JOSUA 9:9 - WƖA TENIŊ

⁹ Ba bʋla pʋ, “Ŋ tɩntɩnnaa lɩɩ dɩ-bolii nɛ, la nɩɩ ma TƖƖNA Wɩa wɩaa nɛ a kɔ. La nɩɩ wɩalɩŋ kala ʋ fa sɩ ŋaa Ijipiti tinteeŋ lɛ nɛ,

JOSUA 9:9 ပူးပေါင်းရင်းမြစ်များ

1 KUOROO 8:41

Dɩ nʋhʋɔra-la ma sɩ bɩ ŋ nɩaa Iziral tɩŋŋaa kʋŋ ŋaa nɛ nɩɩ ŋ yɩrɩ-balɩŋ wɩaa, ŋ doluŋ wɩaa arɩ wʋduoru-la ŋ sɩ ŋaa wɩaa a lɩɩ tinteye-la sɩ bolie a kɔ dɩ ʋ dɛnnɩŋ, a joŋ ʋ sɩaa chaasɛ ŋ dɩɩ-balɩŋ deeŋ a sʋlʋŋ,

NƐHƖMAAYA 9:5

Ŋɩɩ nɛ Levi doho nɩaa deemba: Jesua, Kadɩmɩɛl, Banɩ, Hasabineya, Sɛrɛbɩa, Hodia, Sɛkanɩa arɩ Pɛtahɩa bʋla pɩ nɩalɩŋ, “Má sii chɩŋ a dɛnnɛ ma TƖƖNA Wɩa sɩ hɛ nɩmɛ a kaa mʋ deeŋ deeŋ. Má zil ʋ yɩrɩ-balɩŋ arɩ la sɩ bɩ jaŋ wuo zilu a magɛ ŋɩɩ sɩ maga ma kala.” Aŋ bɩra chʋɔlɛ Wɩa a bʋl,

WƖA YƖƖLAA 148:13

Kɩaa deemba kala, má dɛnnɛ La Tɩɩna. Ʋ dʋndʋŋa yɩrɩŋ nɛ maga dɩ ma yɩrɛ. Ʋ kɛŋ doluŋ a kɩɩ kʋŋkala sɩ hɛ tinteeŋ arɩ wɩa-nyuŋ.

WƖA YƖƖLAA 72:19

Má dɛnnɛ ʋ yɩrɩ-balɩŋ a kaa mʋ wuu, a leŋ dɩ ʋ tʋla su dʋnɩa kala. Amɩɩ, Amɩɩ.

WƖA YƖƖLAA 78:12

Wɩa fa ŋaa wʋmagɩlaa ba naabalɩmaba sɩɩŋ lɛ nɛ, Ijipiti tinteeŋ lee-la ba sɩɩ yɩrɛ Zʋaŋ.

WƖA YƖƖLAA 83:18

Leŋ dɩ ba jɩŋ arɩ ŋ dʋndʋŋa nɛ La Tɩɩna Wɩa sɩ kɩɩ kʋŋkala a hɛ nɩmɛ a bibeŋ dʋnɩa kala.

MOSIS KƐŊ IZIRAL TƖŊŊAA LƖƖ 15:14

Dɩ tinteyee dɔnsʋŋ nɩaa nɛ nɩɩ wɩɩŋ deeŋ, fawʋllʋŋ jaŋ jʋʋba dɩ ba chichel. Fawʋllʋŋ jaŋ jʋʋ Fɩlɩsɩtɩa tɩŋŋaa ma woruŋ.

MOSIS KƐŊ IZIRAL TƖŊŊAA LƖƖ 9:16

ama mɩ lemma nɛ, dɩ mɩ dagɛ mɩ doluŋ dɩ mɩ yɩrɩŋ yɩrɛ dʋnɩa sɛmɛ na-kala.

AZAAYA 55:5

Lɛɛlɛ tinteye-la nɩaa ma fa sɩ bɩ jɩŋ, ma jaŋ yɩrɛba hilimi. Tinteye-la nɩaa ma sɩ bɩ jɩŋ jaŋ jegile nɩɩ ma teeŋ, ba jaŋ fá a yʋasa kɔ ma teeŋ a tɩŋ yuŋ-la ma TƖƖNA Wɩa sɩ bɩ disiniŋ kɛnɛ sɩ joŋo pɩma wɩaa.”

AZAAYA 66:19

Mɩ jaŋ bil magɩlɩŋ ba tʋɔŋ. Mɩ jaŋ kɛŋ ba nɩalɩŋ dɔnsʋŋ sɩ jaŋ ka a mʋ tintee-wogusuŋ arɩ tinteye-la lɩɩŋ sɩ gollu chu a ha bɩ mɩ wɩaa arɩ mɩ yɩrɩŋ nɩa, a bɩ mɩ doluŋ ma na. Tinteye-la nɛ ŋ-la: Taasɩs, Libiya arɩ Lidiya tɩmma-la sɩ jɩŋ toŋ yuonuŋ, Giriisi arɩ Tubal nɩaa. Ba jaŋ leŋ dɩ tinteye-la jɩŋ mɩ doluŋ sɩ magɛ ŋɩɩ.

NAMBABA 14:15

Dɩ ŋ nɛ kpʋ ŋ nɩaa deemba kala bala, tinteye-la sɩ jaŋ nɩɩ wɩɩ-la jaŋ bʋl,

NAMBABA 20:14

Ŋɩɩ nɛ Mosis tɩŋ nɩaa Kadɛs lɛ, dɩ ba kɛŋ tɩndaarɩŋ deeŋ mʋ pɩ Ɛdɔm tinteeŋ kuoro. Ʋ sɩ, “Ŋ naambiiriŋ Iziral tɩŋŋaa nɛ tɩŋ tɩndaarɩŋ deeŋ aa pɩŋ. Ŋ jɩŋ hɛɛ-la kala sɩ jʋʋla nɛ.

Tɩntɩŋŋaa 8:7

Fɩlɩp sɩ bʋl wɩaa ŋɩɩ, jɩŋ-bɔŋŋɔɔ fa kɛŋ nɩaa a yʋgɛ, ba lemba. Dɩ ba nɛ lemba, ba yie lɩɩ a faasa yiyel. Nɩaa ma yʋga a gbɛrɩgɛ, dɔnsʋŋ kɛŋ naasʋʋnʋŋ arɩ na-sʋʋnʋŋ, ba ma kala duori.

MOSIS BƖRA WULLI WƖA WOMBIIŊ 20:11

Dɩ ba nɛ sɛyɛ arɩ ma wuoba nɛ, má bɩra sɩ́ ba yuo. Má kɛsɛ ba kala dɩ ba ŋaa ma yosi a tɩŋ yoŋ-tɩntɩŋŋaa a pɩpɩma.

MOSIS BƖRA WULLI WƖA WOMBIIŊ 20:15

Wɩɩ-la ma sɩ jaŋ joŋo ŋaa tasɩ-la sɩ bɩ ma kpaga lɛ nɛ ŋɩɩ. Tasɩ-la sɩ kpagɛma lɛ dee.

JOSUA 9:10

arɩ wɩalɩŋ kala ʋ sɩ ŋaa Amɔrɩ tɩŋŋaa kuorie-la balɩa sɩ hɛ Jɔdaŋ fuo-la wɩɩpɔsʋŋ dɩɩrɩŋ, Hɛsɩbɔŋ kuoro Sɩhɔŋ arɩ Basaŋ tinteeŋ kuoro Ɔgɩ, sɩ hɔŋ taŋ-la ba sɩɩ yɩrɛ Asɩtarɔf lɛ.

JOSUA 9:16

Ba dɩ Gibioŋ tɩmma-la fa sɩ hɛ niiŋ pɩ dɔŋɔ ŋɩɩ, ʋ tapʋlaa batori chɛɛŋ nɛ Iziral tɩŋŋaa nɩɩ arɩ nɩalɩŋ jʋʋ a kpɩkpagɛba nɛ.

JOSUA 9:17

Ŋɩɩ nɛ Iziral tɩŋŋaa ma sii vɛŋ tapʋlaa batori a mʋ na tasɩ-la nɩalɩŋ sɩ lɩa. Tasɩ-la nɛ ŋ-la: Gibioŋ, Kɛfɩra, Bɛɛrɔf arɩ Kɩrɩaf Jɩarɩm.

JOSUA 9:24

Ŋɩɩ nɛ ba bʋla pɩ Josua, “La ŋaa ŋɩɩ, bɛɛ wɩaa la nɩɩ ŋɩɩ ma TƖƖNA Wɩa sɩ bʋla pɩ ʋ tɩntɩnna Mosis arɩ ʋ jaŋ joŋ tintee-la kala a pɩma, aŋ kpʋ nɩalɩŋ kala sɩ hɛ tintee-la lɛ nɛ. Fawʋllʋŋ fa kɛnla nɛ, ŋɩɩ nɛ tɩɩ la tɩŋ la mɩɩsɩŋ wɩaa a ŋaa ŋɩɩ.