JOSUA 8:33 - WƖA TENIŊ

³³ Iziral tɩŋŋaa kala, ba sɩpaalaaraa, ba tɩntɩnnɩ-hɩasɩŋ, ba sarɩya diiree arɩ nɩwogusuŋ kala sɩ hɛ ba tʋɔŋ nɛ chɩŋ Wɩa niiriŋ daga-la sɛsɩŋ balɩa, a joŋ ba sɩaa chaasɛ Levi doho Wɩɩsʋllɩ sɩpaalaaraa sɩ chʋŋ daga-la. Nɩalɩŋ kpaa magɛ dɔŋɔ chɩŋ a joŋ harɩŋ yɩa peel-la ba sɩɩ yɩrɛ Gɛrɩzɩm, kpaa magɛ dɔŋɔ ma chɩŋ a joŋ harɩŋ yɩa peel-la ba sɩɩ yɩrɛ Ɛbal, arɩ La TƖƖNA tɩntɩnna Mosis fa sɩ laa sɩpaaŋ dagɛ ŋɩɩ bʋa-la lɛ ʋ sɩɩ dagɛba ŋɩɩ ba sɩ jaŋ to a sʋl Wɩa a pɩpɩ Iziral tɩŋŋaa.

JOSUA 8:33 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 12:49

Wombiee deemba nɛ maga Iziral tɩŋŋaa arɩ nɩwogusu-la kala sɩ hɛ ba tʋɔŋ tuto a mʋʋ tɩgɛ mɩ-na ma TƖƖNA dɩɩsɩŋ kiele bal gbiele-la lɛ.”

LEVI DOHO NƖAA 24:22

Iziral tɩŋŋaa arɩ nʋhʋɔraa kala nɛ maga dɩ ba tuto wombiee deemba. Mɩ nɛ ma TƖƖNA Wɩa.”

NAMBABA 15:15

Ma dɩ nʋhʋɔra-la kala sɩ hɛ ma tʋɔŋ maga dɩ ma kala kɛŋ wombii-bala nɛ a tɩtɩŋ. Ʋ ŋaa nii sɩ bɩ jaŋ dɛrɛ nɛ, a pɩ ma dɩ ma doho nɩaa kala. Ma dɩ nʋhʋɔra-la sɩ hɛ ma tʋɔŋ kala ŋaa kʋbala nɛ mɩ-na ma TƖƖNA sɩpaaŋ.

NAMBABA 15:16

Niiri-la arɩ wombie-la kala ma sɩ jaŋ tuto tɩtɩa nɛ nʋhʋɔra-la sɩ hɛ ma tʋɔŋ ma jaŋ tuto.”

NAMBABA 15:29

Dɩ Iziral tɩɩna koo dɩ nʋhʋɔra-la sɩ hɛ ma tʋɔŋ kʋŋ nɛ bɩ jɩŋ aŋ ŋaa wɩalɩŋ kʋŋ chei, wombii-bala-la nɛ maga ma kala to.

Jɔɔŋ 4:20

Haal-la bɩra bʋla pʋ, “La-na Samarɩa tɩŋŋaa naabalɩmaba ka chʋɔlɛ Wɩa peeliŋ deeŋ nyuŋ nɛ, aŋ ka ma Juu tɩŋŋaa sɩ Jerusalɛm nɛ lee-la sɩ maga dɩ laa chʋɔlɛ Wɩa.”

MOSIS BƖRA WULLI WƖA WOMBIIŊ 11:29

Dɩ ma TƖƖNA Wɩa nɛ kɛmma mʋ tintee-la ma sɩɩ mʋ dɩ ma tɩɩʋ, ʋ maga dɩ má jɩl peel-la ba sɩɩ yɩrɛ Gɛrɩzɩm nɛ a dagɛ wɩalɩŋ nʋʋ sɩ jaŋ ŋaa dɩ Wɩa pɛ ʋ lɛ, aŋ bɩra jɩl peel-la ba sɩɩ yɩrɛ Ɛbal ma a dagɛ wɩalɩŋ nʋʋ sɩ jaŋ ŋaa dɩ Wɩa cheyu.

MOSIS BƖRA WULLI WƖA WOMBIIŊ 31:12

Má yɩrɛ baalaa arɩ haalaa, hambiisiŋ arɩ nɩwogusu-la kala sɩ hɛ ma tasɩŋ lɛ kʋ hilimi, dɩ ba nɩɩ wɩalɩŋ, a jɩŋ ŋɩɩ ba sɩ jaŋ zizil ma TƖƖNA Wɩa, a fɩɛlɛ ba sɩaa a to wɩalɩŋ kala ʋ wombiiŋ sɩ daga.

MOSIS BƖRA WULLI WƖA WOMBIIŊ 31:25

Ʋ sɩ ŋmʋnsa dɛrɛ, ʋ bʋla pɩ Levi doho nɩalɩŋ sɩɩ chʋŋ Wɩa niiriŋ daga-la,

MOSIS BƖRA WULLI WƖA WOMBIIŊ 31:9

Ŋɩɩ nɛ Mosis ŋmʋnsɛ Wɩa wombie-la a joŋo pɩ Wɩɩsʋllɩ sɩpaalaaraa, Levi biiri-la sɩɩ chʋŋ La TƖƖNA niiriŋ daga-la a pɛ Iziral tɩŋŋaa sɩpaalaaraa kala lɛ.

JOSUA 23:2

Ŋɩɩ nɛ ʋ yɩrɛ Iziral tɩŋŋaa nɩhɩasɩŋ, ba sɩpaalaaraa, ba sarɩya diiree arɩ ba tɩntɩnnɩ-hɩasɩŋ a hilimi a bʋla pɩba: “Mɩ hɩɛsa nɛ woruŋ lɛɛlɛ.

JOSUA 24:1

Tapʋlɩɩ kʋbala Josua yɩrɛ Iziral tɩŋŋaa doho doho-la kala kʋ hilimi Sɛkɛm lɛ, a leŋ ba nɩhɩasɩŋ, ba sɩpaalaaraa arɩ ba sarɩya diiree arɩ ba tɩntɩnnɩ-hɩasɩŋ kɔ Wɩa sɩpaaŋ.

JOSUA 3:14

Bʋa-la lɛ Iziral tɩmma-la sɩ sii ba dɩhɔnʋŋ dɩ ba chol Jɔdaŋ fuoŋ, Wɩɩsʋllɩ sɩpaalaaraa sɩ chʋŋ Wɩa niiriŋ daga-la nɛ laa ba sɩpaaŋ.

JOSUA 3:3

a bʋla pɩ nɩalɩŋ, “Dɩ ma nɛ na dɩ Levi doho Wɩɩsʋllɩ sɩpaalaaraa joŋ ma TƖƖNA Wɩa niiriŋ daga-la, ʋ maga dɩ ma sii ma dɩhɔnʋŋ a to ba harɩŋ nɛ.

JOSUA 3:6

Ŋɩɩ nɛ ʋ bɩra bʋla pɩ Wɩɩsʋllɩ sɩpaalaaraa ma, “Ma joŋ Wɩa niiriŋ daga-la a laa nɩalɩŋ sɩpaaŋ.” Ŋɩɩ nɛ ba joŋ a laa ba sɩpaaŋ.

JOSUA 4:10

Wɩɩsʋllɩ sɩpaalaara-la fa sɩ chʋŋ La TƖƖNA niiriŋ daga-la chɩŋ Jɔdaŋ fuo-la tʋtʋɔbaanɩŋ ŋɩɩ nɛ deeŋ deeŋ nɩalɩŋ ŋaa wɩalɩŋ kala La TƖƖNA sɩ to Mosis lɛ a dagɛ Josua dɛrɛ. Ka nɩalɩŋ kala ŋaa lɩma lɩma a chol fuo-la.

JOSUA 4:18

Wɩɩsʋllɩ sɩpaalaaraa fa sɩ chʋŋ La TƖƖNA niiriŋ daga-la sɩ kʋ lɩɩ fuo-la lɛ dɩdɛrɛ, dɩ fuo-la bɩra mɩɩra kʋ su, a nagɛ ŋɩɩ ʋ fa sɩ naga.

JOSUA 6:6

Ŋɩɩ nɛ Nuŋ nanʋala Josua yɩrɛ Wɩɩsʋllɩ sɩpaalaaraa a bʋla pɩba, “Má joŋ La TƖƖNA niiriŋ daga-la aŋ leŋ dɩ ma nɩaa balɩpɛ ma paa nyilliŋ a laa daga-la sɩpaaŋ.”