Luuk 1:53 - WƖA TENIŊ

⁵³ Ʋ joŋ kʋzɔŋŋɔɔ a pɩ summoo nɛ aŋ kiri nɩalɩŋ sɩ kɛŋ kɩaa ba kɛŋ nahɩllɩŋ mɩɩrɛ.

Luuk 1:53 ပူးပေါင်းရင်းမြစ်များ

WƖA YƖƖLAA 146:7

Ʋ nɛ yie bʋla laa nɩalɩŋ ba sɩ nyaga bil, aŋ pɩpɩ nɩalɩŋ ma losuŋ sɩ kɛnɛ kʋdiilee. La Tɩɩna nɛ yie laa dansarɩkaba ta.

WƖA YƖƖLAA 34:10

Losuŋ jaŋ wuo kɛŋ naachigee dɩ ba pʋgʋmɛ, ama nɩalɩŋ sɩɩ to La Tɩɩna bɩ kʋzɔŋ kala chɛɛ ka.

ƐZƖKƖƐL 34:29

Mɩ jaŋ joŋ tintee-la sɩ kɛŋ kɩaa nʋʋkala jɩŋ ʋ lɛ a pɩba, dɩ losuŋ lɛl ba tinteeŋ lɛ. Tintee-wogusuŋ bɩra bɩ jaŋ sisieri ba lɛ.

Matiu 5:6

Wɩa jaŋ pɛ nɩalɩŋ sɩ faasa chɩchɛ tʋɔpʋla a nagɛ losuŋ koo lɩɩnyʋasʋŋ sɩ kɛŋ nɩaa ba chɩchɛ kʋdiilee koo lɩɩŋ ŋɩɩ. Wɩa jaŋ leŋ dɩ ba kɛŋ tʋɔpʋla.

Luuk 1:54

Ʋ fa bil niiŋ nɛ a pɩ la naabalɩmaba dɩ ʋ jaŋ pɛ ʋ tɩntɩnnaa Iziral tɩŋŋaa lɛ. Wɩɩ-la ʋ fa sɩ bʋla kʋ ŋaa wʋtɩtɩɩ. Ʋ pɛ ba lɛ.

Luuk 6:21

Ma ma nɩalɩŋ losuŋ sɩ kɛnɛ lɛɛlɛ, Wɩa jaŋ pɛ ma lɛ. Ʋ jaŋ pɩma kʋdiilee dɩ ma dii a vɔgɛ. Ma nɩalɩŋ sɩɩ yel lɛɛlɛ, Wɩa ma jaŋ pɛ ma lɛ, bɛɛ wɩaa Wɩa jaŋ ŋaa ma mɔŋ.

Luuk 6:24

Ama ma nɩalɩŋ sɩ kɛŋ kɩaa lɛɛlɛ, ma jaŋ na hɛɛŋ, bɛɛ wɩaa ma laa sɩpaaŋ dii ma sɩma dɛrɛ nɛ.

Jɔɔŋ 6:35

Ŋɩɩ nɛ Yesu bʋla pɩba, “Mɩ nɛ ŋaa kʋdiile-la sɩɩ pɩ nɩaa mɩɩsɩŋ. Nɩɩ-la kala sɩ kɔ mɩ teeŋ, losuŋ bɩra bɩ jaŋ kɛnʋ. Nɩɩ-la ma sɩ laa mɩ wɩaa dii, lɩɩnyʋasʋŋ bɩra bɩ jaŋ kɛnʋ.

1 Kɔrɩntɩ Nɩaa 1:26

Mɩ naambiiriŋ, má liise yi ŋɩɩ ma fa sɩ naga bʋa-la lɛ Wɩa sɩ yɩrɛma. Ma tʋɔŋ nɩaa baŋmɛɛ nɛ fa kɛŋ wʋjɩmɩŋ, koo ma tʋɔŋ nɩaa baŋmɛɛ nɛ fa kɛŋ doluŋ? Ma nɩaa baŋmɛɛ ma nɛ fa ŋaa nɩbalaa nuhuobiinee teeŋ?

1 Kɔrɩntɩ Nɩaa 4:8

Ma bɩɩna ma kɛŋ kʋŋkala ma sɩɩ chɛ nɛ, a ŋaa kɩa tɩmma, a dii kuoruŋ aŋ ka la-na bɩ kɩaa deemba kʋŋkala kɛnɛ. Wʋtɩtɩɩ, la fa cho dɩ ma dii kuoruŋ nɛ, dɩ la dɩ ma kala ŋaa kuoroo.

1 SAMƲƐL 2:5

Nɩalɩŋ fa sɩ dii vʋvɔgɛ mɩɩra pɛrɛ pachɩŋŋaa nɛ didii, ama losuŋ fa sɩ kɛŋ nɩalɩŋ mɩɩra dii vʋvɔgɛ nɛ. Haal-la sɩ bɩ bii lʋla, mɩɩra lʋl biiriŋ balɩpɛ nɛ. Ka haal-la fa sɩ kɛŋ biiriŋ yʋgɛ bɩra bɩ bii kɛnɛ.