JOSUA 9:1 - WƖA TENIŊ

¹ Bʋa-la lɛ kuorie-la kala sɩ hɛ Jɔdaŋ fuo-la wɩɩjʋʋlʋŋ dɩɩrɩŋ, kɩalɩŋ sɩ hɛ dundolluŋ arɩ fuonaasɩŋ arɩ mʋgʋ-bal-la niiŋ a kɛŋ ŋɩɩ mʋ yi Lɛbanɔŋ, ba nɩa arɩ Iziral tɩŋŋaa yuo dii Jeriko arɩ Aɩ. Kuorie-la ŋaa Hiti tɩŋŋaa, Amɔrɩ tɩŋŋaa, Kɛnaŋ tɩŋŋaa, Pɛrɛs tɩŋŋaa, Hivi tɩŋŋaa arɩ Jebus tɩŋŋaa kuoroo nɛ.

JOSUA 9:1 ပူးပေါင်းရင်းမြစ်များ

2 SAMƲƐL 24:7

Ba lɩɩ nɩmɛ a mʋ Taaya, taŋ-la ba sɩ saa kɛrɛ a golli, a joŋo mʋ Hivi tɩŋŋaa arɩ Kɛnaŋ tɩŋŋaa tasɩŋ kala. Dɩdɛrɩŋ ba mʋ Bɛɛsɩba sɩ hɛ Juda tintee-hɩlɩŋ wɩɩpɔsʋŋ nadiiŋ dɩɩrɩŋ.

MOSIS KƐŊ IZIRAL TƖŊŊAA LƖƖ 23:23

Mɩ tɩndaara jaŋ laa ma sɩpaaŋ a kɛmma mʋ Amɔrɩ tɩŋŋaa, Hiti tɩŋŋaa, Pɛrɛs tɩŋŋaa, Kɛnaŋ tɩŋŋaa, Hivi tɩŋŋaa arɩ Jebus tɩŋŋaa tintee-la. Mɩ jaŋ chei ba kala.

MOSIS KƐŊ IZIRAL TƖŊŊAA LƖƖ 23:31

Mɩ jaŋ dagɛ ma tinteeŋ bʋa pɩma, a chɩŋ mʋga-la ba sɩɩ yɩrɛ Mʋgʋ-fɩaŋ a kaa mʋ mʋgʋ-bal-la ba sɩɩ yɩrɛ Mediterenia, a bɩra chɩŋ tintee-hɩlɩɩ-la lɛ a kaa mʋ Yufireti fuo-la. Mɩ jaŋ joŋ nɩalɩŋ kala sɩ hɛ tinteeŋ deeŋ lɛ a hɛ ma nɩsɩŋ lɛ, dɩ ma kiriba aŋ laa lee-la.

MOSIS KƐŊ IZIRAL TƖŊŊAA LƖƖ 3:17

Ŋɩɩ nɛ mɩ sɩ mɩ jaŋ lɩɩsɛma hɛɛŋ deeŋ lɛ Ijipiti tinteeŋ lɛ a kɛmma mʋ Kɛnaŋ tɩŋŋaa, Hiti tɩŋŋaa, Amɔrɩ tɩŋŋaa, Pɛrɛs tɩŋŋaa, Hivi tɩŋŋaa arɩ Jebus tɩŋŋaa tinteeŋ, tintee-la sɩ sɩma a kɛŋ kɩaa woruŋ.’

MOSIS KƐŊ IZIRAL TƖŊŊAA LƖƖ 34:11

Ma to wɩalɩŋ mɩ sɩ dagɩŋ jɩnɩŋ, mɩ jaŋ kiri Amɔrɩ tɩŋŋaa, Kɛnaŋ tɩŋŋaa, Hiti tɩŋŋaa, Pɛrɛs tɩŋŋaa, Hivi tɩŋŋaa arɩ Jebus tɩŋŋaa ta ma teeŋ.

NAMBABA 13:29

Amalɛk tɩŋŋaa nɛ hɔŋ Nɛgɛf tinteeŋ lɛ, ka Hiti tɩŋŋaa, Jebus tɩŋŋaa arɩ Amɔrɩ tɩŋŋaa hɔŋ tintee-la peelee sɩ yʋga lɛ, ka Kɛnaŋ tɩŋŋaa ma hɔŋ a kpagɛ mʋgʋ-bal-la ba sɩɩ yɩrɛ Mediterenia arɩ Jɔdaŋ fuo-la niiŋ.”

NAMBABA 34:6

Mʋgʋ-bal-la ba sɩɩ yɩrɛ Mediterenia nɛ jaŋ ŋaa tintee-la wɩɩjʋʋlʋŋ bʋa.

MOSIS BƖRA WULLI WƖA WOMBIIŊ 1:7

Má sii mʋ Amɔrɩ tɩŋŋaa tintee-la peelee sɩ yʋga arɩ lere-la sɩ hɛ nɩmɛ, a mʋ Jɔdaŋ fuonaa-la, a mʋ wɩɩjʋʋlʋŋ dɩɩrɩŋ dundollu-la sɩ hɛ peelee bʋbʋɔŋ, a mʋ wɩɩpɔsʋŋ nadiiŋ, a mʋ mʋgʋ-bal-la ba sɩɩ yɩrɛ Mediterenia niiŋ, a mʋ Kɛnaŋ tintee-la a kiele mʋ Lɛbanɔŋ tinteeŋ, a kɛŋ ŋɩɩ mʋʋ yi fuo-bal-la ba sɩɩ yɩrɛ Yufireti.

MOSIS BƖRA WULLI WƖA WOMBIIŊ 3:25

La TƖƖNA, leŋ dɩ mɩ chol Jɔdaŋ fuo-la a na tintee-la sɩ sɩma woruŋ aŋ na tintee-sɩŋ-la peelee sɩ yʋga arɩ Lɛbanɔŋ peelee.”

MOSIS BƖRA WULLI WƖA WOMBIIŊ 4:49

Ʋ nɛ ha mʋ kɛŋ Jɔdaŋ fuo-la wɩɩpɔsʋŋ dɩɩrɩŋ a mʋ yi Mʋgʋ-sʋʋŋ a kaa mʋ Pisiga peel-la lee-la sɩ chullo tuu.

MOSIS BƖRA WULLI WƖA WOMBIIŊ 7:1

Ma TƖƖNA Wɩa jaŋ kɛmma jʋʋ tintee-la ʋ sɩɩ chɛ ʋ joŋo pɩma dɩ ʋ ŋaa ma kʋŋ, a kiri tintee-wogusuŋ deemba balɩpɛ nɩaa sɩ kɛŋ doluŋ a kɩɩma a yʋgɛ kɩɩma ma sɩ hɛ tintee-la lɛ: Hiti tɩŋŋaa, Gɩgasɩ tɩŋŋaa, Amɔrɩ tɩŋŋaa, Kɛnaŋ tɩŋŋaa, Pɛrɛs tɩŋŋaa, Hivi tɩŋŋaa arɩ Jebus tɩŋŋaa.

JOSUA 1:15

a kaa mʋ bʋa-la lɛ La TƖƖNA sɩ jaŋ pɩba dɩhɔnʋŋ arɩ ʋ sɩ pɩma dɩhɔnʋŋ ŋɩɩ, see ba ma sɩ na tintee-la ma TƖƖNA Wɩa sɩ jaŋ joŋo pɩba dɩ ʋ ŋaa ba kʋŋ. Ŋɩɩ harɩŋ, ma jaŋ wuo mɩɩra kʋ hɔŋ ma tinteeŋ deeŋ sɩ hɛ Jɔdaŋ wɩɩpɔsʋŋ dɩɩrɩŋ, kʋ-la La TƖƖNA tɩntɩnna Mosis sɩ joŋo pɩma.”

JOSUA 1:4

Ma tinteeŋ bʋa jaŋ chɩŋ tintee-hɩlɩɩ-la wɩɩpɔsʋŋ nadiiŋ a mʋ yi lee-la ba sɩɩ yɩrɛ Lɛbanɔŋ peele-la wɩɩpɔsʋŋ nagʋa, a chɩŋ fuo-bal-la ba sɩɩ yɩrɛ Yufireti sɩ hɛ wɩɩpɔsʋŋ dɩɩrɩŋ a kaa mʋ Hiti tɩŋŋaa tinteeŋ kala ŋɩɩ a mʋ yi mʋgʋ-bal-la ba sɩɩ yɩrɛ Mediterenia sɩ hɛ wɩɩjʋʋlʋŋ dɩɩrɩŋ.

JOSUA 10:23

Ba suri bʋa-la a kɛŋ Jerusalɛm kuoro, Hɛbʋrɔŋ kuoro, Jaamʋf kuoro, Lakɩs kuoro arɩ Ɛgɩlɔŋ kuoro a kaa kʋ lɩɩ.

JOSUA 11:17

a chɩŋ peel-la ba sɩɩ yɩrɛ Halak, sɩ hɛ Sɛɛ dɩɩrɩŋ, a kaa mʋ Baal Gad sɩ hɛ Lɛbanɔŋ fuonaa-la sɩ kpagɛ peel-la ba sɩɩ yɩrɛ Hɛmɔŋ. Leree deemba kuoroo kala nɛ ʋ fa yuo kɛsɛ, a kpʋ ba kala.

JOSUA 13:5

Gɛbal tɩŋŋaa tinteeŋ arɩ Lɛbanɔŋ tinteeŋ kala ŋɩɩ a kaa mʋ wɩɩpɔsʋŋ dɩɩrɩŋ, a chɩŋ Baal Gad sɩ hɛ Hɛmɔŋ peel-la wɩɩpɔsʋŋ nadiiŋ, a mʋʋ yi Lebo Hamaf.

JOSUA 15:12

Ʋ wɩɩjʋʋlʋŋ dɩɩrɩŋ bʋa nɛ mʋgʋ-bal-la niiŋ. Juda doho nɩaa nyɩŋ-nɩa nyɩŋ-nɩa tinteeŋ bʋa nɛ ŋɩɩ a gollo bal.

JOSUA 22:4

Lɛɛlɛ, ma TƖƖNA Wɩa pɩ ma naambiiriŋ dɩ-hɔnɔ wiesiŋ nɛ arɩ ʋ fa sɩ hɛ niiŋ ŋɩɩ. Má mɩɩra mʋ ma dɩɩsɩŋ tintee-la lɛ La TƖƖNA tɩntɩnna Mosis sɩ joŋo pɩma Jɔdaŋ fuo-la wɩɩpɔsʋŋ sɛmɛ dɔŋɔ.

JOSUA 22:7

(Manasɛ doho nɩaa kpaa magɛ dɔŋɔ-la, Mosis fa pɩba tinteeŋ Basaŋ lɛ nɛ. Ka doho-la kpaa magɛ dɔŋɔ kʋkaana-la ma Josua fa joŋ Jɔdaŋ fuo-la sɛmɛ wɩɩjʋʋlʋŋ dɩɩrɩŋ tinteeŋ nɛ a pɩba ba naambiiriŋ tʋɔŋ.) Bʋa-la lɛ Josua sɩɩ ta doho doho-la balɩa arɩ kpaa magɛ dɔŋɔ dɩ ba mʋ dɩa, ʋ sʋl Wɩa ŋ-la nɛ a pɩba:

JOSUA 23:4

Má liise yi ŋɩɩ mɩ sɩ kɛŋ tinteye-la la ha sɩ bɩ yuo dii arɩ tinteye-la la sɩ yuo dii tinteeŋ kpaa pɩ ma doho doho-la a chɩŋ Jɔdaŋ fuo-la wɩɩpɔsʋŋ dɩɩrɩŋ a kaa mʋ Mediterenia mʋgʋ-bal-la sɩ hɛ wɩɩjʋʋlʋŋ dɩɩrɩŋ.

JOSUA 24:11

Ŋɩɩ nɛ ma chol Jɔdaŋ fuo-la a kɔ Jeriko. Jeriko tɩmma-la ma bɩra sii a yuyuoma, ŋɩɩ tɩtɩa nɛ Amɔrɩ tɩŋŋaa, Pɛrɛs tɩŋŋaa, Kɛnaŋ tɩŋŋaa, Hiti tɩŋŋaa, Gɩgasɩ tɩŋŋaa, Hivi tɩŋŋaa, arɩ Jebus tɩŋŋaa ma fa ŋaa, ama mɩ jomba a hɛ ma nɩsɩŋ lɛ nɛ.

JOSUA 3:10

Dɩ ma nɩɩ mʋ, ma TƖƖNA jaŋ sɛnɛ kiri Kɛnaŋ tɩŋŋaa, Hiti tɩŋŋaa, Hivi tɩŋŋaa, Pɛrɛs tɩŋŋaa, Gɩgasɩ tɩŋŋaa, Amɔrɩ tɩŋŋaa arɩ Jebus tɩmma-la kala sɩ hɛ tintee-la lɛ dɩ ba lɩɩ. Ma jaŋ jɩŋ arɩ ma TƖƖNA Wɩa sɩ weye hɛ ma tʋɔŋ nɛ,

JOSUA 3:17

Wɩɩsʋllɩ sɩpaalaaraa fa sɩ chʋŋ La TƖƖNA niiriŋ daga-la chɩŋ tintee-hɩlɩŋ lɛ Jɔdaŋ fuo-la tʋtʋɔbaanɩŋ, ka Iziral tɩŋŋaa kala vɛŋ tintee-hɩlɩɩ-la nyuŋ ŋɩɩ a kala cholo dɛrɛ.

JOSUA 5:1

Amɔrɩ tɩŋŋaa kuorie-la sɩ hɛ Jɔdaŋ fuo-la wɩɩjʋʋlʋŋ arɩ Kɛnaŋ tɩŋŋaa kuorie-la sɩ hɛ Mediterenia mʋgʋ-balɩŋ niiŋ fa sɩ nɩa dɩ La TƖƖNA ŋaa Jɔdaŋ fuoŋ hʋ nɛ ka Iziral tɩŋŋaa chol, fawʋllʋŋ chaasa jʋʋba woruŋ. A tɩŋ Iziral tɩmma-la wɩaa ba nandaasɩŋ yʋɔrɛ arɩ ba sɩ jaŋ cheme yuoba.

JOSUA 6:27

La TƖƖNA fa chɩŋ Josua harɩŋ nɛ woruŋ, ʋ yɩrɩŋ teeli tintee-la kala.

JOSUA 9:7

Ŋɩɩ nɛ Iziral tɩŋŋaa bʋla pɩba, “Ŋ bɩ pɔ ma jʋʋ kpɩkpagɛla nɛ. Ɛɛ nɛ saa la dɩ ma jaŋ wuo hɛ niiŋ pɩ dɔŋɔ?”