JOSUA 8:31 - WƖA TENIŊ

³¹ arɩ La TƖƖNA tɩntɩnna Mosis fa sɩ bʋl ŋɩɩ a pɩ Iziral tɩŋŋaa. Josua saa koru-la arɩ ŋɩɩ Mosis sɩ ŋmʋnsɛ wɩalɩŋ a hɛ teniŋ lɛ a bil dɩ baa to sɩ daga nɛ. Ʋ bɩ koru-la tabɩaa wasa ta, ʋ bɩ hɔɔŋ tɩntɩnnɩ kʋŋ ma kaa digiba. Ʋ nyuŋ nɛ ʋ nyɩgɛ kʋnyɩgaa Wɩɩsʋlʋŋ arɩ nɩɩ-magɛ-dɔŋɔ Wɩɩsʋlʋŋ kɩaa a pɩ La TƖƖNA.

JOSUA 8:31 ပူးပေါင်းရင်းမြစ်များ

2 KUOROO 14:6

Ama ʋ fa bɩ tɩntɩnnɩ-hɩasɩ-la sɩ kpʋ ʋ nyɩmma hambolibiisiŋ-na kpʋa, bɛɛ wɩaa wɩalɩŋ La TƖƖNA sɩ joŋo dagɛ Mosis ʋ ŋmʋnsa bil dɩ nɩaa tuto bʋl ŋ-la nɛ: “Dɩ nʋʋ bii nɛ ŋaa wʋbɔŋ, ʋ bɩ maga dɩ ba kpʋ ʋ nyɩmma a tɩŋ wɩɩ-la wɩaa. Dɩ nyɩmma ma nɛ ŋaa wʋbɔŋ, ʋ bɩ maga dɩ ba kpʋ ʋ bie a tɩŋ wɩɩ-la ʋ sɩ ŋaa wɩaa. Nʋʋkala maga dɩ ba kpʋʋ a tɩŋ ʋ tɩtɩa wʋbɔŋ-la ʋ sɩ ŋaa wɩaa nɛ.”

2 KUOROO 22:8

Ŋɩɩ nɛ Hɩlɩkaaya, Wɩɩsʋllɩ sɩpaalaaraa nɩhɩaŋ bʋla pɩ Safaŋ, nɩɩ-la sɩɩ ŋmʋnsɛ kuoro teniŋ, “Mɩ na teŋ-la lɛ ba sɩ ŋmʋnsɛ Wɩa wombiee hɛ nɛ Wɩa dɩɩ-bal-la lɛ.” Hɩlɩkaaya joŋ teŋ-la a pɩ Safaŋ ʋ laa karɩmɛ.

2 IZIRAL TƖŊŊAA NAABARƖŊ 25:4

Ama ʋ fa bɩ tɩntɩnnɩ-hɩasɩ-la sɩ kpʋ ʋ nyɩmma hambolibiisiŋ-na kpʋa, bɛɛ wɩaa wɩalɩŋ La TƖƖNA sɩ joŋo dagɛ Mosis ʋ ŋmʋnsa bil dɩ nɩaa tuto bʋl ŋ-la nɛ: “Dɩ nʋʋ bii nɛ ŋaa wʋbɔŋ, ʋ bɩ maga dɩ ba kpʋ ʋ nyɩmma a tɩŋ wɩɩ-la wɩaa. Dɩ nyɩmma ma nɛ ŋaa wʋbɔŋ, ʋ bɩ maga dɩ ba kpʋ ʋ bie a tɩŋ wɩɩ-la ʋ sɩ ŋaa wɩaa. Nʋʋkala maga dɩ ba kpʋʋ a tɩŋ ʋ tɩtɩa wʋbɔmɔ-la ʋ sɩ ŋaa wɩaa nɛ.”

2 IZIRAL TƖŊŊAA NAABARƖŊ 35:12

Levi doho nɩalɩŋ keri piese-la nammɩa lere-la dɩa na-kala nɩaa sɩ jaŋ kaa ŋaa kʋnyɩgaa Wɩɩsʋlʋŋ a pɩ La TƖƖNA a bil, arɩ wɩalɩŋ Mosis sɩ ŋmʋnsa bil dɩ ba tuto sɩ dagɛ ŋɩɩ. Ba bɩra ŋaa ŋɩɩ tɩtɩa nɛ-belli-la ma lɛ.

ƐZƖRA 6:18

Ŋɩɩ nɛ ba kɛŋ Wɩɩsʋllɩ sɩpaalaaraa arɩ Levi doho nɩaa kaa kpaa kpaa ba tɩtɩŋ Wɩa tɩntɩŋŋaa Jerusalɛm lɛ, arɩ teŋ-la Mosis sɩ ŋmʋnsa bil sɩ dagɛ ŋɩɩ.

NƐHƖMAAYA 13:1

Tapʋlɩɩ-la ba faasa karɩmɛ teŋ-la Mosis sɩ ŋmʋnsa ʋ lɩɩ nɛ nʋʋkala nɩɩ. Teŋ-la tʋɔŋ nɛ ba na arɩ ʋ bɩ maga dɩ ba leŋ dɩ Amɔrɩ tɩɩna koo Mʋab tɩɩna kala guoli Wɩa nɩaa tʋɔŋ,

MOSIS KƐŊ IZIRAL TƖŊŊAA LƖƖ 18:12

Ŋɩɩ nɛ Mosis hɩɩlɩ-baala Jeturo kɛŋ kʋnyɩgaa Wɩɩsʋlʋŋ arɩ Wɩɩsʋllɩ kɩaa dɔnsʋŋ kɔ dɩ ʋ pɩ Wɩa. Arɔŋ arɩ Iziral tɩŋŋaa kʋhɩasɩŋ kala kɔ Mosis hɩɩlɩ-baala teeŋ, ba kala dii kɩaa Wɩa sɩpaaŋ.

MOSIS KƐŊ IZIRAL TƖŊŊAA LƖƖ 24:5

Ŋɩɩ nɛ ʋ lɩɩsɛ bapʋɔsaa Iziral tɩŋŋaa tʋɔŋ, a leŋ ba ŋaa kʋnyɩgaa Wɩɩsʋlʋŋ aŋ kpʋ nɛ-bel-pɔrʋŋ ma a ŋaa nii-magɛ dɔŋɔ Wɩɩsʋlʋŋ a pɩ La TƖƖNA.

Matiu 12:26

Ŋɩɩ nɛ saa, dɩ Sɩtaanɩ nɛ kiri Sɩtaanɩ, ʋ ma kuoruŋ bɩ jaŋ wuo chɩŋ.”

MOSIS BƖRA WULLI WƖA WOMBIIŊ 27:2

Dɩ ma nɛ chol Jɔdaŋ fuo-la a mʋ tintee-la ma TƖƖNA Wɩa sɩ jaŋ joŋo pɩma, má paa tabɩaa sɩ jalɩa a pɛ, a taarɛ.

MOSIS BƖRA WULLI WƖA WOMBIIŊ 27:8

Má ŋmʋnsɛ niiri-la hɛ tabɩa-la ma sɩ taara lɛ dɩ ba chaasa lɩɩ woruŋ.”

JOSUA 1:8

Kɩkarɩmɛ teŋ-la Mosis sɩ ŋmʋnsɛ mɩ wombiee hɛ bʋa na-kala, aŋ kɛmba chʋchɔgɩsɛ ŋ tʋɔŋ lɛ tɩtaŋɩŋ arɩ wɩɩhɛyɛ, aŋ fɩɛlɛ ŋ sɩaa a to wɩalɩŋ kala ba sɩ ŋmʋnsa hɛ ʋ lɛ. Dɩ ŋ nɛ ŋaa ŋɩɩ, ŋ wɩɩkala jaŋ chaasa vɛŋ woruŋ.