Luuk 1:78 - WƖA TENIŊ

⁷⁸ Wɩa kɛŋ zile aŋ fɩfá nɩaa nenige. Ʋ jaŋ laala ta a leŋ dɩ la hɔŋ pʋlʋmʋŋ tʋɔŋ.

Luuk 1:78 ပူးပေါင်းရင်းမြစ်များ

WƖA YƖƖLAA 25:6

La Tɩɩna, liise yi ŋ chonuŋ sɩ yʋga arɩ ŋ sɩ faasa fá nɩaa nenige ŋɩɩ faafaa kala.

AZAAYA 11:1

Devit kuoru gentine nagɛ tɩa ba sɩ kere lo nɛ, ama arɩ ba sɩ yie keri tɩa lo ka gentine bɩra tɔsɛ a nɛŋ ŋɩɩ, ŋɩɩ tɩtɩa nɛ kuori-falɩŋ jaŋ lɩɩ Devit doho nɩaa tʋɔŋ.

AZAAYA 42:16

Mɩ jaŋ laa nɩalɩŋ sɩ nyʋlɩma sɩpaaŋ, a kɛmba vɛŋ wombii-la ba ha sɩ bɩ vɛnɛ aŋ ka lɛ. Mɩ jaŋ pɔba a leŋ dɩ birimiŋ bɩrɩmɛ pʋlʋmʋŋ ba sɩpaaŋ. Mɩ jaŋ leŋ dɩ lere-la kala sɩ ŋaa nyʋra nyʋra ŋaa mʋla mʋla. Wɩalɩŋ mɩ sɩ jaŋ ŋaa pɩba nɛ ŋɩɩ: Mɩ bɩ jaŋ vɩaba ta.

AZAAYA 63:15

La TƖƖNA, ŋ kɛŋ tʋla nɛ woruŋ a bɩ disiniŋ kɛnɛ a hɔŋ ŋ kuoru kpasa nyuŋ Wɩa-jaŋ lɛ. Gʋra bee na wɩalɩŋ sɩɩ ŋaa la lɛ. Ŋɩɩ ŋ fa sɩ chɩl la wɩaa mʋ nɩɩ nɛ? Nɩɩ nɛ ŋ dol-la hɛ? Nɩɩ nɛ ŋ chono-la ŋ sɩ kɛnɛ a fɩfá nɩaa nenige mʋ? Sɩ́ la vɩa ta.

AZAAYA 63:7

Mɩ jaŋ leŋ dɩ nɩaa jɩŋ ŋɩɩ La TƖƖNA sɩ faasa cho nɩaa. Mɩ jaŋ dɛnnʋ a tɩŋ wɩalɩŋ kala ʋ sɩ ŋaa pɩ la Iziral tɩŋŋaa wɩaa. Ʋ chaasa ŋaa wʋzɔŋŋɔɔ yʋgɛ nɛ pɩla. La TƖƖNA fá la nenige nɛ a dagɛla ʋ chono-la sɩ bɩ dɛrɛ.

ZƐKARƖYA 3:8

Josua, Wɩɩsʋllɩ sɩpaalaaraa nɩhɩaŋ arɩ ŋ tɩntɩnnɩ dɔsʋ-la sɩ hɔŋ ŋ sɩpaaŋ, ma ŋaa magɩl nɛ aa dagɛ wɩalɩŋ maachie sɩ jaŋ kɔ. Má jegile nɩɩ: Mɩ jaŋ kɛŋ mɩ tɩntɩnna ba sɩɩ yɩrɛ Naakeliŋ a kaa kɔ.

ZƐKARƖYA 6:12

Bʋla pʋ wɩɩ-la mɩ-na ma TƖƖNA doluŋ kala Tɩɩna sɩ bʋla nɛ ŋ-la: “Baal-la ba sɩɩ yɩrɛ Naakeliŋ nɛ ŋ-la. Ʋ jaŋ kele lɩɩ ʋ lee-la ʋ sɩ hɛ, a saa mɩ-na ma TƖƖNA dɩɩ-bal-la.

MALAKAƖ 4:2

Ama, ma nɩalɩŋ sɩɩ zilmi, mɩ doluŋ jaŋ hɛ ma lɛ a nagɛ wɩɩpɔsʋŋ dɩ ma duori. Ma jaŋ lɩɩ fɩla jʋɔsɛ a nagɛ ba sɩ kɛŋ nɛ-biiriŋ suro ta ba lɩɩ jʋjʋɔsɛ.

NAMBABA 24:17

Mɩ na wɩɩ nɛ, ama lɛɛlɛ dee wɩɩ-la jaŋ ŋaa. Mɩ na arɩ kuoro jaŋ lɩɩ Iziral tɩŋŋaa tʋɔŋ a chaanɛ a nagɛ chɛnwʋlʋŋ, a kori kuoru dantɩga. Ʋ jaŋ yuo dii Mʋab tɩŋŋaa arɩ Sɛf doho nɩaa kala.

Jɔɔŋ 3:16

Wɩa cho dʋnɩa nɩaa a mʋ kieli, ŋɩɩ nɛ tɩɩ ʋ joŋ ʋ Bii-bala a pɩla, dɩ nɩɩ-la kala sɩ laa ʋ wɩaa dii, ŋ bɩ jaŋ lɛl, ama ŋ jaŋ kɛŋ mɩɩsɩ-la sɩ bɩ dɛrɛ.

Ɛfɛsɩs Nɩaa 5:14

Ŋɩɩ wɩaa nɛ tɩɩ ba bʋl, “Ma nɩalɩŋ sɩ pɩŋ doŋ a nagɛ ma sʋba, má sii doŋ lɛ. Kirisito jaŋ chaana hɛ ma lɛ.”

Fɩlɩpa Nɩaa 1:8

Mɩɩ bɩɩnɛ ma wɩaa nɛ woruŋ. Wɩa nɛ ŋaa mɩ pɛ-naara wɩɩŋ deeŋ lɛ. Mɩ choma nɛ woruŋ arɩ Kirisito Yesu sɩ choma ŋɩɩ.

Fɩlɩpa Nɩaa 2:1

Ma sɩɩ to Kirisito, ŋɩɩ leŋe ma nyuŋ nyaasɛ nɛ, ʋ chonuŋ leŋe ma tʋɔŋ pɩŋ dɩ-bala nɛ, Wɩa Dɩŋ-zɔmʋŋ ma leŋ ma ŋaa kʋbala, a kɛŋ zile dɔŋɔ lɛ a fɩfá dɔŋɔba nenige.

Koloosi Nɩaa 3:12

Ŋɩɩ wɩaa, Wɩa sɩ lɩɩsɛma a choma a leŋ ma ŋaa ʋ nɩaa sɩ bɩ disiniŋ kɛnɛ, ma fɩfá nɩaa nenige a kɛŋ zile, a kɛŋ ma tɩtɩa muuri, a leŋ dɩ ma sɩaa fɩɛlɛ, a kɛŋ kenyiri.

2 Pɩɩta 1:19

Wɩaa deemba leŋe la wasa laa wɩalɩŋ Wɩa wʋlaabʋllaa ma fa sɩ bʋla dii nɛ. Má jegile nɩɩba, bɛɛ wɩaa wɩalɩŋ ba sɩ bʋla nagɛ chaanɩŋ nɛ a chaanɛ birimiŋ tʋɔŋ. Ʋ jaŋ chaanɛ ŋɩɩ halɩɩ a mʋ yi bʋa-la lɛ Yesu Kirisito pʋlʋmʋŋ sɩ jaŋ chaanɛ ma tʋɔŋ lɛ, a nagɛ nanyʋɔlʋŋ sɩ yie chaanɛ ŋɩɩ.

1 Jɔɔŋ 3:17

Dɩ nʋʋ nɛ kɛŋ kɩaa woruŋ aŋ na ʋ dɔŋɔ tɩɩna ʋ jʋʋ wɩɩ a chɩchɛ pɛnɩŋ, ka ʋ kɛŋ tʋɔhɛɛŋ a bɩ ʋ nenige fá, ɛɛ nɛ ʋ jaŋ wuo bʋl dɩ ʋ cho Wɩa nɛ?

Jɔɔŋ Wʋnaalaa 22:16

Mɩ-na Yesu nɛ tɩŋ mɩ tɩndaara dɩ ʋ kɔ ma teeŋ a bʋl wɩaa deemba pɩ nɩalɩŋ sɩ laa mɩ wɩaa dii a hihilimi lee na-kala. Mɩ ŋaa Devit dɩa nɩaa gentine nɛ, a ŋaa ʋ doho nʋʋ. Mɩ nɛ ŋaa nanyʋɔlʋŋ.”