Luuk 1:6 - WƖA TENIŊ

⁶ Zɛkarɩya arɩ ʋ haala kala fa ŋaa tʋɔpʋl tɩmma nɛ. Ba faa to Wɩa niiriŋ arɩ ʋ wʋdagaa nɛ woruŋ a bɩ wʋcheeli kala kɛnɛ.

Luuk 1:6 ပူးပေါင်းရင်းမြစ်များ

WƖAA DƖ-SUOMUŊ 17:1

Abɩram sɩ ŋaa jɩsɩŋ mahɩŋ banɛsɛ arɩ fii arɩ nibi, La TƖƖNA kɛŋ ʋ tɩtɩa kʋ dagʋ a bʋla pʋ, “Mɩ nɛ ŋaa Wɩa doluŋ kala Tɩɩna, kɛŋ tʋɔpʋla mɩ teeŋ.

WƖAA DƖ-SUOMUŊ 6:9

Ŋ-la nɛ Nowa fa nagɛ: Ʋ fa ŋaa tʋɔpʋl tɩɩna nɛ Wɩa teeŋ a bɩ wɩɩkala ma cheye ʋ nɩaa tʋɔŋ. Ʋ to Wɩa wombiiŋ nɛ woruŋ.

WƖAA DƖ-SUOMUŊ 7:1

Ŋɩɩ nɛ La TƖƖNA bʋla pɩ Nowa, “Ŋ dɩ ŋ dɩa nɩaa kala jʋʋ lɩɩŋ daboro-la, bɛɛ wɩaa ma lɛɛlɛ nɩaa kala tʋɔŋ ŋ dʋndʋŋa nɛ mɩ na dɩ ŋ ŋaa tʋɔpʋl tɩɩna.

1 KUOROO 15:5

Devit fa ŋaa wɩaa ba bʋa lɛ nɛ La TƖƖNA sɩpaaŋ, ʋ fa bɩ ʋ niiŋ wɩaa vɩa ʋ mɩɩsɩŋ kala lɛ, see wʋbɔŋ-la ʋ sɩ ŋaa Yuria lɛ, Hiti tɩɩna-la.

1 KUOROO 9:4

Ŋ-na Solomoŋ, dɩ ŋ nɛ tomi arɩ wʋtɩtɩɩ a ŋɩŋaa wɩaa ba bʋa lɛ, arɩ ŋɩɩ ŋ nyɩmma Devit fa sɩ tomi, a ŋaa wɩalɩŋ kala mɩ sɩ daga, a to mɩ niiriŋ arɩ wombie-la mɩ sɩ bile,

2 KUOROO 20:3

“Mɩ Tɩɩna, liisi ŋɩɩ mɩ sɩ laaŋ dii a toŋ arɩ mɩ tʋɔŋ kala, a ŋaa wɩalɩŋ sɩɩ tɔrɛ ŋ tʋɔŋ.” Ʋ bʋl ŋɩɩ aŋ chaasa yel woruŋ.

2 IZIRAL TƖŊŊAA NAABARƖŊ 17:4

Ʋ to ʋ nyɩmma Wɩa wombiee arɩ wɩalɩŋ ʋ sɩ daga nɛ, aŋ vɩa vene-la Iziral kuoroo fa sɩɩ kpaarʋ.

JOB 1:1

Baal kʋbala nɛ fa hɛ Us tinteeŋ lɛ, baa yɩrɛ Job. Baala deeŋ wɩaa tʋʋla nɛ woruŋ, ʋ bɩ wʋcheeli kala kɛnɛ. Ʋ faa fá Wɩa nɛ woruŋ a bɛrɛ wʋbɔŋŋɔɔ.

JOB 1:8

Ŋɩɩ nɛ La TƖƖNA pɩɛsʋ, “Ŋ na mɩ tɩntɩnna Job nɛɛ? Nʋʋkala tuo dʋnɩa lɛ a nagʋ. Ʋ wɩaa tʋʋla nɛ woruŋ, ʋ bɩ wʋcheeli kala kɛnɛ. Ʋʋ fá mɩ-na Wɩa nɛ woruŋ a bɩ chɛ dɩ ʋ sɩɩŋ na wʋbɔmʋŋ.”

JOB 9:2

“Mɩ jɩma wɩalɩŋ ŋ sɩ bʋla ŋaa wʋtɩtɩɩba nɛ. Ama ɛɛ nɛ nuhuobiine jaŋ wuo kɛŋ tʋɔpʋla Wɩa teeŋ?

WƖA YƖƖLAA 119:6

Dɩ mɩ nɛ joŋ mɩ tʋɔbɩɩnaa hɛ wɩalɩŋ ŋ sɩ daga lɛ, ŋɩɩ nɛ jaŋ leŋ dɩ hɩɩsɩŋ sɩ́ mɩ dii.

Luuk 1:7

Ba fa bɩ bii kala lʋla, bɛɛ wɩaa Ɛlɩzabɛt fa ŋaa hapɩrɩ nɛ, ka ʋ dɩ ʋ bala Zɛkarɩya kala hɩɛsɛ.

Luuk 16:15

Yesu bʋla pɩba, “Ma nɛ ŋaa nɩdosunu-la sɩ yie chɛ dɩ nɩaa bɩɩnɛ ma kɛŋ wʋtɩtɩɩ nɛ, ama Wɩa jɩŋ ma tʋɔŋ nɛ. Kɩalɩŋ sɩ ŋaa kʋfɩɛma nuhuobiinee teeŋ, ba ŋaa kʋtɔɔnʋ nɛ Wɩa teeŋ.”

Luuk 2:25

Bʋa-la lɛ baal kʋbala nɛ fa hɛ Jerusalɛm lɛ, baa yɩrɛ Simioŋ. Ʋ fa ŋaa nɩzɔŋ nɛ a fɩfá Wɩa a fa gbɩgbɛrɛ dɩ Wɩa laa Iziral tɩŋŋaa ta. Wɩa Dɩŋ-zɔmʋŋ ma hɛ ʋ lɛ woruŋ.

Tɩntɩŋŋaa 2:25

Devit fa bʋl wɩɩŋ deeŋ nɛ a tɩgɛ ʋ lɛ: ‘Mɩ yie na mɩ Tɩɩna nɛ mɩ sɩpaaŋ bʋa na-kala, ʋ kpagɛmɛ nɛ, wɩɩkala bɩ jaŋ wuo jigisimi.

Tɩntɩŋŋaa 23:1

Pɔɔl fa sɩ chɩŋ ŋɩɩ, ʋ chaarɛ ʋ sɩaa pɛ nɩalɩŋ fa sɩ yie hilime vʋvʋʋrɛ wɩaa lɛ aŋ bʋla pɩba, “Mɩ naambiiriŋ, mɩ to Wɩa mɩ mɩɩsɩŋ kala lɛ nɛ. Mɩ sɩ tou, mɩ tʋɔbɩɩnaa kala yie chesi nɛ a kaa kɔ tapʋlʋŋ deeŋ.”

Tɩntɩŋŋaa 24:16

Mɩ yie wʋwalɩmɛ woruŋ dɩ mɩ tʋɔbɩɩnaa kala chesi Wɩa arɩ nuhuobiinee kala sɩpaaŋ.

Tɩntɩŋŋaa 8:21

Ŋ bɩ toru kala kɛnɛ tɩntɩmɩŋ deeŋ lɛ. Ŋ bɩ ŋ tʋɔŋ pʋlla Wɩa teeŋ.

Rom Tɩŋŋaa 8:4

Ʋ ŋaa ŋɩɩ dɩ la wuo kɛŋ doluŋ nɛ a ŋɩŋaa tʋɔpʋl wɩalɩŋ Mosis fa sɩ bile dɩ nɩaa tuto, la nɩalɩŋ sɩ bɩ la yaraa doluŋ lɛ ka to aŋ tuto Wɩa Dɩŋ-zɔmʋŋ doluŋ lɛ.

1 Kɔrɩntɩ Nɩaa 11:2

Ma ŋaa kukeri nɛ ma sɩ liisi mɩ wɩaa wɩɩkala lɛ a tuto wɩalɩŋ mɩ sɩ dagɛma.

2 Kɔrɩntɩ Nɩaa 1:12

Lɛɛlɛ la jaŋ wuo bigisi la tɩtɩa lɛ, bɛɛ wɩaa la tʋɔbɩɩnaa daga arɩ la wʋŋaalaa kala zɔmɔ nʋʋkala teeŋ nɛ dʋnɩa deeŋ lɛ. Wɩɩkala la sɩ ŋaa ma teeŋ, la ŋaa wɩalɩŋ sɩɩ to Wɩa wombiiŋ nɛ aŋ pɛ ŋaa wʋtɩtɩɩ-la Wɩa sɩɩ chɛ. Nuhuobiine wʋjɩmɩŋ lɛ dee la to a ŋɩŋaa wɩalɩŋ, ama Wɩa doluŋ lɛ nɛ la ŋaaba.

MOSIS BƖRA WULLI WƖA WOMBIIŊ 5:33

Má to wɩalɩŋ kala ma TƖƖNA Wɩa sɩ́ dagɛma, dɩ wɩaa vɛŋ woruŋ a pɩma dɩ ma hɔŋ tintee-la ma sɩɩ mʋ dɩ ma tɩɩ lɛ, a dieni.

Fɩlɩpa Nɩaa 2:15

Dɩ ma nɛ ŋaa ŋɩɩ, ma jaŋ ŋaa tʋɔpʋl tɩmma a sɩ́ wʋcheeli kala kɛŋ. Ma jaŋ ŋaa Wɩa biiriŋ a hɛ wʋbɔŋ ŋaaraa arɩ nɩbɔŋŋɔɔ tʋɔŋ dʋnɩa deeŋ lɛ. Ma chaanɛ nɩaa deemba tʋɔŋ a nagɛ chɛnwʋlaa sɩ chaanɛ ŋɩɩ wɩa-nyuŋ.

Koloosi Nɩaa 1:22

Ama lɛɛlɛ Wɩa ŋaa ma dɩ ʋ sɩŋ nɛ a tɩŋ Kirisito sʋʋŋ wɩaa, dɩ ʋ kɛmma kaa kɔ Wɩa sɩpaaŋ arɩ tʋɔpʋla, dɩ ma sɩ́ disiniŋ kɛŋ a sɩ́ wʋcheeli ma kɛŋ.

1 Tɛsalonaaka Nɩaa 3:13

aŋ bɩra sʋlʋ dɩ ʋ leŋ dɩ ma kɛŋ doluŋ ma tʋɔŋ lɛ, a kɛŋ tʋɔpʋla la Nyɩmma Wɩa sɩpaaŋ, a sɩ́ wʋcheeli kala kɛŋ tapʋlɩɩ-la La Tɩɩna Yesu arɩ ʋ nɩaa sɩ jaŋ mɩɩra kɔ.

2 Pɩɩta 3:14

Ŋɩɩ wɩaa mɩ nandɔŋ-kpɩanaba, ma sɩɩ gbɛrɛ dɩ ma na wɩaa deemba ŋɩɩ, má fɩɛsɛ sɩɩŋ a leŋ dɩ ma mɛlɛ zɔŋ, dɩ tapʋlɩɩ-la nɛ yie, dɩ Wɩa sɩ́ cheeriŋ joŋo pɩma, ka dɩ ma dɩ Wɩa sɩŋ.

1 Jɔɔŋ 2:29

Ma jɩma arɩ Kirisito ŋaa tʋɔpʋl Tɩɩna nɛ, ma saa jaŋ jɩŋ arɩ nʋʋkala sɩ ŋaa tʋɔpʋl tɩɩna, ʋ tɩɩna ŋaa Kirisito bii nɛ.

1 Jɔɔŋ 2:3

Dɩ la nɩɩ to wɩalɩŋ Wɩa sɩ daga, ŋɩɩ daga arɩ la jɩŋ Wɩa nɛ.

1 Jɔɔŋ 3:7

Mɩ biiriŋ, má sɩ́ leŋe dɩ nʋʋkala nyɩsɛma wɩaa deemba lɛ. Nɩɩ-la kala sɩɩ ŋaa wɩaa ba bʋa lɛ, ʋ tɩɩna ŋaa tʋɔpʋl tɩɩna nɛ, arɩ Kirisito sɩ ŋaa tʋɔpʋl Tɩɩna ŋɩɩ.