Luuk 1:51 - WƖA TENIŊ

⁵¹ Ʋ kɛŋ ʋ naduo-la kaa tɩɛnɛ a ŋmoo babiibalaa a ŋaa ba wɩaa kala pugi.

Luuk 1:51 ပူးပေါင်းရင်းမြစ်များ

WƖAA DƖ-SUOMUŊ 11:8

Ŋɩɩ nɛ La TƖƖNA kɛŋ ba pɩsɛ lee-kala tinteeŋ lɛ, ba leŋ taŋ-la saanɩŋ.

WƖAA DƖ-SUOMUŊ 6:5

La TƖƖNA na ŋɩɩ nuhuobiine tʋɔŋ sɩ hɛyɛ dʋnɩa tʋɔŋ, ʋ tʋɔbɩɩnaa ma kala lɔrɛ bʋa na-kala.

WƖAA DƖ-SUOMUŊ 8:21

Ŋɩɩ nɛ Wɩa nɩɩ kɩalɩŋ Nowa sɩ nyɩga sʋɔra dɩ ba sɩma. Ʋ tʋɔŋ tɔrɛ, ʋ bʋl ʋ tʋɔŋ lɛ, “Mɩ bɩra bɩ jaŋ tɩŋ nuhuobiine wɩaa a ŋmɩɛsa hɛ tinteeŋ lɛ. Nuhuobiine tʋɔbɩɩnaa kala ŋaa kʋbɔmɔ nɛ a lɩɩ ʋ hambiiriŋ kala lɛ. Mɩ bɩra bɩ jaŋ kɔ dɩ mɩ kpʋ kʋŋkala sɩ weye arɩ mɩ sɩ ŋaa ŋɩɩ bʋa-la lɛ.

WƖA YƖƖLAA 118:15

Tʋɔtɔrɛ goŋ arɩ yuo-diiri goŋ nɛ baa ŋaa Wɩa nɩaa lɛŋŋɛɛ lɛ. Ba sɩ: “La Tɩɩna doluŋ nɛ ŋaa wʋduoru-la.

WƖA YƖƖLAA 33:10

La Tɩɩna nɛ kɛŋ wɩalɩŋ tinteyee nɩaa sɩ bɩɩna dɩ ba ŋaa a chei, ʋ nɛ kɛŋ wɩalɩŋ ba sɩ bɩɩna dɩ ba ŋaa pugi.

WƖA YƖƖLAA 52:9

Mɩ jaŋ lɔllɛ ŋ-na Wɩa bʋa na-kala a tɩŋ wɩalɩŋ ŋ sɩ ŋaa wɩaa. Mɩ joŋ mɩ yɩɛlaa hɛ ŋ yɩrɩ-la lɛ nɛ, bɛɛ wɩaa ʋ zɔmɔ. Mɩ jaŋ dɛnnɩŋ dɩ ŋ nɩaa nɛ hilime.

WƖA YƖƖLAA 63:5

Ŋ jaŋ leŋ dɩ mɩ dɩma vɔgɛ a nagɛ nɩa sɩ dii kʋdii-zɔŋŋɔɔ vɔgɛ, dɩ mɩ tʋɔŋ tɔrɛ dɩ mɩ yɩɩ yɩɩlaa a dɛnnɩŋ.

WƖA YƖƖLAA 89:10

Ŋ nɛ kɛŋ mʋgʋ-balɩŋ tʋɔŋ baŋgarɛ-la ba sɩɩ yɩrɛ Rahab keri muno muno a nagɛ kʋa ba sɩ kpʋa, aŋ kɛŋ ŋ naduo-la ŋmoo ŋ dʋndɔŋŋɔɔ pɩsɛ.

WƖA YƖƖLAA 89:13

Ŋ kɛŋ doluŋ nɛ woruŋ, ŋ dol-la saa yʋga ma, ʋ bɩ magɩa kɛnɛ.

WƖA YƖƖLAA 98:1

Má yɩɩ yɩɩl-falɩŋ pɩ La Tɩɩna, bɛɛ wɩaa ʋ ŋaa wʋkpuŋkperisiŋ nɛ. Ʋ naduo-la sɩ bɩ disiniŋ kɛnɛ nɛ ʋ kaa yuo dii ʋ dʋndɔŋŋɔɔ.

MOSIS KƐŊ IZIRAL TƖŊŊAA LƖƖ 18:11

Lɛɛlɛ mɩ jɩma arɩ La TƖƖNA nɛ kɩɩ vesiŋ kala, bɛɛ wɩaa ʋ laa Iziral tɩŋŋaa ta nɛ Ijipiti tɩŋŋaa nɩsɩŋ lɛ, nɩalɩŋ fa sɩɩ ŋaa sɩɩ-jʋʋ wɩaa ba lɛ.”

AZAAYA 40:10

La TƖƖNA Wɩɩjarɩbakɔ nɩɩ kɔ arɩ ʋ doluŋ, dɩ ʋ beŋ ʋ nɩaa. Ʋ pɛ kori ʋ time kaa kɔ nɛ: Nɩalɩŋ ʋ sɩ laa ta. Ʋ dɩ nɩalɩŋ ʋ sɩ laa ta nɩɩ kɔ.

AZAAYA 51:9

La TƖƖNA, sii a pɛ la lɛ arɩ ŋ doluŋ a laala ta. Sii ŋaa ŋɩɩ tɩtɩa ŋ fa sɩ ŋaa pɩ la bumbuŋ nɩaa. Ŋ dee fa bɩ mʋga tʋɔŋ peribanyeŋŋu ba sɩɩ yɩrɛ Rahab kaa keri muno muno ŋɩɩ?

AZAAYA 52:10

La TƖƖNA jaŋ dagɛ ʋ doluŋ dɩ tinteyee kala na. Dʋnɩa sɛmɛ na-kala nɩaa jaŋ na ŋɩɩ, la Wɩa sɩ laa ʋ nɩaa ta.

AZAAYA 63:12

Nɩɩ-la sɩ joŋ ʋ doluŋ a pɩ Mosis, ʋ leŋ mʋga-la fa sɩ pɩŋ ba sɩpaaŋ kpaa balɩa, dɩ ʋ laa yɩrɩ-la sɩ bɩ dɛrɛ a pɩ ʋ tɩtɩa,

JƐRƖMAAYA 49:15

La TƖƖNA sɩ, “Lɛɛlɛ mɩ jaŋ leŋ dɩ ma muuri tinteyee tʋɔŋ, dɩ nɩaa bee gʋgʋʋnɛ ma.

DANƖƐL 4:37

Lɛɛlɛ mɩ-na Nebukadineza ka dɛnnɛ Wɩa sɩ ŋaa kuoro a hɛ ʋ jaŋ lɛ a yɩyɩrɛ ʋ yɩrɩŋ, bɛɛ wɩaa ʋ ŋaa wɩɩkala ʋ bʋa lɛ nɛ, ʋ wʋŋaalaa kɛŋ wʋtɩtɩɩ. Nɩalɩŋ sɩɩ bigisi ba tɩtɩa lɛ, ʋ yie kɛmba muuri nɛ.

Rom Tɩŋŋaa 1:21

Ba jɩma Wɩa hɛ nɩmɛ nɛ, ama ba bɩ ʋ ka zil arɩ ʋ ŋaa Wɩa. Ba bɩ ʋ ka lɔllɛ. Ba tʋɔbɩɩnaa kala bɩrɩma nɛ ba ŋɩŋaa wʋlɩɩlɩŋ. Ba tʋɔbɩɩŋ lɔrʋnʋ-la kɛmba kaa mʋ hɛ birimiŋ tʋɔŋ.

2 Kɔrɩntɩ Nɩaa 10:5

Ba nɛ la kaa yuo dii nɩalɩŋ sɩ kɛŋ nii-doluŋ a kɛŋ wɩaa kaa lɛrɛ, a dɩdagɛ ba tɩtɩa a pɔ dɩ nɩaa sɩ́ kʋ jɩŋ Wɩa. Ba nɛ la yie bɩra wuo kaa kɛŋ nɩaa tʋɔbɩɩnaa kala bɩrɩmɛ baa to Kirisito niiŋ wɩaa.

MOSIS BƖRA WULLI WƖA WOMBIIŊ 4:34

Veŋ bɛɛ nɛ hɛ nɩmɛ a jaŋ wuo mʋ tinteeŋ tʋɔŋ a ŋaa wɩaa magɩsɛba, a ŋaa wʋkpuŋkperisiŋ arɩ wʋmagɩlaa, a yuo laalɩŋ, a dagɛ ʋ doluŋ a ŋaa wɩaa sɩ kɛŋ fawʋllʋŋ a laa ʋ nɩaa tintee-la nɩaa teeŋ? Ŋ-la nɛ ma TƖƖNA Wɩa ŋaa ma sɩɩŋ lɛ aŋ laama kaa kʋ lɩɩ Ijipiti tinteeŋ lɛ.

1 Pɩɩta 5:5

Ma bapʋɔsɩ-biisiŋ ma, má joŋ ma tɩtɩa hɛ ma nɩhɩasɩŋ nɩsɩŋ lɛ. Má kala kɛŋ ma tɩtɩa muuri dɔŋɔba teeŋ. Má liisi arɩ Wɩa teniŋ tʋɔŋ ba bʋla, “Wɩa lɩɩ nɩalɩŋ sɩɩ bigisi ba tɩtɩa lɛ harɩŋ nɛ, ama nɩalɩŋ sɩ kɛŋ ba tɩtɩa muuri, ʋʋ pɛ ba lɛ nɛ.”

Jɔɔŋ Wʋnaalaa 18:8

Ŋɩɩ wɩaa wʋlɔrʋnʋŋ deemba jaŋ jʋʋba chɛ-bala: Ʋ nɩaa jaŋ sʋʋ, dɩ ba tʋɔŋ chei, dɩ losuŋ ma jʋʋba. Nyiniŋ ma jaŋ diiba. Wɩaa deemba kala jaŋ ŋaa, bɛɛ wɩaa La Tɩɩna Wɩa sɩ jaŋ diiu sarɩya kɛŋ doluŋ.”