JOSUA 7:6 - WƖA TENIŊ

⁶ Ŋɩɩ nɛ Josua arɩ Iziral tɩŋŋaa nɩhɩasɩŋ kɛŋ ba gɛnnɩŋ kɩɛsɛ a ŋaa hagɩla bʋgɛ ba nyusuŋ ba tʋɔŋ sɩ cheye, aŋ tuu tele chu La TƖƖNA niiriŋ daga-la sɩpaaŋ a pɩŋ nɩmɛ ŋɩɩ halɩɩ Wɩa tuu jʋʋ.

JOSUA 7:6 ပူးပေါင်းရင်းမြစ်များ

WƖAA DƖ-SUOMUŊ 37:29

Rubiŋ sɩ mɩɩra kɔ vil-la leriŋ dɩ Josɛf tuo vil-la tʋɔŋ. Ʋ tʋɔŋ chei, ʋ kɛŋ ʋ gɛnnɩŋ kɩɛsɛ.

WƖAA DƖ-SUOMUŊ 37:34

Ŋɩɩ nɛ Jekɔb kɛŋ ʋ gɛrɩŋ kɩɛsɛ a tɩŋ ʋ tʋɔŋ sɩ cheye aŋ paa tʋɔ-chei gɛnnɩŋ laalɛ aŋ yel ʋ nanʋala wɩaa tapʋl-daŋ.

2 SAMƲƐL 1:11

Devit arɩ nɩalɩŋ kala sɩ hɛ ʋ teeŋ a nɩɩ wɩalɩŋ baal-la sɩ bʋla, ba tʋɔŋ faasa chei, ba kɛŋ ba gɛnnɩŋ kɩɛsɛ.

2 SAMƲƐL 1:12

Ŋɩɩ nɛ ba yel a vɔɔ niiŋ wɩa tuu jʋʋ, a tɩŋ Sɔɔl arɩ ʋ nanʋala Jonataŋ arɩ La TƖƖNA laalɩyuoroo wɩaa, bɛɛ wɩaa Iziral nɩ-daŋ nɛ ba kpʋ laalɩŋ lɛ.

2 SAMƲƐL 1:2

Tapʋl-torimuŋ chɛɛŋ, baal kʋbala lɩɩ Sɔɔl laalɩyuoroo buguŋ a fá kɔ Devit teeŋ. Ʋ gɛnnɩŋ kala fa kɩɛsa nɛ, ʋ nyuŋ ma kala bʋgɛ arɩ kʋŋkɔlʋŋ aa dagɛ tʋɔ-cheeŋ. Ʋ sɩ kɔ Devit teeŋ, ʋ tuu kpirimi ʋ sɩpaaŋ a chʋɔlʋ.

2 SAMƲƐL 12:16

Devit sʋl Wɩa dɩ ʋ leŋ dɩ bile duori. Ʋ yie vɩa kʋdiilee aŋ jʋʋ pɩŋ ʋ dɩa tinteeŋ tɩtaŋ na-kala.

2 SAMƲƐL 13:19

Tama ŋaa tʋɔrʋŋ a bʋgɛ ʋ nyuŋ, aŋ kɛŋ gɛrɩ-la ʋ fa sɩ laala a kɩɛsɛ, aŋ paa nɩsaa chʋŋ nyuŋ lɛ aŋ faasa yele viviiri.

2 SAMƲƐL 13:31

Kuoro sii a kɛŋ ʋ gɛrɩŋ a kɩɛsɛ a dɩdagɛ tʋɔ-cheeŋ, aŋ pɩŋ tinteeŋ. Ʋ tɩntɩnnaa ma kala sii chɩŋ a kɛŋ ba gɛnnɩŋ kɩɛsɛ.

2 KUOROO 22:11

Kuoro Josaaya sɩ nɩɩ wɩalɩŋ sɩ hɛ Wɩa wombiee teŋ-la tʋɔŋ, ʋ kɛŋ ʋ gɛnnɩŋ kɩɛsɛ aa dagɛ tʋɔ-cheeŋ.

2 IZIRAL TƖŊŊAA NAABARƖŊ 34:19

Kuoro Josaaya sɩ nɩɩ wɩalɩŋ sɩ hɛ Wɩa wombiiŋ teŋ-la tʋɔŋ, ʋ kɛŋ ʋ gɛnnɩŋ kɩɛsɛ aa dagɛ tʋɔ-cheeŋ.

ƐZƖRA 10:1

Ɛzɩra fa sɩ chʋɔlɛ Wɩa aŋ pɛ dɩdagɛ wɩalɩŋ ba sɩ ŋaa chei, a yiyel a foro titel Wɩa dɩa sɩpaaŋ, ŋɩɩ nɛ Iziral tɩŋŋaa nɩ-daŋ, baalaa, haalaa arɩ hambiisiŋ kʋ chɩna gollu, a ma faasa yiyel.

NƐHƖMAAYA 9:1

Chɛnɛ-la tɩtɩa tʋɔŋ tapʋlaa mara arɩ banɛsɛ chɛɛŋ, Iziral tɩŋŋaa hilimi, a vɔɔ niiŋ aŋ laalɛ tʋɔ-chei gɛnnɩŋ a ŋaa hagɩla bʋgɛ ba nyusuŋ.

ƐSƖTA 4:1

Modikaaya sɩ nɩɩ teŋ-la ba sɩ ŋmʋnsa wɩaa, ʋ kɛŋ ʋ gɛnnɩŋ kɩɛsɛ aŋ ŋaa tʋɔrʋŋ bʋgɛ, a laalɛ tʋɔ-chei gɛrɩŋ a faasaa ŋmoo niiŋ.

ƐSƖTA 4:3

Lee-la na-kala kuoro tɩndaarɩ-la sɩ yie ba karɩmɛ, Juu tɩmma-la sɩ hɛ nɩmɛ kala tʋɔŋ yie chei nɛ ba yiyel a bɩ kɩaa ka dii. Ba jesiŋ kala laalɛ tʋɔ-chei gɛnnɩŋ aŋ bʋgɛ tʋɔrʋŋ.

JOB 1:20

Job sɩ nɩɩ wɩaa deemba kala, ʋ sii kɛŋ ʋ gɛnnɩŋ kɩɛsɛ aŋ fʋŋ ʋ nyuŋ aa dagɛ tʋɔ-cheeŋ. Ŋɩɩ nɛ ʋ tuu tele chu tinteeŋ a chʋɔlɛ Wɩa

JOB 2:12

Ba sɩ kʋ chɩŋ dɩ-bolii aŋ naʋ, ba bɩ wuo jɩmʋ. Ŋɩɩ nɛ ba faasa ŋmuŋmoo niiŋ, a kɛŋ ba gɛnnɩŋ kɩɛsɛ aŋ ŋaa hagɩla hɛ ba nyusuŋ lɛ.

JOB 42:6

Ŋɩɩ wɩaa, hɩɩsɩŋ kɛmmɛ nɛ a tɩŋ wɩalɩŋ kala mɩ sɩ bʋla wɩaa. Mɩ ŋaa tʋɔrʋŋ bʋgɛ a hɔŋ hagɩla lɛ aa dagɛ arɩ mɩ bɩrɩmɛ mɩ niiŋ nɛ.”

JEMBIEE 2:10

Zaayɔŋ nɩhɩasɩŋ hɔŋ tinteeŋ nɛ a bɩ ba niiŋ wuo suri, a ŋaa kʋŋkɔlʋŋ bʋgɛ ba nyusuŋ a laalɛ tʋɔ-chei gɛnnɩŋ. Jerusalɛm hatoloo kɛŋ nyusuŋ gʋrɛ nɛ.

NAMBABA 14:6

Ba sɩ ŋaa ŋɩɩ, Nuŋ nanʋala Josua arɩ Jefuni nanʋala Kalɩb tʋɔŋ chei ba kɛŋ ba gɛnnɩŋ kɩɛsɛ. Ba ma fa hɛ nɩalɩŋ Mosis sɩ tɩma ba mʋ beŋ tintee-la tʋɔŋ nɛ.

NAMBABA 16:22

Ŋɩɩ nɛ Mosis arɩ Arɔŋ tuu tele chu aŋ ŋmoo niiŋ, “Ou Wɩa, ŋ nɛ ŋaa nuhuobiine mɩɩsɩŋ, nɩbala wʋbɔmʋŋ jaŋ leŋ dɩ ŋ na baanɩŋ ŋ nɩaa kala nyuŋ?”

NAMBABA 16:45

“Má sʋrɩsa lɩɩ nɩalɩŋ tʋɔŋ, ka dɩ mɩ kpʋ ba kala lɛɛlɛ.” Ŋɩɩ nɛ ba tuu tele chu tinteeŋ.

Tɩntɩŋŋaa 14:14

Banabas arɩ Pɔɔl sɩ nɩɩ wɩɩ-la ba sɩɩ chɛ ba ŋaa, ba kɛŋ ba gɛnnɩŋ kɩɛsɛ, aa dagɛ arɩ ba bɩ sɛyɛ, aŋ fá jʋʋ nɩalɩŋ tʋɔŋ a faasa bʋl,

JOSUA 7:7

Ŋɩɩ nɛ Josua pɩɛsɛ, “Ou, La TƖƖNA Wɩɩjarɩbakɔ, bɛɛ nɛ tɩɩ ŋ kɛnla a chol Jɔdaŋ fuo-la a kɔ daha dɩ ŋ jonla hɛ Amɔrɩ tɩŋŋaa nɩsɩŋ lɛ dɩ ba kpʋla? Ŋ fa maga ŋ leŋ dɩ la hɔŋ Jɔdaŋ fuo-la cholo sɛmɛ dɔŋɔ nɛ.

Jɔɔŋ Wʋnaalaa 18:19

Ba jaŋ ŋaa hagɩla hɩhɛ ba nyusuŋ lɛ aŋ yele bʋbʋl, “Ou, ou, tabalɩŋ deeŋ lɛ nɛ nɩalɩŋ kala fa sɩ kɛŋ lɩɩŋ daborusuŋ to a jigi. Má bee na, ʋ bɩ diene ka kɩalɩŋ kala ʋ fa sɩ kɛnɛ lɛl.

SƖPAALAARAA 11:35

Jɛfɩta sɩ naʋ, ʋ tʋɔŋ chei ʋ kɛŋ ʋ gɛnnɩŋ kɩɛsɛ aŋ ŋmoo niiŋ a bʋl, “Ou! Mɩ tolo! Ŋ kaa jʋʋ mɩ lɛ, mɩ tʋɔŋ faasa chei nɛ, bɛɛ wɩaa mɩ ta niiŋ nɛ La TƖƖNA teeŋ, mɩ bɩ jaŋ wuo vɩa nii-la lɩɩsɩŋ.”

SƖPAALAARAA 20:26

Ŋɩɩ nɛ Iziral tɩmma-la kala mʋ Bɛtɛl a hɔŋ La TƖƖNA sɩpaaŋ a yiyel. Tapʋlɩɩ-la ba vɔɔ niiŋ nɛ wɩa tuu jʋʋ, a ŋaa kʋnyɩgaa Wɩɩsʋlʋŋ arɩ nii-magɛ dɔŋɔ Wɩɩsʋlʋŋ a pɩ La TƖƖNA.

SƖPAALAARAA 21:2

Ŋɩɩ nɛ Iziral tɩŋŋaa mʋ Bɛtɛl a hɔŋ La TƖƖNA sɩpaaŋ, wɩa tuu jʋʋ, aŋ faasa yiyel.

1 SAMƲƐL 4:12

Tapʋlɩɩ-la tɩtɩa nɛ Bɛnjamɩŋ doho nɩaa laalɩyuoru kʋbala lɩɩ fá laal-baga lɛ, a kɛŋ ʋ gɛnnɩŋ kɩɛsɛ aŋ ŋaa hagɩla bʋgɛ ʋ nyuŋ aa dagɛ tʋɔ-cheeŋ, a fá mʋ Sɩlɔ.