JOSUA 9:18 - WƖA TENIŊ

¹⁸ Ba kɛŋ La TƖƖNA Iziral tɩŋŋaa Wɩa yɩrɩŋ nɛ a kaa hɛ niiŋ a pɩ nɩalɩŋ arɩ ba bɩ jaŋ ŋaa ba wʋbɔŋ kala, ŋɩɩ wɩaa ba bɩ ba wɩɩkala ŋaa. Ŋɩɩ nɛ Iziral tɩmma-la kala gʋrɩmɛ wɩaa ba sɩpaalaaraa teeŋ.

JOSUA 9:18 ပူးပေါင်းရင်းမြစ်များ

2 SAMƲƐL 21:7

Kuoro Devit fa leŋ Sɔɔl nanʋala Jonataŋ bie Mɛfɩbɔsɛf-na nɛ, a tɩŋ nii-la ʋ dɩ Sɔɔl nanʋala Jonataŋ fa sɩ hɛ pɩ dɔŋɔ La TƖƖNA sɩpaaŋ wɩaa.

WƖA YƖƖLAA 15:4

Ba bɩ nɩalɩŋ sɩɩ bʋl wʋtɔɔnʋŋ wɩaa cho, ama baa zil nɩalɩŋ sɩɩ to La Tɩɩna nɛ. Dɩ ba nɛ hɛ niiŋ arɩ ba jaŋ ŋaa wɩɩ, ba yie ŋaa nɛ, wɩɩkala tuo sɩ jaŋ giriba.

TƖƖCHA 5:2

Sɩ́ leŋe dɩ ŋ niiŋ lɩŋ, sɩ́ pese hɛ niiŋ Wɩa teeŋ. Wɩa hɛ ʋ jaŋ lɛ nɛ, ka ŋ ma hɛ dʋnɩa lɛ, ŋɩɩ wɩaa sɩ́ wʋdaŋ bʋl.

TƖƖCHA 5:6

Sɩ́ leŋe dɩ ŋ niiŋ wʋbʋlaa kɛnɩŋ hɛ wʋbɔmʋŋ lɛ. Pʋpɔ ŋ sɩ́ bʋla pɩ Wɩa tɩntɩnna, “Nii-la mɩ sɩ ta, mɩ perige nɛ.” Sɩ́ leŋe dɩ ŋ wʋbʋlaa ŋaa dɩ Wɩa na baanɩŋ ŋ nyuŋ a chei ŋ tɩntɩŋŋaa.

TƖƖCHA 9:2

Sʋʋŋ nɛ la kala dɩdɛrɩŋ, tʋɔpʋl tɩŋŋaa arɩ nɩbɔŋŋɔɔ, wʋzɔŋ ŋaaraa arɩ wʋbɔŋ ŋaaraa, nɩalɩŋ sɩ bɩ disiniŋ kɛnɛ arɩ nɩalɩŋ sɩ kɛŋ disiniŋ, nɩalɩŋ sɩ kpʋ pʋsʋŋ a sʋsʋl Wɩa arɩ nɩalɩŋ sɩ bɩ ŋɩɩ ŋaa. Ŋɩɩ ʋ sɩ naga wʋzɔŋ ŋaara lɛ, ŋɩɩ nɛ ʋ nagɛ wʋbɔŋ ŋaara ma lɛ. Ŋɩɩ ʋ sɩ naga nɩalɩŋ sɩ ta niiŋ Wɩa teeŋ, ŋɩɩ nɛ ʋ nagɛ nɩalɩŋ ma sɩɩ fá fawʋllʋŋ a bɩ ta lɛ.

NAMBABA 30:3

Dɩ hantolibie nɛ ha hɛ ʋ nyɩmma dɩa lɛ aŋ hɛ niiŋ dɩ ʋ ŋaa wɩɩ pɩ La TƖƖNA, koo dɩ ʋ ŋmɩɛsa nɛ arɩ ʋ bɩ jaŋ ŋaa wɩɩ,

MOSIS BƖRA WULLI WƖA WOMBIIŊ 23:22

Dɩ ŋ nɛ paala bɩ niiŋ ta, ŋ bɩ wɩɩkala cheye.

MOSIS BƖRA WULLI WƖA WOMBIIŊ 23:23

Wɩɩkala ŋ sɩ suri ŋ niiŋ a bʋl La TƖƖNA teeŋ, ʋ maga dɩ ŋ ŋaa nɛ, bɛɛ wɩaa ŋ tʋɔtɔrʋŋ lɛ nɛ ŋ ta nii-la ŋ Tɩɩna Wɩa teeŋ.

MOSIS BƖRA WULLI WƖA WOMBIIŊ 23:24

Dɩ ŋ nɛ jʋʋ ŋ dɔŋɔ tɩɩna tɩɩnɛnɛɛ baga, ŋ jaŋ wuo dii a magɛ ŋɩɩ kala ŋ sɩɩ chɛ, ama ʋ bɩ maga dɩ ŋ tɔrɛ a hɛ ŋ lʋaga lɛ.

JOSUA 9:17

Ŋɩɩ nɛ Iziral tɩŋŋaa ma sii vɛŋ tapʋlaa batori a mʋ na tasɩ-la nɩalɩŋ sɩ lɩa. Tasɩ-la nɛ ŋ-la: Gibioŋ, Kɛfɩra, Bɛɛrɔf arɩ Kɩrɩaf Jɩarɩm.

JOSUA 9:19

Ŋɩɩ nɛ sɩpaalaara-la bʋla pɩ nɩalɩŋ, “La kɛŋ La TƖƖNA Iziral tɩŋŋaa Wɩa yɩrɩŋ nɛ a hɛ niiŋ pɩba, ŋɩɩ wɩaa la bɩ ba wɩɩkala wuo ŋaa.