JOSUA 9:14 - WƖA TENIŊ

¹⁴ Ŋɩɩ nɛ Iziral tɩŋŋaa bɩ La TƖƖNA pɩɛsa, aŋ laa nɩalɩŋ kʋdiilee mʋa mʋa a dii.

JOSUA 9:14 ပူးပေါင်းရင်းမြစ်များ

2 SAMƲƐL 2:1

Wɩalɩŋ kala harɩŋ lɛ nɛ, Devit pɩɛsɛ La TƖƖNA, “Mɩ jaŋ wuo mɩɩra mʋ Juda tasɩ-la dɔŋɔɔ?” Ŋɩɩ nɛ La TƖƖNA bʋla pʋ, “Mʋ.” Devit bɩra pɩɛsɛ, “Tabɛɛ nɛ maga mɩ mʋ?” La TƖƖNA bʋl, “Mʋ Hɛbʋrɔŋ.”

2 SAMƲƐL 5:19

Ŋɩɩ nɛ Devit pɩɛsɛ La TƖƖNA, “Mɩ mʋ yuo Fɩlɩsɩtɩa tɩmma-laa? Ŋ jaŋ jomba hɛ mɩ nɩsɩŋ lɛɛ?” La TƖƖNA bʋla pʋ, “Mʋ, mɩ jaŋ jomba hɛ ŋ nɩsɩŋ lɛ.”

ƐZƖRA 8:21

La sɩ hɛ Ahava lɩɩ-libe-la ba sɩ kpɛrɛ leriŋ, mɩ leŋ la vɔɔ niiŋ, dɩ la kɛŋ la tɩtɩa muuri la Wɩa sɩpaaŋ dɩ la dɩ la biiriŋ vɛŋ la wombiiŋ woruŋ arɩ la kɩaa kala.

MOSIS KƐŊ IZIRAL TƖŊŊAA LƖƖ 28:30

Joŋ kɩalɩŋ ba sɩɩ yɩrɛ Urim arɩ Tumim a hɛ bɔɩ-tɔɔrɩ gɛrɩ-la tʋɔŋ. Dɩ Arɔŋ nɛ laalʋ mʋ mɩ-na ma TƖƖNA sɩpaaŋ, dɩ kɩalɩŋ leŋ dɩ ʋ wuo dagɛ wɩalɩŋ Wɩa sɩɩ chɛ a pɩ Iziral tɩŋŋaa.

NAMBABA 27:21

Wɩɩsʋllɩ sɩpaalaara Elieza jaŋ to Urim arɩ Tumim lɛ aa dagɛ wɩɩ-la mɩ-na ma TƖƖNA sɩɩ chɛ a pɩpɩ Josua. Ŋ-la nɛ Josua jaŋ to a dagɛ Iziral tɩŋŋaa wɩalɩŋ mɩ-na ma TƖƖNA sɩɩ chɛ dɩ ba ŋɩŋaa.”

Jeems 1:5

Dɩ ma kʋŋkala nɛ bɩ wʋjɩmɩŋ kɛnɛ, ʋ sʋl Wɩa dɩ ʋ pʋ wʋjɩmɩŋ. Wɩa kɛŋ zile, ʋ yie joŋ wʋjɩmɩŋ pɩ nʋʋkala sɩ sʋlʋ nɛ, ʋ bɩ nʋʋkala vɩa ta.

JOSUA 9:13

Bʋa-la lɛ la sɩ hɛ sɩnɩŋ puroo deemba lɛ, ba kala fa falɩa nɛ, ama ma bee na lɛɛlɛ ba kala nɛ kɩɛsa. La gɛnnɩŋ arɩ la nɛntɛŋŋɛɛ ma kala nɛ kɔsɔ, a tɩŋ wombii-duduoŋ-la la sɩ vɛnɛ wɩaa.”

SƖPAALAARAA 1:1

Josua sɩ sʋba harɩŋ, ŋɩɩ nɛ Iziral tɩŋŋaa pɩɛsɛ La TƖƖNA, “Do bɛɛ nɩaa nɛ maga dɩ ba laa sɩpaaŋ a mʋ yuo Kɛnaŋ tɩmma-la?”

SƖPAALAARAA 20:18

Ŋɩɩ nɛ Iziral tɩŋŋaa mʋ Bɛtɛl a pɩɛsɛ Wɩa, “Do bɛɛ laalɩyuoroo nɛ maga dɩ ba laa sɩpaaŋ a mʋ yuo Bɛnjamɩŋ doho nɩalɩŋ?” La TƖƖNA bʋl, “Juda doho nɩaa laalɩyuoroo nɛ jaŋ laa sɩpaaŋ mʋ.”

SƖPAALAARAA 20:28

Arɔŋ nihiŋ Finihas sɩ ŋaa Elieza nanʋala nɛ faa beŋ daga-la.) Ba pɩɛsɛ La TƖƖNA, “La bɩra mʋ a yuo Bɛnjamɩŋ doho nɩaa sɩ ŋaa la naambiiriŋ koo la sɩ́ mʋ?” La TƖƖNA bʋl, “Má mʋ, chie mɩ jaŋ jomba hɛ ma nɩsɩŋ lɛ.”

1 SAMƲƐL 22:10

Ahɩmɛlɛk chɛ La TƖƖNA teeŋ nɛ dɩ ʋ na wɩɩ-la ʋ sɩ jaŋ ŋaa a pʋ, aŋ pʋ kʋdiilee a joŋ Fɩlɩsɩtɩa tɩŋŋaa Golɩaf tokobiiŋ ma a pɛ pʋ.”