vɛnɛɛ tɩŋ.

Luuk 1:8 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 24:19

Ba fa dagɛ baalaa deemba ba sɩ kaa kpaa bugoo kʋŋkala ba tɩntɩŋŋaa nɛ Wɩa dɩɩ-bal-la lɛ, arɩ La TƖƖNA, Iziral tɩŋŋaa Wɩa sɩ dagɛ ba naabalɩma Arɔŋ ŋɩɩ.

1 IZIRAL TƖŊŊAA NAABARƖŊ 24:2

Ama Nadab arɩ Abihu nɛ laa sɩpaaŋ sʋʋ ba nyɩmma lɛ, ba fa bɩ bii lʋla. Ŋɩɩ nɛ Elieza arɩ Ɩtama kʋ ŋaa Wɩɩsʋllɩ sɩpaalaaraa.

2 IZIRAL TƖŊŊAA NAABARƖŊ 11:14

Levi doho nɩaa fa vɩa ba pʋsʋŋ dɩ-diilee arɩ ba dʋa kala ta nɛ aŋ kɔ Juda arɩ Jerusalɛm a tɩŋ Jerobuam arɩ ʋ hambolibiisiŋ sɩ vɩaba arɩ ba dee bɩ La TƖƖNA Wɩɩsʋllɩ sɩpaalaaraa ŋaa.

2 IZIRAL TƖŊŊAA NAABARƖŊ 31:19

Wɩɩsʋllɩ sɩpaalaaraa sɩ ŋaa Arɔŋ doho nɩaa a hɔŋ ba ŋmaŋkaanɩ-la sɩ golli Juda tasɩŋ lɛ, ba fa lɩɩsɛ nɩaa nɛ ba kɛŋ kʋdiile-la mʋ kpaa baala-la kala sɩ hɛ Wɩɩsʋllɩ sɩpaalaaraa dɩa nɩaa tʋɔŋ arɩ nɩalɩŋ kala yɩraa sɩ hɛ Levi doho nɩaa teniŋ tʋɔŋ.

2 IZIRAL TƖŊŊAA NAABARƖŊ 31:2

Kuoro Hezikaaya kɛŋ Wɩɩsʋllɩ sɩpaalaaraa arɩ Levi doho kaa kpaa bugoo. Nʋʋkala arɩ ʋ tɩntɩmɩɩ, Wɩɩsʋllɩ sɩpaalaara koo Levi doho nʋʋ, dɩ ba sʋl kʋnyɩgaa Wɩɩsʋlʋŋ arɩ nii-magɛ dɔŋɔ Wɩɩsʋlʋŋ. Dɔnsʋŋ tɩtɩŋ Wɩa dɩɩ-bal-la lɛ a pɛ dɩdɛnnʋ, ka dɔnsʋŋ ma hɛ La TƖƖNA dɩɩ-bal-la boi-baalaa niiŋ a lʋlɔllʋ aŋ yɩɩ yɩɩlaa dɩdɛnnʋ.

2 IZIRAL TƖŊŊAA NAABARƖŊ 8:14

Solomoŋ fa to wɩalɩŋ ʋ nyɩmma Devit sɩ dagʋ nɛ, a dagɛ Wɩɩsʋllɩ sɩpaalaaraa ba sɩ kaa kpaa bugoo ba chɩŋ ba dɩchɩnaa a tɩtɩŋ tɩntɩŋŋaa tapʋlɩɩ kala. Ʋ leŋ Levi doho nɩaa laa Wɩɩsʋllɩ sɩpaalaaraa sɩpaaŋ ba yɩyɩɩ yɩɩlaa chɛɛ kala, ʋ bɩra dagɛ nɩalɩŋ ma ba sɩ kaa kpaa bugoo ba pʋpɔ boi-balaa arɩ Wɩa tɩntɩnna Devit sɩ dagɛ ŋɩɩ.

ƐZƖRA 6:18

Ŋɩɩ nɛ ba kɛŋ Wɩɩsʋllɩ sɩpaalaaraa arɩ Levi doho nɩaa kaa kpaa kpaa ba tɩtɩŋ Wɩa tɩntɩŋŋaa Jerusalɛm lɛ, arɩ teŋ-la Mosis sɩ ŋmʋnsa bil sɩ dagɛ ŋɩɩ.

MOSIS KƐŊ IZIRAL TƖŊŊAA LƖƖ 28:1

Ŋɩɩ nɛ La TƖƖNA bʋla pɩ Mosis, “Kɛŋ ŋ naambie Arɔŋ arɩ ʋ hambolibiisiŋ Nadab, Abihu, Elieza arɩ Ɩtama lɩɩsɛ Iziral tɩŋŋaa tʋɔŋ, ba nɛ jaŋ ŋaa mɩ Wɩɩsʋllɩ sɩpaalaaraa.

MOSIS KƐŊ IZIRAL TƖŊŊAA LƖƖ 28:41

Joŋ gɛnnɩŋ deemba a laalɛ ŋ naambie Arɔŋ arɩ ʋ hambolibiisiŋ, aŋ joŋ Wɩɩsʋllɩ nʋʋŋ a sʋl Wɩa hɛ ba lɛ a jomba hɛ mɩ-na Wɩa nɩsɩŋ lɛ dɩ ba ŋaa Wɩɩsʋllɩ sɩpaalaaraa.

MOSIS KƐŊ IZIRAL TƖŊŊAA LƖƖ 29:1

Ŋ-la nɛ maga dɩ ŋ to a joŋ Arɔŋ arɩ ʋ hambolibiisiŋ hɛ mɩ-na Wɩa nɩsɩŋ lɛ dɩ ba ŋaa mɩ Wɩɩsʋllɩ sɩpaalaaraa. Kɛŋ nɛ-bel-pɔrʋŋ arɩ pie-belliŋ balɩa sɩ bɩ nyɔɔ kala kɛnɛ.

MOSIS KƐŊ IZIRAL TƖŊŊAA LƖƖ 29:44

Mɩ jaŋ wasɛ lɛbɩ-la lɛ mɩ sɩ yie kɔ Iziral tɩŋŋaa teeŋ arɩ koru-la aŋ wasɛ Arɔŋ arɩ ʋ hambolibiisiŋ a lɩɩsɛba dɩ ba ŋaa Wɩɩsʋllɩ sɩpaalaaraa.

MOSIS KƐŊ IZIRAL TƖŊŊAA LƖƖ 29:9

a paa nyunchuuluŋ chuba, aŋ paa gɛrɩpɛlɩɛɛ biisiŋ a vɔɔ Arɔŋ arɩ ʋ hambolibiisiŋ tɩnsɩŋ. Dɩ ŋ nɛ ŋaa ŋɩɩ mɩ sɩ dagɩŋ, ŋ joŋ Arɔŋ arɩ ʋ hambolibiisiŋ hɛ mɩ-na Wɩa nɩsɩŋ lɛ nɛ. Ba dɩ ba doho nɩaa nɛ jaŋ ŋaa Wɩɩsʋllɩ sɩpaalaaraa a kaa mʋ wuu.

MOSIS KƐŊ IZIRAL TƖŊŊAA LƖƖ 30:30

Kɛŋ nʋʋ-la tɩsɛ Arɔŋ arɩ ʋ hambolibiisiŋ a wasɛba dɩ ba ŋaa mɩ Wɩɩsʋllɩ sɩpaalaaraa.

NAMBABA 18:7

Ŋ dɩ ŋ hambolibiisiŋ dʋndʋŋa nɛ maga dɩ ma ŋaa Wɩɩsʋllɩ sɩpaalaaraa, a tɩtɩŋ Wɩɩsʋllɩ koru-la nyuŋ arɩ mɩ dɩ-zɔŋ-la sɩpaaŋ lee-la zɔmʋŋ sɩ bɩ magɩa kɛnɛ tɩntɩŋŋaa. Mɩ joŋ Wɩɩsʋllɩ sɩpaalaaraa tɩntɩŋŋaa dii zile pɩma nɛ. Dɩ nɩwogo dɔŋ kala nɛ kʋ kpagɛ mɩ dɩ-zɔŋ-la, ʋ maga dɩ ma kpʋʋ.”

Luuk 1:5

Bʋa-la lɛ Hɛrɔd fa sɩ ŋaa Judiya tinteeŋ kuoro, dɩ baal kʋbala baa yɩrɛ Zɛkarɩya fa hɛ nɩmɛ a ŋaa Wɩɩsʋllɩ sɩpaalaaraa dɔŋɔ. Ba fa kɛŋ Wɩɩsʋllɩ sɩpaalaaraa kaa kpaa kpaa nɛ, Zɛkarɩya fa pɛ baal kʋbala ba sɩɩ yɩrɛ Abija nɩaa tʋɔŋ. Zɛkarɩya haala yɩrɩŋ nɛ Ɛlɩzabɛt. Ʋ ma fa ŋaa Arɔŋ doho nʋʋ nɛ.

Luuk 1:7

Ba fa bɩ bii kala lʋla, bɛɛ wɩaa Ɛlɩzabɛt fa ŋaa hapɩrɩ nɛ, ka ʋ dɩ ʋ bala Zɛkarɩya kala hɩɛsɛ.