JOSUA 7:9 - WƖA TENIŊ

⁹ Dɩ Kɛnaŋ tɩŋŋaa arɩ nɩaa dɔnsʋŋ nɛ nɩɩ wɩɩŋ deeŋ, ba jaŋ sii a kʋ gollila a kpʋ la kala dɩ la yɩrɩŋ lɛl tinteeŋ lɛ. Bɛɛ nɛ ŋ jaŋ ŋaa dɩ ŋ yɩrɩ-bal-la sɩ́ lɛl?”

JOSUA 7:9 ပူးပေါင်းရင်းမြစ်များ

WƖA YƖƖLAA 115:1

La-na bɩ maga dɩ nʋʋ dɛnnɛla. Ŋ-na La Tɩɩna, ŋ dʋndʋŋa nɛ maga dɩ ba dɛnnɛ, a tɩŋ ŋ chono-la sɩ bɩ dɛrɛ arɩ ŋ wʋtɩtɩɩ wɩaa.

WƖA YƖƖLAA 48:10

Wɩa, nɩaa ka dɛnnɩŋ nɛ lee-kala. Ŋ yɩrɩŋ teeli dʋnɩa sɛmɛ kala nɛ. Ŋ naduo-la ka tɩŋ tʋɔpʋl tɩntɩŋŋaa nɛ.

WƖA YƖƖLAA 79:9

Wɩa, la Laataara, pɛ la lɛ a tɩŋ ŋ yɩrɩ-balɩŋ wɩaa. Laala ta, a joŋ la wʋbɔŋŋɔɔ chɛla a tɩŋ ŋ yɩrɩŋ wɩaa.

WƖA YƖƖLAA 83:4

Ba sɩ, “Má kɔ, má leŋ dɩ la chei ba tintee-la, dɩ Iziral tɩŋŋaa yɩrɩŋ bɩra sɩ́ yɩrʋ.”

WƖA YƖƖLAA 83:5

Ba niiŋ ŋaa kʋbala nɛ ba vʋʋrɛ. Ba pɛ dɔŋɔ lɛ nɛ dɩ ba ŋaa wɩɩ-la ba sɩ vʋʋra a tɩgɛ ŋ lɛ.

MOSIS KƐŊ IZIRAL TƖŊŊAA LƖƖ 32:12

Ŋŋ chɛ dɩ Ijipiti tɩŋŋaa bʋl arɩ tʋɔbɔmʋŋ nɛ ŋ kaa kɛŋ ŋ nɩaa Iziral tɩŋŋaa lɩɩ dɩ ŋ kpʋba peelee tʋɔŋ, aŋ cheiba ta tinteeŋ kala lɛɛ? Leŋ dɩ ŋ baanɩŋ tuu tinteeŋ dɩ ŋ sɩ́ ŋ nɩaa chei ta.

ƐZƖKƖƐL 20:9

Ama a tɩŋ mɩ yɩrɩŋ wɩaa, mɩ fa ŋaa wɩɩ-la sɩ jaŋ leŋ dɩ mɩ yɩrɩŋ sɩ́ chei nɛ, dɩ tinteye-la nɩaa tʋɔŋ ba sɩ guolo na, nɩalɩŋ tʋɔŋ mɩ sɩ kɛŋ mɩ tɩtɩa dagɛ Iziral tɩŋŋaa aŋ kɛmba kaa lɩɩ Ijipiti tinteeŋ lɛ.

JOWƐL 2:17

Má leŋ dɩ Wɩɩsʋllɩ sɩpaalaaraa, nɩalɩŋ sɩɩ tɩŋ La TƖƖNA sɩpaaŋ chɩŋ Wɩa dɩɩ-bal-la zawʋra arɩ Wɩɩsʋlʋŋ koru-la pɛgɛ a yiyel. Má leŋ dɩ ba bʋl, “La TƖƖNA, laa sʋlʋŋ, joŋo chɛ ŋ nɩaa. Sɩ́ leŋe dɩ nɩalɩŋ ŋ sɩ lɩɩsa ŋaa mɔmɩa, dɩ tinteyee nɩaa sisieri ba lɛ. Sɩ́ leŋe dɩ tinteyee nɩaa pɩɛsɛ arɩ nɩɩ nɛ ba Wɩa hɛ.”

MƖKA 7:10

Mɩ dʋndɔmɔ jaŋ na wɩɩ-la dɩ hɩɩsɩŋ kɛnʋ. Nɩɩ-la sɩ pɩɛsɛmɛ, “Nɩɩ nɛ ŋ TƖƖNA Wɩa hɛ?” Mɩ sɩɩŋ jaŋ na ʋ teliŋ, dɩ ba nʋɔsʋ a nagɛ vʋchɔɔŋ sɩ hɛ womporuŋ lɛ.

NAMBABA 14:13

Ŋɩɩ nɛ Mosis bʋla pɩ La TƖƖNA, “Dɩ ŋ nɛ ŋaa ŋɩɩ, Ijipiti tɩŋŋaa jaŋ nɩɩ wɩɩ-la. Ba teeŋ nɛ ŋ joŋ doluŋ laa ŋ nɩaa deemba.

Jɔɔŋ 12:28

Mɩ Nyɩmma, leŋ dɩ nɩaa yɩrɛ ŋ yɩrɩŋ.” Ŋɩɩ nɛ nʋʋ yikoro lɩɩ wɩa-nyuŋ a bʋl, “Mɩ paala laa yɩrɩŋ nɛ. Mɩ saa jaŋ bɩra leŋ dɩ nɩaa yɩrɛ mɩ yɩrɩŋ.”

MOSIS BƖRA WULLI WƖA WOMBIIŊ 9:28

Dɩ ŋɩɩ dee, Ijipiti tɩŋŋaa jaŋ bʋl arɩ ŋ bɩ wuo kɛŋ ŋ nɩaa kaa yi tintee-la ŋ sɩ sɩ ŋ jaŋ joŋo pɩba, a tɩŋ ŋ sɩ bɛrɛba wɩaa. Ba jaŋ bʋl ŋɩɩ nɛ tɩɩ ŋ kɛmba kʋ lɩɩ dɩ ŋ kpʋba ta tintee-hɩlɩŋ deeŋ lɛ.

JOSUA 7:10

Ŋɩɩ nɛ La TƖƖNA bʋla pɩ Josua, “Sii, bɛɛ nɛ tɩɩ ŋ pɩna chu?

JOSUA 7:8

Ou La TƖƖNA, wʋbɛɛ nɛ mɩ jaŋ bʋl, na Iziral tɩŋŋaa dʋndɔŋŋɔɔ nɛ mɩɩra wuoba ŋ-la?

1 SAMƲƐL 12:22

A tɩŋ La TƖƖNA yɩrɩ-balɩŋ wɩaa, ʋ bɩ jaŋ kɔ dɩ ʋ vɩa ʋ nɩaa ta, ʋ tʋɔtɔrʋŋ lɛ nɛ ʋ lɩɩsɛma ma ŋaa ʋ nɩaa.