Juud 1:9 - WƖA TENIŊ

⁹ Ama bʋa-la lɛ Wɩa tɩndaaraa kʋhɩaŋ ba sɩɩ yɩrɛ Maakɩl, arɩ Sɩtaanɩ fa sɩ kɛŋ Mosis kʋsʋʋŋ wɩaa yuyuo dɔŋɔ, Maakɩl bɩ wɩɩkala bʋla chei Sɩtaanɩ tʋɔŋ, ama ʋ ta bʋl nɛ arɩ La Tɩɩna Wɩa jaŋ dɔgɩsʋ.

Juud 1:9 ပူးပေါင်းရင်းမြစ်များ

ZƐKARƖYA 3:2

La TƖƖNA tɩndaarʋ-la bʋla pɩ Sɩtaanɩ, “La TƖƖNA jaŋ kpɩa ŋ lɛ Sɩtaanɩ. La TƖƖNA sɩ lɩɩsɛ Jerusalɛm jaŋ kpɩa ŋ lɛ. Baala deeŋ nagɛ daaŋ fa sɩ hɛ nyiniŋ lɛ ba kaa lɩɩsɛ nɛ.”

2 Pɩɩta 2:11

Wɩa tɩndaara-la nɛ kɛŋ doluŋ a kɩɩ wʋnyɩɛrɩ kerichi deemba. Ama Wɩa tɩndaara-la bɩ ba ka tʋʋsɛ, a bɩ cheeriŋ ma joŋo pɩ nɩaa deemba Wɩa sɩpaaŋ.

Jɔɔŋ Wʋnaalaa 12:7

Bʋa deeŋ lɛ laalɩŋ sii Wɩa-jaŋ lɛ. Wɩa tɩndaarɩ-hɩaŋ ba sɩɩ yɩrɛ Maakɩl arɩ tɩndaaraa dɔnsʋŋ suomi a yuyuo dɩŋ-la. Ŋɩɩ nɛ dɩŋ-la arɩ ʋ harɩ-tooroo maa yuo.

DANƖƐL 12:1

Ŋɩɩ nɛ kʋ-la sɩ nagɛ nuhuobiine a laalɛ gɛrɩpɛ fʋfʋlʋŋ gɛrɩŋ bɩra bʋl, “Bʋa-la lɛ Wɩa tɩndaarɩ-hɩaŋ-la ba sɩɩ yɩrɛ Maakɩl, nɩɩ-la sɩɩ pɔ ŋ nɩaa jaŋ kʋ lɩɩ. Bʋa-la lɛ hɛɛŋ jaŋ hɛ nɩmɛ. Wɩa sɩ ŋaa dʋnɩa a kaa kɔ bʋa-la lɛ hɛɛ-la doho ha bɩ jʋa aŋ ka. Ama ŋ nɩalɩŋ kala yɩraa sɩ hɛ mɩɩsɩŋ teŋ-la tʋɔŋ, ba jaŋ laaba ta.

MOSIS BƖRA WULLI WƖA WOMBIIŊ 34:6

La TƖƖNA hugu Mʋab fuonaa-la lɛ nɛ a chaasɛ taŋ-la ba sɩɩ yɩrɛ Bɛf-Pio. Ama nʋʋkala bɩ ʋ vaamɩŋ leriŋ jɩŋ arɩ jɩnɩŋ kala.

DANƖƐL 10:21

Ama mɩ jaŋ laa sɩpaaŋ bʋl wɩɩ-la ba sɩ ŋmʋnsa hɛ Wʋtɩtɩɩ Teŋ-la lɛ. Nʋʋkala bɩ mɩ lɛ pɛ yuoba, see Wɩa tɩndaara Maakɩl. Ʋ nɩɩ pɔ ma Iziral tɩŋŋaa.

DANƖƐL 10:13

Ama Sɩtaanɩ tɩndaarʋ-la sɩɩ beŋ Pɛsɩa tinteeŋ tɔ mɩ wombiiŋ tapʋlaa mara arɩ kʋbala nɛ. Ŋɩɩ nɛ Maakɩl sɩ ŋaa Wɩa tɩndaaraa nɩhɩaŋ dɔŋɔ kʋ pɛ mɩ lɛ, a tɩŋ Sɩtaanɩ tɩndaarʋ-la sɩɩ beŋ Pɛsɩa tinteeŋ fa sɩ tɔ mɩ wombiiŋ wɩaa.

1 Pɩɩta 3:9

Má sɩ́ wʋbɔŋ joŋo tiŋ wʋbɔmʋŋ chɩmɩŋ. Dɩ nʋʋ nɛ tʋʋsɛma, má sɩ́ tʋʋsa tiŋ, ama má sʋl Wɩa dɩ ʋ pɛ tɩɩna lɛ, bɛɛ wɩaa Wɩa ma lɩɩsɛma nɛ dɩ ʋ pɛ ma lɛ.

1 Tɛsalonaaka Nɩaa 4:16

Bʋa kʋbala La Tɩɩna Yesu jaŋ lɩɩ Wɩa-jaŋ a kʋ tuu dʋnɩa. Bʋa-la lɛ nɩaa jaŋ nɩɩ dɩ ʋ faasa kpɩa goŋ. Wɩa tɩndaaraa kʋhɩaŋ ma jaŋ kpɩa, ka dɩ ba ŋmʋʋ Wɩa nyile-la ma. Nɩalɩŋ kala sɩ laa Kirisito wɩaa dii aŋ sʋʋ, ʋ jaŋ laa sɩpaaŋ chɩsɛba dɩ ba sii sʋʋŋ lɛ.

Maak 15:29

Ba sɩ kpaasʋ mɛrɛ daagɛsɛ nyuŋ ŋɩɩ, nɩalɩŋ sɩ to nɩmɛ bɩbal, ba tʋtʋʋsʋ aŋ kɛŋ ba nyuŋ chuchugisi a bʋl, “Oi, ŋ nɛ nɩɩ-la sɩ sɩ ŋ jaŋ ŋmoo la Wɩa dɩɩ-balɩŋ lo aŋ bɩra wuo saaʋ tapʋlaa batori pɛgɛ.

MOSIS KƐŊ IZIRAL TƖŊŊAA LƖƖ 22:28

Má pɔ dɩ ma sɩ́ wʋbɔŋŋɔɔ bʋl a mʋ tɩgɛ mɩ-na Wɩa lɛ a sɩ́ kalɩba hɛ ma kuoroo lɛ.

1 IZIRAL TƖŊŊAA NAABARƖŊ 12:17

Devit lɩɩ chemba a bʋla pɩba, “Dɩ fɩɛlɩŋ nɛ maa kɔ dɩ ma pɛ mɩ lɛ, ma naawʋ. Ama dɩ ma nɛ kɔ dɩ ma jommi yalla pɩ mɩ dʋndɔŋŋɔɔ, a leŋ dɩ la naabalɩmaba Wɩa dɔgɩsɛma, bɛɛ wɩaa mɩ bɩ wɩɩkala ŋaa chei.”