Luuk 1:17 - WƖA TENIŊ

¹⁷ Ʋ jaŋ ŋaa Wɩa tɩntɩnnʋ a kɛŋ doluŋ arɩ Ɩlaaja fa sɩ kɛŋ doluŋ ŋɩɩ. (Ɩlaaja fa ŋaa Wɩa wʋlaabʋllʋ nɛ.) Ʋ jaŋ ŋaa dɩ biiriŋ arɩ ba nyɩmmaba kala mɩɩra sɩŋ. Ʋ jaŋ ŋaa dɩ nɩalɩŋ sɩ bɩ Wɩa niiŋ wɩaa ka to, dɩ ba bɩrɩmɛ a to tʋɔpʋl tɩŋŋaa wombiiŋ a leŋ dɩ nɩaa ŋaa siri a gbɛrɛ ba Tɩɩna.”

Luuk 1:17 ပူးပေါင်းရင်းမြစ်များ

1 KUOROO 17:1

Wɩa wʋlaabʋllʋ kʋbala nɛ fa hɛ nɩmɛ baa yɩrɛ Ɩlaaja, a lɩɩ taŋ-la ba sɩɩ yɩrɛ Tɩsɩbɩ sɩ hɛ Gɩlɩad tinteeŋ lɛ. Ʋ fa bʋla pɩ kuoro Ahab, “La TƖƖNA Iziral tɩŋŋaa Wɩa sɩ weye wɩaa, nɩɩ-la mɩ sɩ tɩma pɩpa, jɩsɩŋ baŋmɛnɛ lɛ, nyalɩŋ bɩ jaŋ nyal koo dɩ duonuŋ nɩɩ, see dɩ mɩ pa wombiiŋ.”

1 KUOROO 18:18

Ɩlaaja bʋl, “Mɩ bɩ wɩɩkala hɛ Iziral tinteeŋ lɛ. Ŋ dɩ ŋ nyɩmma dɩa nɩaa nɛ hɛ wɩaa. Ma nɛ vɩa wɩalɩŋ La TƖƖNA sɩ daga aŋ mʋ tuto vene-la ba sɩɩ yɩrɛ Baal.

1 KUOROO 21:20

Ahab na Ɩlaaja a bʋl, “Mɩ nɛ ŋ kɛŋ ŋ-la mɩ dʋndɔŋ.” Ɩlaaja bʋl, “Oo mɩ kɛnɩŋ nɛ, a tɩŋ ŋ sɩ ŋaa wʋbɔmɔ-la La TƖƖNA sɩɩŋ lɛ.

2 KUOROO 1:16

Ɩlaaja sɩ kɔ, ʋ bʋla pɩ kuoro, “La TƖƖNA sɩ, bɛɛ nɛ tɩɩ ŋ tɩŋ nɩaa dɩ ba mʋ Ɛkʋrɔŋ tɩŋŋaa vene Baal Zebub teeŋ a chɛ na wɩaa? Ŋ bɩɩna Wɩa tuo Iziral lɛ nɛ koo? A tɩŋ ŋ sɩ ŋaa ŋɩɩ wɩaa, ŋ bɩ jaŋ duori. Ŋ jaŋ sʋʋ.”

1 IZIRAL TƖŊŊAA NAABARƖŊ 29:18

La TƖƖNA sɩ ŋaa la naabalɩma Abɩraham, Aɩzɩk, arɩ Jekɔb ba Wɩa, leŋ dɩ ŋ nɩaa kɛŋ tʋɔŋ deeŋ doho, a kɛŋ wʋtɩtɩɩ arɩŋ a kaa mʋ wuu.

2 IZIRAL TƖŊŊAA NAABARƖŊ 29:36

Kuoro Hezikaaya arɩ nɩalɩŋ kala tʋɔŋ tɔrɛ a tɩŋ Wɩa sɩ pɛ ba lɛ ba ŋaa wɩaa deemba kala lɩma.

WƖA YƖƖLAA 10:17

Ŋ nɩɩ nɩalɩŋ sɩɩ na hɛɛŋ nii-ŋmobo nɛ, a ŋaa wɩɩ-la ba sɩɩ chɛ a leŋ ba nyuŋ nyaasɛ.

WƖA YƖƖLAA 111:10

Ŋ sɩɩ fá La Tɩɩna nɛ ŋaa wʋjɩmɩŋ dɩ-suomuŋ. Nɩɩ-la kala sɩ to wɩalɩŋ ʋ sɩ daga jɩŋ wɩaa sɩaa nɛ woruŋ. Nɩaa maga dɩ ba dɛnnʋ nɛ a kaa mʋ wuu.

WƖA YƖƖLAA 78:8

Dɩ ba sɩ́ ba naabalɩmaba-la sɩ kɛŋ nyuduoŋ a vɩa Wɩa niiŋ ŋɩɩ nagʋ. Ba ŋaa nɩa fa sɩ bɩ ba tʋɔŋ pʋlla pɩ Wɩa nɛ, a bɩ ʋ laa dii.

AZAAYA 29:24

Nɩyaaraa jaŋ gʋnnɛ wʋjɩmɩŋ, dɩ nɩalɩŋ ma sɩ cho wɩaa gʋrʋmʋŋ sɛɩ dɩ ba dagɛba.”

AMƆS 4:12

Ŋɩɩ wɩaa, mɩɩ chɛ dɩ mɩ dii ma sarɩya nɛ Iziral tɩmma. Má ŋaa siri a cheŋ mɩ-na ma Wɩa.

Matiu 11:14

Dɩ ma nɛ jaŋ sɛɩ wɩalɩŋ ba sɩ bʋla, Jɔɔŋ nɛ ŋaa Ɩlaaja, nɩɩ-la wɩaa ba fa sɩ bʋla arɩ ʋ jaŋ kɔ.

Matiu 14:4

Ŋɩɩ nɛ Jɔɔŋ bʋla pɩ Hɛrɔd, “Ŋ sɩ kɛŋ ŋ ŋaana haala laa jaa ŋɩɩ, ʋ bɩ wombiiŋ ŋaa.”

Matiu 3:3

Wɩa wʋlaabʋlla Azaaya fa bʋl ʋ wɩaa nɛ. Ʋ fa sɩ, “Nʋʋ nɛ chɩŋ tintee-hɩlɩŋ lɛ a heelee bʋl, ‘Má wasɛ wombiiŋ bil La Tɩɩna lɛ. Má pori wombii-la dɩ ʋ tʋʋlɛ.’ ”

Matiu 3:4

Jɔɔŋ gɛnnɩŋ fa ŋaa bʋntaŋŋa pʋnaa nɛ ba kaa sʋa, ʋ kɛŋ tembiiŋ vɔɔ ʋ tɩŋa. Ʋ kʋdiilee nɛ fa nyaŋgɩrɩgɛba arɩ tʋʋŋ.

Luuk 1:16

Ʋ jaŋ ŋaa dɩ Iziral tɩŋŋaa yʋgɛ a bɩrɩma to ba Tɩɩna Wɩa.

Luuk 1:76

Zɛkarɩya sɩ bʋl wɩaa deemba dɛrɛ, ʋ bʋl wɩaa a tɩgɛ ʋ bie ma lɛ, “Ŋ-na mɩ bii, ŋ jaŋ ŋaa Wɩɩ-balɩŋ wʋlaabʋllʋ. Ŋ jaŋ laa La Tɩɩna-la sɩ jaŋ kɔ sɩpaaŋ a wasɛ wombiiŋ bil ʋ lɛ.

Jɔɔŋ 1:13

Nɩaa deemba bɩ naga baala sɩ jɩŋ ʋ haala ba lʋl biiriŋ ŋɩɩ nɛ. Wɩa tɩtɩa nɛ ŋaa ba Nyɩmma.

Jɔɔŋ 1:34

Ŋɩɩ nɛ Jɔɔŋ bɩra bʋl, “Mɩ sɛnɛ naʋ nɛ, a bʋlaa pɩma arɩ ʋ nɛ ŋaa Wɩa Bie.”

Jɔɔŋ 3:28

Ma tɩtɩa hɛ nɩmɛ nɛ, ka mɩ bʋl arɩ mɩ dee bɩ Kirisito ŋaa, nɩɩ-la Wɩa sɩ lɩɩsa, ama Wɩa ta tɩmmɛ nɛ dɩ mɩ laa ʋ sɩpaaŋ.

Tɩntɩŋŋaa 10:33

Kɔnɩɩlɩas bɩra bʋl, “Ŋɩɩ nɛ tɩɩ mɩ guu tɩŋ nɩaa, ba kɔ ŋ teeŋ dɩ ba yɩrɩŋ. Ŋ ma hɛ doluŋ ŋ sɩ kɔ ŋ-la. Lɛɛlɛ la kala hilime nɛ Wɩa sɩpaaŋ, a gbɩgbɛrɛ dɩ la nɩɩ wɩɩ-la La Tɩɩna sɩ dagɩŋ dɩ ŋ bʋla pɩla.”

Rom Tɩŋŋaa 9:23

Ʋ ŋaa ŋɩɩ dɩ ʋ kɛŋ ʋ tʋla-la sɩ yʋga a dagɛ nɩalɩŋ nenige ʋ sɩ fá nɛ, nɩalɩŋ ʋ sɩ laa sɩpaaŋ lɩɩsɛ dɩ ba na ʋ tʋla-la.

Koloosi Nɩaa 1:12

a lɔllɛ Wɩa arɩ ʋ sɩ leŋe ma ma maachie jaŋ wuo pɛ dii kɩalɩŋ ʋ sɩ ŋaa bil ʋ nɩaa lɛ Wɩa kuorii-la tʋɔŋ.

2 Timoti 2:21

Ŋɩɩ wɩaa dɩ nʋʋ nɛ lɩɩsɛ ʋ tɩtɩa wʋbɔŋŋɔɔ lɛ, ʋ jaŋ nagɛ gbansɩ-la ba sɩ kaa didii kɩaa chɛ-zɔŋŋɔɔ. Nɩɩ-la sɩ nagɛ ŋɩɩ ŋaa tʋɔpʋl tɩɩna nɛ ʋ kʋhɩaŋ teeŋ. Nɩɩ-la jaŋ wuo pɛ ʋ kʋhɩaŋ lɛ woruŋ. Ʋ kʋhɩaŋ jaŋ leŋ dɩ ʋ tɩtɩŋ tɩntɩŋ zɔŋ na-kala.

1 Pɩɩta 2:9

Ama Wɩa lɩɩsɛma nɛ dɩ ma ŋaa ʋ nɩaa, a laa nɩaa nyuŋ a tɩma pɩpɩ ma Kuoro. Ma ŋaa nɩa sɩ bɩ disiniŋ kɛnɛ nɛ. Wɩa tɩtɩa nɛ tɩɩma. Ʋ yɩrɛma dɩ ma wuo bʋl wʋkpuŋkperisi-la kala ʋ sɩ ŋaa a pɩ nɩaa arɩ ŋɩɩ ʋ sɩ lɩɩsɛma birimiŋ tʋɔŋ a kaa kʋ jʋʋ ʋ pʋlʋŋ-jalɩɩ-la tʋɔŋ.

1 Jɔɔŋ 2:28

Mɩ biiri, dɩ ma nɩɩ to Kirisito ŋɩɩ a kaa mʋ, la jaŋ kɛŋ bɔɩ-duoŋ chɛɛ-la ʋ sɩ jaŋ mɩɩra kɔ. Hɩɩsɩŋ bɩ jaŋ kɛnla dɩ la faa.

Jɔɔŋ Wʋnaalaa 20:4

Ŋɩɩ nɛ mɩ na kuoru kpasɩnɩŋ dɩ nɩaa hɔŋ ba nyuŋ. Nɩaa deemba nɛ Wɩa pa doluŋ dɩ ba dii dʋnɩa nɩaa sarɩya. Ŋɩɩ nɛ aŋ ka mɩ na nɩaa dɩnsɩŋ. Nɩaa deemba nɛ faa bʋl wʋtɩtɩɩ-la Yesu fa sɩ daga a pɩ nɩaa, aŋ pɛɛ bʋl Wɩa niiŋ wɩaa. Ŋɩɩ nɛ ba kpʋba a keri ba nyusuŋ. Nɩaa deemba-na fa bɩ baga kʋ-la ka chʋɔlɛ, ba bɩ kʋ-la ba sɩ mɛ ʋ nagʋ ma chʋɔlɛ. Ba bɩ baga kʋ-la magɩlɩŋ kɛnɛ ba tilliŋ lɛ koo ba nɩsaa lɛ. Nɩaa deemba sii sʋʋŋ lɛ, ba dɩ Kirisito dii kuoruŋ a beŋ dʋnɩa nɩaa jɩsɩŋ bʋɩ.

1 SAMƲƐL 7:5

Ŋɩɩ nɛ Samʋɛl bɩra bʋl, “Má leŋ dɩ Iziral tɩŋŋaa kala kʋ hilimi lee-la ba sɩɩ yɩrɛ Mɩzɩpa, dɩ mɩ sʋl La TƖƖNA pɩma.”