Luuk 1:7 - WƖA TENIŊ

⁷ Ba fa bɩ bii kala lʋla, bɛɛ wɩaa Ɛlɩzabɛt fa ŋaa hapɩrɩ nɛ, ka ʋ dɩ ʋ bala Zɛkarɩya kala hɩɛsɛ.

Luuk 1:7 ပူးပေါင်းရင်းမြစ်များ

WƖAA DƖ-SUOMUŊ 17:17

Ŋɩɩ nɛ Abɩraham kɛŋ sɩaa chu tinteeŋ a mɔŋ aŋ bʋl ʋ tʋɔŋ lɛ, “Nʋʋ jaŋ wuo yi jɩsɩŋ zɔlɔ aŋ lʋl bie? Sara ma sɩ ŋaa jɩsɩŋ mahɩŋ banɛsɛ arɩ fii jaŋ wuo lʋl bii?”

WƖAA DƖ-SUOMUŊ 18:11

Bʋa deeŋ lɛ dɩ Abɩraham arɩ Sara hɩɛsa, Sara paala kieli biiriŋ lʋlʋŋ.

WƖAA DƖ-SUOMUŊ 25:21

Aɩzɩk haala fa bɩ lʋl, ŋɩɩ nɛ ʋ sʋl Wɩa pʋ. Wɩa laa ʋ sʋla, ʋ haala kɛŋ luoruŋ.

WƖAA DƖ-SUOMUŊ 30:1

Rakɛl sɩ na arɩ ʋ bɩ bii lʋla pɩ Jekɔb, ʋ yaraa bibieri ʋ malɩma nyuŋ. Ŋɩɩ nɛ ʋ bʋla pɩ Jekɔb, “Pɩmɛ bie, dɩ ŋɩɩ dee mɩ jaŋ sʋʋ.”

1 KUOROO 1:1

Kuoro Devit fa sɩ faasa kʋ hɩɛsɛ, dɩ ba nɛ paala joŋ gɛrɩ-bɔsʋnʋŋ tɔʋ ma, waarɩŋ ha yie kɛnʋ nɛ.

2 KUOROO 4:14

Ŋɩɩ nɛ Elaasa pɩɛsɛ Gehazi, “Wʋbɛɛ nɛ maga dɩ la ŋaa pʋ?” Ʋ bʋl, “Mɩ jɩma arɩ ʋ bɩ bii kɛnɛ, ka ʋ bala ma hɩɛsɛ.”

Luuk 1:5

Bʋa-la lɛ Hɛrɔd fa sɩ ŋaa Judiya tinteeŋ kuoro, dɩ baal kʋbala baa yɩrɛ Zɛkarɩya fa hɛ nɩmɛ a ŋaa Wɩɩsʋllɩ sɩpaalaaraa dɔŋɔ. Ba fa kɛŋ Wɩɩsʋllɩ sɩpaalaaraa kaa kpaa kpaa nɛ, Zɛkarɩya fa pɛ baal kʋbala ba sɩɩ yɩrɛ Abija nɩaa tʋɔŋ. Zɛkarɩya haala yɩrɩŋ nɛ Ɛlɩzabɛt. Ʋ ma fa ŋaa Arɔŋ doho nʋʋ nɛ.

Luuk 1:6

Zɛkarɩya arɩ ʋ haala kala fa ŋaa tʋɔpʋl tɩmma nɛ. Ba faa to Wɩa niiriŋ arɩ ʋ wʋdagaa nɛ woruŋ a bɩ wʋcheeli kala kɛnɛ.

Luuk 1:8

Ŋɩɩ nɛ Zɛkarɩya arɩ ʋ tɩntɩnnɩ dɔsʋŋ tapʋlʋŋ yi dɩ ba tɩŋ tɩntɩŋŋaa, Wɩɩsʋllɩ sɩpaalaaraa sɩ vɛnɛɛ tɩŋ.

Rom Tɩŋŋaa 4:19

Bʋa-la lɛ Wɩa fa sɩ bʋl ŋɩɩ pɩ Abɩraham, dɩ Abɩraham ka mʋa ka dɩ ʋ yi jɩsɩŋ zɔlɔ. Ʋ jɩma arɩ ʋ hɩɛsa nɛ, ʋ yaraa bɩra bɩ doluŋ kɛnɛ dɩ ʋ lʋl bie. Ʋ haala Saara ma fa ŋaa hapɩrɩ nɛ a ma hɩɛsɛ, a bɩ bii wuo lʋl. Abɩraham sɩ hɩɛsa ŋɩɩ ma kala, ʋ ha laa Wɩa dii nɛ.

Hiburu TƖŊŊAA 11:11

Ŋɩɩ tɩtɩa nɛ Abɩraham haala Saara ma laa Wɩa wɩaa dii. Saara fa ŋaa hapɩrɩ nɛ. Abɩraham arɩ ʋ haala kala fa hɩɛsa nɛ woruŋ, ka Wɩa wuo pɛ ba lɛ ba lʋl bie. Sara jɩma arɩ Wɩa kɛŋ wʋtɩtɩɩ nɛ. Ŋɩɩ wɩaa ʋ laa dii arɩ ʋ jaŋ na kʋ-la Wɩa sɩ sɩ ʋ jaŋ joŋo pʋ.

1 SAMƲƐL 1:2

Ɛlɩkaana fa kɛŋ haalaa balɩa nɛ, dɔŋɔ yɩrɩŋ nɛ Hana, dɔŋɔ ma yɩrɩŋ nɛ Penina. Penina lʋl biiriŋ, ka Hana bɩ bii lʋla.