Luuk 1:10 - WƖA TENIŊ

¹⁰ Ʋ sɩ jʋʋ ŋɩɩ, bʋa-la yi dɩ ʋ nyɩgɛ kʋsʋɔrʋsʋŋ, ka nɩ-daŋ-la kala hɛ Wɩa dɩɩ-bal-la kaala lɛ a chʋchʋɔlɛ Wɩa.

Luuk 1:10 ပူးပေါင်းရင်းမြစ်များ

WƖA YƖƖLAA 141:2

Leŋ dɩ mɩ Wɩɩsʋlʋŋ nagɛ kʋsʋɔrʋsʋŋ sʋara sɩ sɩma, leŋ dɩ mɩ nɩsaa mɩ sɩ kaa je ŋ teeŋ aa chʋɔlʋŋ ma nagɛ ba sɩ kpʋ pʋsʋŋ a sʋl Wɩɩsʋlʋŋ pɩpɩŋ dɩdaanɩŋ.

ƐZƖKƖƐL 46:3

Chɛ-wiesii na-kala arɩ chɛŋ-falɩŋ gbiele na-kala lɛ, tintee-la nɩaa maga dɩ ba kɔ mɩ-na ma TƖƖNA sɩpaaŋ boi-baal-la niiŋ nɛ a chʋɔlɛmɛ.

LEVI DOHO NƖAA 16:17

Nʋʋkala bɩ maga dɩ ʋ hɛ lɛbɩ-la mɩ sɩ yie kɔ Iziral tɩŋŋaa teeŋ tʋɔŋ bʋa-la lɛ Arɔŋ sɩ jʋʋ Wɩa dɩ-zɔŋ-la sɩpaaŋ, lee-la zɔmʋŋ sɩ bɩ magɩa kɛnɛ dɩ ʋ pɩɩsɛ ʋ disiniŋ ta, see dɩ ʋ pɩɩsɛ ʋ tɩtɩa arɩ ʋ dɩa nɩaa arɩ Iziral tɩŋŋaa kala disiniŋ ta a dɛrɛ.

NAMBABA 7:50

a pɛ sɛlɩmɛ gbaŋa yuŋuŋ sɩ bɩ kilo kpaa magɛ dɔŋɔ yie lɛ, ʋ hɛ kʋsʋɔrʋsʋŋ a su,

Hiburu TƖŊŊAA 4:14

Yesu nɛ ŋaa Wɩa Bie a bɩra ŋaa nɩalɩŋ sɩ tɩma pɩpɩ Wɩa nɩaa nyuŋ kʋhɩaŋ. Ʋ sɩ tɩŋ ʋ tɩntɩŋŋaa dɛrɛ, ʋ jɩl wɩa-nyuŋ a mʋ Wɩa teeŋ, ŋɩɩ wɩaa, má leŋ dɩ la kɛŋ wɩalɩŋ la sɩ laa dii woruŋ.

Hiburu TƖŊŊAA 9:24

Ʋ bɩ naga Kirisito jʋʋ lɛbɩ-la nuhuobiinee sɩ ŋaa nɛ. Nɩalɩŋ fa sɩ ŋaa lɛbɩ-la, ka chesi Wɩa dɩ-zɔŋ-la nɛ. Ama Kirisito jʋʋ Wɩa-jaŋ tɩtɩa nɛ, dɩ ʋ chɩŋ la nyuŋ Wɩa sɩpaaŋ.

Jɔɔŋ Wʋnaalaa 8:3

Wɩa tɩndaara dɔŋɔ ma kʋ chɩŋ Wɩɩsʋlʋŋ koruŋ sɛmɛ a kori sɛlɩmɛ kʋ-la lɛ ba sɩ yie joŋ kʋsʋɔrʋsʋŋ hɛ, a nyɩga pɩ Wɩa. Ŋɩɩ nɛ ba pʋ kʋsʋɔrʋ-zɔŋŋɔɔ yʋgɛ, dɩ ʋ nyɩga pɩ Wɩa a pɛ Wɩa nɩaa Wɩɩ-chʋɔlʋŋ lɛ. Ʋ jaŋ nyɩgɛba sɛlɩmɛ koru-la nyuŋ, kʋ-la sɩ chɩŋ kuoru kpasa-la sɩpaaŋ.