Luuk 1:41 - WƖA TENIŊ

⁴¹ Ʋ laa Mɛɛrɩ chʋɔlaa. Ʋ sɩ laa ŋɩɩ, bile sɩ hɛ ʋ luoruŋ lɛ sii bɩrɩmɛ. Ŋɩɩ nɛ Wɩa Dɩŋ-zɔmʋŋ kʋ hɛ Ɛlɩzabɛt lɛ woruŋ.

Luuk 1:41 ပူးပေါင်းရင်းမြစ်များ

WƖAA DƖ-SUOMUŊ 25:22

Ŋɩɩ nɛ hambiisi-la yɩyɩ dɔŋɔ ʋ luoruŋ tʋɔŋ. Ʋ pɩɛsɛ La TƖƖNA, “Bɛɛ nɛ tɩɩ wɩɩŋ deeŋ ŋɩŋaa mɩ lɛ?”

WƖA YƖƖLAA 22:10

A chɩŋ tapʋlɩɩ-la ba sɩ lʋlmɛ, ŋ nɩɩ beŋ mɩ nyuŋ, a chɩŋ bʋa-la lɛ mɩ naaŋ sɩ lʋlmɛ a kaa kɔ, ŋ nɛ mɩ Wɩa.

Luuk 1:15

Ʋ jaŋ ŋaa nɩbal La Tɩɩna teeŋ. Ʋ bɩ jaŋ nyʋnyʋa sɩ-duo kala. Ba jaŋ lʋlʋ, dɩ Wɩa Dɩŋ-zɔmʋŋ hɛ ʋ lɛ woruŋ.

Luuk 1:40

Ʋ sɩ yi nɩmɛ, ʋ mʋ jʋʋ Zɛkarɩya dɩa a mʋ chʋɔlɛ ʋ haala Ɛlɩzabɛt.

Luuk 1:42

Ʋ faasa bʋla pɩ Mɛɛrɩ, “Wɩa pɛ ŋ lɛ nɛ a kɩɩ haalaa kala. Wɩa jaŋ pɛ bile ŋ sɩ jaŋ lʋl lɛ.

Luuk 1:44

Mɩ sɩ laa ŋ chʋɔlaa ŋɩɩ, bile sɩ hɛ mɩ luoruŋ lɛ tʋɔŋ ma tɔrɛ, ʋ sii fɩfɩl.

Luuk 1:67

Ŋɩɩ nɛ Wɩa Dɩŋ-zɔmʋŋ kʋ hɛ Zɛkarɩya lɛ ʋ bʋl wɩaa Wɩa doluŋ lɛ, ʋ sɩ,

Luuk 4:1

Ŋɩɩ nɛ Yesu mɩɩra lɩɩ Jɔdaŋ fuo-la tʋɔŋ kʋ lɩɩ dɩ Wɩa Dɩŋ-zɔmʋŋ hɛ ʋ lɛ woruŋ. Ŋɩɩ nɛ ʋ kɛnʋ kaa jʋʋ tintee-hɩlɩŋ tʋɔŋ tapʋlaa mahɩŋ balɩa, Sɩtaanɩ yie kɔ a mɩmagɩsʋ.

Tɩntɩŋŋaa 2:4

Ba sɩ togili nʋʋkala lɛ ŋɩɩ, Wɩa Dɩŋ-zɔmʋŋ hɛba kala lɛ, a pɩba doluŋ ba suomo bʋbʋl yikori dosunuŋ.

Tɩntɩŋŋaa 4:8

Ŋɩɩ nɛ Wɩa dɩ Dɩŋ-zɔmʋŋ hɛ Pɩɩta lɛ woruŋ, ʋ bʋla pɩba, “Ma sɩpaalaaraa deemba arɩ ma Juu tɩŋŋaa kʋhɩasɩŋ,

Tɩntɩŋŋaa 6:3

Mɩ naambiiriŋ, má lɩɩsɛ ma tʋɔŋ nɩaa balɩpɛ ma sɩ jɩma dɩ nɩaa ka zilba, ka Wɩa Dɩŋ-zɔmʋŋ hɛ ba lɛ aŋ kɛŋ wʋjɩmɩŋ ma, dɩ la joŋ wɩɩŋ deeŋ hɛ ba nɩsɩŋ lɛ.

Tɩntɩŋŋaa 7:55

Ŋɩɩ nɛ Wɩa Dɩŋ-zɔmʋŋ faasa hɛ Sɩtɩɩvɩŋ lɛ yʋgɛ. Ʋ wʋla beŋ wɩa-nyuŋ a na Wɩa tʋla, a na Yesu ma dɩ ʋ hɔŋ Wɩa nadiiŋ, nɩduoŋ dɩhɔnʋŋ.

Tɩntɩŋŋaa 9:17

Ŋɩɩ nɛ Ananɩas sii mʋ dɩa-la Sɔɔl sɩ jʋa. Ʋ jʋʋ a joŋ ʋ nɩsaa daŋ Sɔɔl lɛ aŋ bʋl, “Mɩ naambie Sɔɔl, La Tɩɩna Yesu-la ŋ sɩ na wombiiŋ lɛ ŋ sɩɩ kɔ daha, ʋ nɛ tɩmmɛ. Ʋ tɩmmɛ dɩ mɩ kɔ dɩ ŋ sɩaa wuo suri, ka dɩ Wɩa Dɩŋ-zɔmʋŋ ma hɛŋ lɛ.”

Ɛfɛsɩs Nɩaa 5:18

Má sɩ́ sɩnɩŋ nyʋa bubugi, dɩ ma nɛ nyʋa sɩnɩŋ bubugi, ŋɩɩ jaŋ cheima. Ama má leŋ dɩ Wɩa Dɩŋ-zɔmʋŋ hɛ ma lɛ a tɩtɩŋ.

Jɔɔŋ Wʋnaalaa 1:10

La Tɩɩna Wɩa tapʋlɩɩ kʋbala nɛ Wɩa Dɩŋ-zɔmʋŋ doluŋ kʋ hɛ mɩ lɛ woruŋ. Ŋɩɩ nɛ mɩ nɩɩ nʋʋ yikori-bal mɩ harɩŋ a nagɛ ba sɩɩ ŋmʋʋ banyilliŋ ŋɩɩ.