JOSUA 7:5 - WƖA TENIŊ

⁵ ka ba kpʋ Iziral tɩŋŋaa nɩaa mara arɩ fɩɩ arɩ balɩdʋ. Aɩ tɩmma-la chɩŋ ba taŋ boi-baalɩŋ lɛ nɛ aŋ kiriba ŋɩɩ deeŋ deeŋ a jɩl lee-la ba sɩɩ yɛrɛ tabɩaa, a kpʋ dɔnsʋŋ ba sɩ lɩɩ dundollu-la nyuŋ kʋ tutuu. Ŋɩɩ nɛ fawʋllʋŋ jʋʋ Iziral tɩmma-la ba kala kpaŋ.

JOSUA 7:5 ပူးပေါင်းရင်းမြစ်များ

WƖA YƖƖLAA 22:14

Mɩ doluŋ kala nɛ dɛrɛ aŋ ka mʋa a nagɛ lɩɩ-suosoo. Mɩ haŋgbel-susugusuŋ kala lɩɩ, mɩ tʋɔbɩɩnaa kala lɛl a nagɛ keliŋ sɩ ŋmɩɛra.

WƖA YƖƖLAA 58:7

Leŋ dɩ ba nyɩɩgɛ a nagɛ lɩɩŋ sɩ pɛllɛ viiri. Dɩ ba nɛ lɛrɛ toŋ hɛ, leŋ dɩ ba hɛŋŋɛɛ niiŋ gbil.

AZAAYA 13:7

A tɩŋ wɩɩŋ deeŋ wɩaa, nɩaa nɩsaa jaŋ sʋʋ, nʋʋkala nandaasɩŋ jaŋ yʋɔrɛ.

ƐZƖKƖƐL 21:7

Dɩ ba nɛ pɩɛsɩŋ, ‘Bɛɛ nɛ tɩɩ ŋ huhuuni?’ Bʋla pɩba, ‘Wɩalɩŋ sɩɩ kɔ nɛ tɩɩ. Nʋʋkala tʋɔŋ jaŋ faasa chei, dɩ nʋʋkala nɩsaa ŋaa gbɛlɛɛ, dɩ nʋʋkala nandaasɩŋ yʋɔrɛ, dɩ fawʋllʋŋ jʋʋ nʋʋkala dɩ ba naadʋsʋŋ chichel.’ Wɩɩ-la ka kɔ nɛ, ʋ sɛnɛ jaŋ ŋaa, mɩ-na ma TƖƖNA Wɩɩjarɩbakɔ nɛ bʋla.”

LEVI DOHO NƖAA 26:36

Ma nɩalɩŋ kala sɩ ka a hɛ ma dʋndɔŋŋɔɔ tinteyee lɛ, mɩ jaŋ joŋ fawʋllʋŋ hɛ ma lɛ, dɩ wʋbie kala nɛ ŋaa, dɩ ma bɔɩsɩŋ joŋ. Ma jaŋ fá a foro titel a nagɛ laalɩŋ sɩɩ kiri nɩaa, ka nʋʋkala bɩ maa kiri.

NAHUM 2:10

Ba chei tabal-la kala nɛ ʋ pɩŋ hoi, kʋŋkala bɩra tuo ʋ lɛ. Fawʋllʋŋ kɛmba ba chichel, ba nandaasɩŋ kala yʋɔrɛ, ba sɩaa ma bibiri.

MOSIS BƖRA WULLI WƖA WOMBIIŊ 1:44

Amɔrɩ tɩmma-la sɩ hɛ peel-la nyuŋ kʋ lɩɩ a nagɛ tʋʋ-bii-laalɩŋ a kirima a lɩɩ peel-la ba sɩɩ yɩrɛ Ɛdɔm lɛ a kaa mʋ taŋ-la ba sɩɩ yɩrɛ Hɔma.

JOSUA 2:11

La sɩ nɩɩ wɩalɩŋ fawʋllʋŋ jʋʋla nɛ, nʋʋkala nandaasɩŋ yʋɔrɛ a tɩŋ ma wɩaa. Ma TƖƖNA Wɩa nɛ tɩɩ tinteeŋ arɩ wɩa-nyuŋ kala.

JOSUA 2:9

a bʋla pɩba, “Mɩ jɩma arɩ La TƖƖNA joŋ tinteeŋ deeŋ a pɩma nɛ, ma wɩaa paala leŋ fawʋllʋŋ chaasa jʋʋla nɛ. Nʋʋkala sɩ hɛ tinteeŋ deeŋ lɛ kpaŋa nɛ a tɩŋ ma wɩaa.

JOSUA 5:1

Amɔrɩ tɩŋŋaa kuorie-la sɩ hɛ Jɔdaŋ fuo-la wɩɩjʋʋlʋŋ arɩ Kɛnaŋ tɩŋŋaa kuorie-la sɩ hɛ Mediterenia mʋgʋ-balɩŋ niiŋ fa sɩ nɩa dɩ La TƖƖNA ŋaa Jɔdaŋ fuoŋ hʋ nɛ ka Iziral tɩŋŋaa chol, fawʋllʋŋ chaasa jʋʋba woruŋ. A tɩŋ Iziral tɩmma-la wɩaa ba nandaasɩŋ yʋɔrɛ arɩ ba sɩ jaŋ cheme yuoba.