Luuk 1:3 - WƖA TENIŊ

³ Mɩ kʋhɩaŋ, mɩ pɩa na wɩaa deemba kala nɛ woruŋ, a lɩɩ ba dɩ-suomuŋ. Mɩ na dɩ ʋ ŋaa wʋzɔŋ nɛ dɩ mɩ ŋmʋnsɛ wɩalɩŋ kala sɩ vɛŋ ŋɩɩ a pɩŋ.

Luuk 1:3 ပူးပေါင်းရင်းမြစ်များ

WƖA YƖƖLAA 40:5

Mɩ Tɩɩna Wɩa, ŋ ŋaa wʋkpuŋkperisiŋ yʋgɛ nɛ. Wɩalɩŋ ŋ ha sɩɩ bɩɩnʋ dɩ ŋ ŋaa pɩla, nʋʋ bɩ jaŋ wuo dɩɩsɛba. Dɩ mɩ nɩɩ chɛ mɩ dagɛba pɩ nɩaa, ba jaŋ yʋga kɩɩ dɩɩsɩŋ.

WƖA YƖƖLAA 50:21

Ma ŋaa wɩaa deemba kala nɛ, ka mɩ tɔrɛ mɩ niiŋ. Ma bɩɩna arɩ mɩ ma nagɛma nɛ. Ama mɩ jaŋ bʋl ma wɩaa lɛɛlɛ a tɔɔ ma sɩɩŋ lɛ.

NAMAGABA 22:21

dɩ ŋ wuo jɩŋ wʋtɩtɩɩ sɩ nagɛ ŋɩɩ, dɩ ŋɩɩ leŋ dɩ ŋ wuo bʋl wʋtɩtɩɩ a pɩ nɩɩ-la sɩ tɩmɩŋ.

TƖƖCHA 12:9

Nɩɩ-la sɩɩ dagɛ nɩaa fa kɛŋ wʋjɩmɩŋ nɛ woruŋ, a joŋ wɩalɩŋ ʋ sɩ jɩma a dagɛ nɩaa. Ʋ chaasa hɔnɔ bɩɩnɛ wɩaa nɛ aŋ magɛ namagaba ba lɩɩ aŋ ka pɩ dɔŋɔ.

Luuk 1:1

Mɩ-na Luuk nɛ ŋmʋnsɛ teniŋ deeŋ a pɩpɩ ŋ-na mɩ nandɔŋɔ Tɩafɩlos. Nɩaa yʋga a hɛ doluŋ a ŋmʋnsɛ wɩalɩŋ kala sɩ ŋaa la sɩɩŋ lɛ.

Tɩntɩŋŋaa 1:1

Mɩ nandɔŋɔ Tɩafɩlos, mɩ-na Luuk laa sɩpaaŋ ŋmʋnsɛ teniŋ a pɩŋ nɛ. Teŋ-la lɛ mɩ dagɛ wɩalɩŋ kala Yesu sɩ ŋaa arɩ wɩalɩŋ kala ʋ sɩ daga, bʋa-la lɛ ʋ sɩ suomo tɩtɩŋ ʋ tɩntɩŋŋaa

Tɩntɩŋŋaa 11:4

Ŋɩɩ nɛ Pɩɩta suomo bʋbʋl wɩɩ-la kala sɩ paala chaasa ŋaa.

Tɩntɩŋŋaa 15:19

Ŋɩɩ nɛ Jeems bʋl, “Wɩɩ-la mɩ-na sɩ bɩɩna nɛ, ʋ bɩ maga dɩ la walɩmɛ nɩalɩŋ sɩ bɩ Juu tɩŋŋaa ŋaa aŋ bɩrɩma tuto Wɩa.

Tɩntɩŋŋaa 15:25

Ŋɩɩ wɩaa la hilime nɛ a vʋʋra sɛɩ a lɩɩsɛ nɩaa a tɩmba ma teeŋ, ba dɩ la nandɔnsʋŋ Banabas arɩ Pɔɔl nɛ jaŋ kɔ.

Tɩntɩŋŋaa 15:28

La na dɩ ʋ zɔmɔ a pɩ la dɩ Wɩa Dɩŋ-zɔmʋŋ kala nɛ arɩ la bɩ jaŋ joŋ chʋgʋ yuŋii kala chʋmma. Ama ʋ maga dɩ ma to kɩsɩnɩŋ deemba la sɩɩ dagɛma nɛ. Ba nɛ ŋ-la:

Tɩntɩŋŋaa 18:23

Ʋ hɔŋ nɩmɛ a dieni mʋa a bɩra sii, a to Galiisia arɩ Firijia tinteeŋ, a bʋl wɩaa pɩpɩ nɩalɩŋ sɩ laa Yesu wɩaa dii nɩmɛ dɩ ba wasa chɩŋ ŋɩɩ ba sɩ laa Wɩa dii naaŋ lɛ.

Tɩntɩŋŋaa 23:26

“Mɩ-na Kɩlaadɩa Lisias nɛ ŋmʋnsɛ teniŋ deeŋ a pɩpɩ mɩ nyɩmma Fɛlɩs sɩ chɩŋ kuoru-balɩŋ nyuŋ. Mɩɩ chʋɔlʋŋ woruŋ.

Tɩntɩŋŋaa 24:3

Bʋa na-kala la tinteeŋ kala lɛ la tʋɔŋ tɔrɔ woruŋ wɩaa deemba lɛ. La saa lɔllʋŋ kɩŋkɛŋ.

Tɩntɩŋŋaa 26:25

Ŋɩɩ nɛ Pɔɔl bʋl, “Mɩ bɩ nyaasɛ mɩ nyɩna. Wʋtɩtɩɩ nɛ mɩɩ bʋl. Mɩ sɩaa kala nɛ fɩɛla.

1 Kɔrɩntɩ Nɩaa 16:12

Ma jɩŋ la naambie ba sɩɩ yɩrɛ Apɔlɔs nɛ. Mɩ bʋla pʋ woruŋ arɩ ʋ dɩ la naambiiri-la kʋ nama. Ama ʋ bɩ ʋ tɩtɩa kaa hɛ dɔŋɔ dɩ ʋ kɔ lɛɛlɛ. Ama dɩ ʋ na wombiiŋ, ʋ jaŋ kɔ.

1 Kɔrɩntɩ Nɩaa 7:40

Dɩ ʋ nɛ bɩ bala jaa, ʋ jaŋ na tʋɔtɔrʋŋ. Mɩ tʋɔbɩɩnaa nɛ ŋɩɩ. Mɩ bʋl wɩɩŋ deeŋ, bɛɛ wɩaa ma jɩma arɩ Wɩa Dɩŋ-zɔmʋŋ hɛ mɩ lɛ nɛ.

1 Timoti 4:6

Dɩ ŋ nɛ joŋ wɩaa deemba a dagɛ ŋ dɔnsʋŋ tɩŋŋaa sɩ laa Yesu wɩaa dii, ŋ jaŋ ŋaa Kirisito Yesu tɩntɩnnɩ-zɔŋ. Ŋɩɩ jaŋ dagɛ arɩ ŋ waa nɛ wʋtɩtɩɩ-la la sɩ laa dii lɛ, arɩ wʋzɔmɔ-la la sɩ dagɩŋ ŋ to lɛ.