Luuk 1:32 - WƖA TENIŊ

³² Ʋ jaŋ ŋaa nɩbal. Ba jaŋ kɛnʋ yɩrɛ Wɩɩ-balɩŋ Bie. Wɩa jaŋ ŋaa dɩ ʋ dii kuoruŋ arɩ ʋ naabalɩma Devit fa sɩ dii kuoruŋ ŋɩɩ.

Luuk 1:32 ပူးပေါင်းရင်းမြစ်များ

2 SAMƲƐL 7:16

Ŋ doho nɩaa nɛ jaŋ didii kuoruŋ a kaa mʋ wuu.”

WƖA YƖƖLAA 132:11

La Tɩɩna, ŋ fa ŋmɩɛsa a pɩ Devit nɛ, ŋ bɩ jaŋ vɩa nii-la ta, ŋ sɩ, “Mɩ-na ma Tɩɩna jaŋ leŋ dɩ ŋ doho nɩaa nɛ didii kuoruŋ.

WƖA YƖƖLAA 132:12

Dɩ ŋ biiriŋ nɛ to nii-la sɩ hɛ la pɛgɛ, a kɛŋ wɩalɩŋ mɩ sɩ dagɛba a tɩtɩŋ, ŋɩɩ-na ba biiriŋ ma jaŋ didii kuoruŋ a kaa mʋ wuu.”

AZAAYA 16:5

Devit doho nɩaa dɔŋɔ jaŋ dii kuoruŋ a cho nɩaa woruŋ, ʋ jaŋ kɛŋ wʋtɩtɩɩ beŋ ʋ nɩaa. Ʋ jaŋ dii ʋ nɩaa sarɩya arɩ tʋɔpʋla, a chɩchɛ dɩ wʋtɩtɩɩ chɩŋ.

JƐRƖMAAYA 17:25

ŋɩɩ-na kuorusu-la sɩ jaŋ hɔŋ Devit kuoru kpasa nyuŋ arɩ ba tɩntɩnnɩ-hɩasɩŋ jaŋ to boi-baalaa deemba kʋ jʋʋ tabal-la. Ba dɩ ba tɩntɩnnɩ-hɩasɩŋ jaŋ jɩl janɩŋ arɩ janɩŋ torukoba a kʋ jʋʋ. Juda nɩaa arɩ nɩalɩŋ sɩ hɛ Jerusalɛm lɛ jaŋ hɔŋ tabalɩŋ deeŋ lɛ a kaa mʋ wuu.

JƐRƖMAAYA 22:2

‘Juda kuoro, jegile nɩɩ wɩɩ-la mɩ-na ma TƖƖNA sɩ bʋla. Ŋ nɛ nɩɩ-la sɩ hɔŋ Devit kuoru kpasa nyuŋ, ŋ dɩ ŋ tɩntɩnnɩ-hɩasɩŋ arɩ ŋ nɩaa sɩ yie kʋ to boi-baalaa deemba a jʋjʋʋ,

DANƖƐL 2:44

Kuoroo deemba kuoruŋ bʋa lɛ Wɩa sɩ hɛ ʋ jaŋ lɛ a bibeŋ kʋŋkala jaŋ bil kuoro ba sɩ bɩ jaŋ wuo giru, koo ba bɩ jaŋ laa a pɩ nɩa dɔsɛ. Ʋ jaŋ yuo dii kuorusu-la kala a leŋ dɩ ba kuoruŋ dɛrɛ, ama ʋ-na jaŋ hɛ nɩmɛ a kaa mʋ wuu.

Matiu 1:1

Yesu doho nɩaa nɛ ŋ-la. Ʋ naabalɩmaba nɛ fa ŋaa Abɩraham arɩ Devit.

Matiu 12:42

Ŋɩɩ nɛ Yesu bɩra bʋl, “Haal kʋbala nɛ fa hɛ nɩmɛ. Ʋ dii kuoruŋ tintee kʋbala lɛ baa yɩrɛ Sɩɩba. Ʋ sii lɩɩ ʋ jaŋ lɛ a mʋ dɩ-bolii dɩ ʋ jegile nɩɩ kuoro Solomoŋ wʋjɩmɩŋ. Sarɩya chɛ-diiliŋ, haal-la jaŋ sii a joŋ cheeriŋ a pɩ jɩnɩŋ nɩaa woruŋ. Mɩ jaŋ bʋla pɩma arɩ nʋʋ nɛ hɛ ma tʋɔŋ, ʋ yʋga kɩɩ Solomoŋ, ka ma bɩ sɛɩ dɩ ma jegile nɩɩ ʋ wɩaa.”

Matiu 28:18

Yesu kʋ kpagɛba a bʋla pɩba, “Wɩa joŋ doluŋ kala a pɩmɛ nɛ Wɩa-jaŋ arɩ dʋnɩa kala lɛ.

Matiu 3:11

Mɩ-na foma Wɩɩchʋɔlɛ lɩɩŋ a dagɛ arɩ ma bɩrɩma lɩɩ ma wʋbɔŋŋɔɔ lɛ nɛ, ama nɩɩ-la sɩ jaŋ to mɩ harɩŋ kɔ, ʋ nɛ jaŋ joŋ Wɩa Dɩŋ-zɔmʋŋ hɛ ma dɔnsʋŋ lɛ aŋ joŋ nyiniŋ hɛ dɔnsʋŋ ma lɛ. Ʋ nɛ faasa kɛŋ doluŋ kɩɩmɛ. Ʋ paala bɩ maga dɩ mɩ kori ʋ nɛntɛŋŋɛɛ ma.

Maak 14:61

Ŋɩɩ nɛ Yesu tɔrɛ ʋ niiŋ. Ʋ bɩ wɩɩkala bʋla. Ŋɩɩ nɛ baal-la bɩra pɩɛsʋ, “Ŋ nɛ ŋaa Kirisito, Nɩɩ-la Wɩa sɩ lɩɩsa? Ŋ nɛ Wɩa Biee?”

Maak 5:7

aŋ faasa ŋaa goŋ a bʋl, “Yesu, Wɩa sɩ kɩɩ kʋŋkala Bie, bɛɛ nɛ ŋ chɛ dɩ ŋ ŋaa mɩ lɛ? Mɩ joŋ Wɩa chʋŋʋŋ, sɩ́ mɩ dɔgɩsʋ.”

Luuk 1:15

Ʋ jaŋ ŋaa nɩbal La Tɩɩna teeŋ. Ʋ bɩ jaŋ nyʋnyʋa sɩ-duo kala. Ba jaŋ lʋlʋ, dɩ Wɩa Dɩŋ-zɔmʋŋ hɛ ʋ lɛ woruŋ.

Luuk 1:35

Ŋɩɩ nɛ Wɩa tɩndaarʋ-la bʋla pʋ, “Wɩa Dɩŋ-zɔmʋŋ jaŋ kʋ hɛ ŋ lɛ. Ŋ jaŋ kɛŋ luoruŋ Wɩa doluŋ lɛ. Ŋɩɩ wɩaa bile jaŋ ŋaa tʋɔpʋl Tɩɩna. Ba kɛnʋ yɩyɩrɛ Wɩa Bie.

Luuk 1:76

Zɛkarɩya sɩ bʋl wɩaa deemba dɛrɛ, ʋ bʋl wɩaa a tɩgɛ ʋ bie ma lɛ, “Ŋ-na mɩ bii, ŋ jaŋ ŋaa Wɩɩ-balɩŋ wʋlaabʋllʋ. Ŋ jaŋ laa La Tɩɩna-la sɩ jaŋ kɔ sɩpaaŋ a wasɛ wombiiŋ bil ʋ lɛ.

Luuk 3:16

Ŋɩɩ nɛ Jɔɔŋ bʋla pɩba, “Mɩ dee. Lɩɩŋ dʋndʋŋa nɛ mɩ-na kaa foma. Ama nɩɩ-la sɩ jaŋ kɔ, ʋ nɛ jaŋ faasa kɛŋ doluŋ kɩɩmɛ. Mɩ paala bɩ maga dɩ mɩ kpagʋ a kɛŋ ʋ nɛntɛŋŋɛɛ ŋmɛsɩŋ ma kaa puri. Ʋ nɛ jaŋ joŋ Wɩa Dɩŋ-zɔmʋŋ hɛ ma dɔnsʋŋ lɛ aŋ joŋ nyiniŋ ma hɛ dɔnsʋŋ ma lɛ.

Luuk 6:35

Ama wɩalɩŋ mɩ sɩɩ chɛ dɩ ma ŋaa nɛ ŋ-la: Má cho ma dʋndɔŋŋɔɔ a ŋɩŋaa wʋzɔŋŋɔɔ ba lɛ, a joŋ kɩaa chɩmba aŋ sɩ́ gbɛrɛ dɩ ba timma. Dɩ ma nɛ ŋaa ŋɩɩ, Wɩa jaŋ leŋ dɩ ma ŋaa ʋ-na Wɩɩ-balɩŋ biiriŋ, dɩ ʋ joŋ kʋbalbal timma. Wɩa yie pɛ nɩbɔŋŋɔɔ arɩ nɩalɩŋ ma kala sɩ kɛŋ sɩɩŋ lɛ nɛ.

Jɔɔŋ 12:34

Ŋɩɩ nɛ nɩalɩŋ bʋl, “Ba dagɛla arɩ ba ŋmʋnsɛ Wɩa teniŋ tʋɔŋ a bʋl dɩ Kirisito, Nɩɩ-la Wɩa sɩ lɩɩsa bɩ jaŋ sʋʋ, dɩ ʋ jaŋ hɛ nɩmɛ deeŋ deeŋ. Ɛɛ nɛ saa ŋ bʋl dɩ ba jaŋ kɛŋ Nuhuobiine Bie a kpaasɛ daagɛsɛ nyuŋ? Kʋbɛɛ nɛ saa Nuhuobiine Bie deeŋ wɩaa ŋ sɩɩ bʋl?”

Jɔɔŋ 6:69

Lɛɛlɛ la laa dii a jɩŋ arɩ ŋ nɛ ŋaa Wɩa tʋɔpʋl Tɩɩna.”

Tɩntɩŋŋaa 16:17

Ʋ to la dɩ Pɔɔl harɩŋ a yie faasaa bʋl, “Nɩaa deemba Wɩa sɩ kɩɩ kʋŋkala tɩntɩnnaa nɛ. Ba bʋlaa pɩma ŋɩɩ ma sɩ jaŋ ŋaa dɩ Wɩa laama ta nɛ.”

Tɩntɩŋŋaa 2:30

Ʋ fa ŋaa Wɩa wʋlaabʋllʋ nɛ a wuo jɩŋ wɩalɩŋ Wɩa sɩ sɩ ʋ jaŋ ŋaa pʋ. Wɩa ŋmɩɛsa pʋʋ nɛ arɩ ʋ jaŋ leŋ dɩ ʋ-na Devit doho nɩaa dɔŋɔ dii kuoruŋ ʋ nyuŋ lɛ.

Tɩntɩŋŋaa 2:36

Ma Iziral tɩŋŋaa, ma jɩŋ ʋ sɛnɛ ŋaa wʋtɩtɩɩ arɩ Yesu deeŋ ma sɩ kaa kpaasɛ daagɛsɛ nyuŋ, ʋ nɛ Wɩa leŋ ʋ ŋaa La Tɩɩna. Ʋ nɛ bɩra Kirisito ma.”

Tɩntɩŋŋaa 7:48

Ka Wɩa sɩ kɩɩ kʋŋkala, bɩ dɩɩsɩ-la nuhuobiinee sɩ saa ka jʋʋ. Wɩa wʋlaabʋllaa dɔŋɔ nɛ fa sɩ,

Rom Tɩŋŋaa 1:4

Ama Wɩa chɩsʋ sʋʋŋ lɛ nɛ, ŋɩɩ dagɛ arɩ ʋ ŋaa Wɩa Bii nɛ, a kɛŋ doluŋ a kɛŋ Wɩa Dɩŋ-zɔmʋŋ sɩ kɛŋ tʋɔpʋla ma.

Jɔɔŋ Wʋnaalaa 3:7

Ŋmʋnsɛ wɩaa deemba pɩ Wɩa tɩndaarɩ-la sɩɩ beŋ nɩalɩŋ sɩ laa Yesu wɩaa dii aa hilimi Fɩladɛlɩfɩa lɛ. Mɩ-na Nɩɩ-la sɩ ŋaa tʋɔpʋl Tɩɩna arɩ Nɩtɩtɩɩ nɩɩ bʋl wɩaa deemba. Mɩ nɛ kori Devit taŋ-la boribiiŋ, dɩ mɩ nɛ suro, nʋʋkala bɩ wuo kaa tɔ, dɩ mɩ nɛ bɩra kaa tɔ ma, nʋʋkala bɩ wuo suri.