JOSUA 8:1 - WƖA TENIŊ

¹ Ŋɩɩ nɛ La TƖƖNA bʋla pɩ Josua, “Sɩ́ fawʋllʋŋ fá a sɩ́ leŋe dɩ ŋ nandaasɩŋ yʋɔrɛ. Kɛŋ laalɩyuoro-la kala dɩ ma mʋ a yuo Aɩ tabal-la. Mɩ joŋ Aɩ kuoro, ʋ nɩaa, ʋ jaŋ arɩ ʋ tinteeŋ kala a hɛ ma nɩsɩŋ lɛ nɛ.

JOSUA 8:1 ပူးပေါင်းရင်းမြစ်များ

WƖA YƖƖLAA 27:1

La Tɩɩna nɛ ŋaa mɩ pʋlʋmʋŋ arɩ mɩ Laataara, mɩ bɩ kʋŋkala ka fá. La Tɩɩna nɛ ŋaa mɩ dɩ-duoŋ, mɩ bɩ nʋʋkala ka fá.

WƖA YƖƖLAA 44:3

Ba laalɩyuori kɩaa dee ba kaa yuo laa tintee-la, ba doluŋ ma dee ba kaa yuo dii. Ŋ choba nɛ tɩɩ ŋ kɛŋ ŋ naduoŋ arɩ ŋ tʋla pʋlʋmʋŋ ŋaa ŋɩɩ pɩba.

WƖA YƖƖLAA 46:11

La Tɩɩna doluŋ kala Tɩɩna hɛ la teeŋ nɛ, Jekɔb Wɩa nɛ la dɩ-duoŋ.

AZAAYA 12:2

Wʋtɩtɩɩ, Wɩa nɛ ŋaa mɩ Laataara, mɩ jaŋ laaʋ dii a bɩ fawʋllʋŋ ka fá. La TƖƖNA nɛ ŋaa mɩ doluŋ, mɩ jaŋ yɩɩ yɩɩlɩŋ dɛnnʋ, ʋ nɛ ŋaa mɩ Laataara.”

AZAAYA 43:2

Dɩ ma nɛ hɛ lɩɩŋ tʋɔŋ ma, mɩ jaŋ hɛ ma teeŋ, lɩɩ-la bɩ jaŋ wuo pɛllɛ paama. Dɩ ma nɛ hɛ nyiniŋ tʋɔŋ ma, ʋ bɩ jaŋ nyɩgɛma, ʋ bɩ jaŋ wuo diima.

JƐRƖMAAYA 46:27

Mɩ tɩntɩnna Jekɔb, sɩ́ fawʋllʋŋ fá. Sɩ́ leŋe dɩ ŋ yaraa yʋɔrɛ Iziral. Mɩ jaŋ laama ta dɩ-bolii-la lɛ ma sɩ hɛ, mɩ jaŋ laa ma doho nɩalɩŋ ta yoŋ-baga lɛ. Jekɔb jaŋ bɩra kɛŋ fɩɛlɩŋ a hɔŋ sɔm, nʋʋkala bɩ jaŋ leŋ dɩ fawʋllʋŋ kɛnʋ.

JƐRƖMAAYA 49:3

Ou Hɛsɩbɔŋ, ŋmoo niiŋ, bɛɛ wɩaa ba chei Aɩ nɛ. Nɩalɩŋ sɩ hɛ Raba lɛ, má ŋmoo niiŋ. Má laalɛ tʋɔ-chei gɛnnɩŋ a yel. Má fá bɩbaarɛ taŋ-la tʋɔŋ, bɛɛ wɩaa ba jaŋ joŋ ma vene-la ba sɩɩ yɩrɛ Mɔlɛk a mʋ yoŋ-baga, a pɛ nɩalɩŋ sɩɩ kpaarʋ lɛ arɩ ʋ tɩntɩnnɩ-hɩasɩŋ lɛ.

DANƖƐL 2:21

Ʋ nɛ kɛŋ bʋa bʋa kala kaa bɩrɩmɛ, ʋ nɩɩ bil kuoroo, ʋ nɩɩ kiri kuoroo. Ʋ nɩɩ pɩ wʋjɩnnaa wʋjɩmɩŋ a leŋ nɩalɩŋ ma sɩ kɛŋ dɩgɩlɩŋ jegilee jɩŋ wɩaa sɩaa.

DANƖƐL 4:25

Ba jaŋ kiriŋ dɩ ŋ lɩɩ nɩaa tʋɔŋ a mʋ guoli baga kɩaa tʋɔŋ. Ŋ jaŋ dii yaŋ a nagɛ nɛŋ, dɩ nyalɩŋ nyala hɛ ŋ lɛ jɩsɩŋ balɩpɛ. Ŋɩɩ nɛ ŋ jaŋ jɩŋ arɩ Wɩa sɩ kɩɩ kʋŋkala nɛ kɛŋ doluŋ a bibeŋ nuhuobiinee kuoruŋ, ʋ jaŋ wuo joŋo pɩ nɩɩ-la kala ʋ sɩ cho.

DANƖƐL 4:35

Dʋnɩa nɩaa kala bɩ kɩa ŋaa ʋ sɩpaaŋ. Ʋ nɛ kɛŋ doluŋ dɩ ʋ ŋaa wɩɩ-la kala ʋ sɩɩ chɛ Wɩa tɩndaaraa arɩ nuhuobiinee kala lɛ. Nʋʋkala bɩ jaŋ wuo pɔ dɩ ʋ sɩ́ wɩɩ ŋaa koo a pɩɛsʋ: Wʋbɛɛ nɛ ŋ ŋaa ŋ-la?

Matiu 8:26

Ŋɩɩ nɛ Yesu pɩɛsɛba, “Bɛɛ nɛ tɩɩ fawʋllʋŋ kɛmma? Ma Wɩa laa diiniŋ bɩ yʋgɛ.” Ŋɩɩ nɛ ʋ sii kpɩa pel-la lɛ aŋ bʋla pɩ fuo-la ma dɩ ʋ fɩɛla pɩŋ, leriŋ kala guu ŋaa fʋɩɩ.

MOSIS BƖRA WULLI WƖA WOMBIIŊ 1:21

Má bee na tintee-la ma TƖƖNA Wɩa sɩ joŋo pɩma nɛ pɩŋ ma sɩpaaŋ ŋɩɩ, má mʋ a hɔŋ ʋ lɛ a tɩɩʋ arɩ ma nyɩmmaba Wɩa sɩ dagɛma ŋɩɩ. Má sɩ́ leŋe dɩ fawʋllʋŋ kɛmma koo dɩ ma nandaasɩŋ yʋɔrɛ.”

MOSIS BƖRA WULLI WƖA WOMBIIŊ 31:8

La TƖƖNA tɩtɩa jaŋ hɛ ŋ teeŋ a laa ŋ sɩpaaŋ. Ʋ bɩ jaŋ kɔ dɩ ʋ vɩaŋ ta koo ʋ lɩɩ ŋ harɩŋ da. Sɩ́ leŋe dɩ fawʋllʋŋ kɛnɩŋ koo dɩ ŋ nandaasɩŋ yʋɔrɛ.”

MOSIS BƖRA WULLI WƖA WOMBIIŊ 7:18

Ama má sɩ́ leŋe dɩ fawʋllʋŋ kɛmma a tɩŋ ba wɩaa. Má liisi wɩalɩŋ ma TƖƖNA Wɩa sɩ joŋo ŋaa Ijipiti tinteeŋ kuoro arɩ Ijipiti tɩŋŋaa kala lɛ.

MOSIS BƖRA WULLI WƖA WOMBIIŊ 7:21

Má sɩ́ leŋe dɩ fawʋllʋŋ kɛmma a tɩŋ nɩalɩŋ wɩaa, ma TƖƖNA Wɩa hɛ ma teeŋ nɛ, ʋ ŋaa Wɩa sɩ kɛŋ doluŋ nɛ woruŋ a magɛ dɩ nʋʋkala fɩfáʋ.

JOSUA 1:9

Mɩ bʋla pɩŋ arɩ ŋ nyɩrɛ bɔyɛ a kɛŋ tʋɔ-doluŋ. Sɩ́ leŋe dɩ fawʋllʋŋ kɛnɩŋ dɩ ŋ nandaasɩŋ yʋɔrɛ, mɩ-na ŋ TƖƖNA Wɩa jaŋ hɛ ŋ teeŋ lee na-kala ŋ sɩɩ mʋ.”

JOSUA 10:7

Ŋɩɩ nɛ Josua arɩ ʋ laalɩyuoroo kala, a pɛ nɩalɩŋ sɩ faasa jɩŋ laalɩ-yuonuŋ woruŋ, lɩɩ Gɩlɩgal lɛ a mʋmʋ.

JOSUA 10:8

La TƖƖNA bʋla pɩ Josua, “Sɩ́ leŋe dɩ fawʋllʋŋ kɛnɩŋ a tɩŋ nɩalɩŋ wɩaa, mɩ jomba hɛ ŋ nɩsɩŋ lɛ nɛ. Ba kʋŋkala bɩ ŋ sɩpaaŋ wuo chɩŋ.”

JOSUA 2:24

Ba bʋla pɩ Josua, “La TƖƖNA chaasa joŋ tintee-la kala a hɛ la nɩsɩŋ lɛ nɛ. Fawʋllʋŋ chaasa jʋʋ nɩalɩŋ sɩ hɛ tintee-la lɛ nɛ a tɩŋ la wɩaa.”

JOSUA 6:2

Ŋɩɩ nɛ La TƖƖNA bʋla pɩ Josua, “Bee na, mɩ joŋ Jeriko arɩ ʋ kuoro arɩ ʋ laalɩyuoroo kala a hɛ ŋ nɩsɩŋ lɛ nɛ.

JOSUA 7:9

Dɩ Kɛnaŋ tɩŋŋaa arɩ nɩaa dɔnsʋŋ nɛ nɩɩ wɩɩŋ deeŋ, ba jaŋ sii a kʋ gollila a kpʋ la kala dɩ la yɩrɩŋ lɛl tinteeŋ lɛ. Bɛɛ nɛ ŋ jaŋ ŋaa dɩ ŋ yɩrɩ-bal-la sɩ́ lɛl?”