JOSUA 7:24 - WƖA TENIŊ

²⁴ Ŋɩɩ nɛ Josua arɩ Iziral tɩmma-la kɛŋ Zɛra nanʋala Ekaŋ a paa warɩpʋla-la, gɛrɩ-la arɩ sɛlɩmɛ-la a kɛsɛ ʋ hambolibiisiŋ, ʋ toloo, ʋ nɛsɩŋ, ʋ kakusuŋ arɩ ʋ piesee, a churi ʋ lɛbɩŋ arɩ kʋŋ na-kala ʋ sɩ kɛnɛ a kaa tʋʋ fuonaa kʋbala baa yɩrɛ Akɔ.

JOSUA 7:24 ပူးပေါင်းရင်းမြစ်များ

WƖAA DƖ-SUOMUŊ 18:25

Ʋ bɩ kɩsɛ dɩ ŋ kpʋ tʋɔpʋl tɩŋŋaa arɩ nɩbɔŋŋɔɔ kala hɛ dɔŋɔ lɛɛ? Ŋɩɩ bɩ kɩsɛɛ, Nɩɩ-la sɩ jaŋ dii dʋnɩa kala sarɩya sɩ jaŋ ŋaa ŋɩɩ?”

JOB 20:15

Ʋ jaŋ lusi dʋa-la kala ʋ sɩ liŋe. Wɩa jaŋ leŋ dɩ ʋ tʋɔsɛ ba kala.

MOSIS KƐŊ IZIRAL TƖŊŊAA LƖƖ 20:5

Má pɔ dɩ ma sɩ́ ba sɩpaaŋ kpirimi koo a zilba arɩ ba ma ŋaa Wɩa nɛ. Mɩ nɛ ma TƖƖNA Wɩa, a ŋaa Wɩa sɩ kɛŋ hadɔrʋŋ. Nɩalɩŋ sɩ bɛrɛmɛ, mɩ jaŋ dɔgɩsɛba. Mɩ jaŋ dɔgɩsɛ biiriŋ arɩ nihee arɩ nihi-lɩɛrɛba a tɩŋ ba nyɩmmaba wʋbɔŋŋɔɔ wɩaa.

NAMAGABA 15:27

Yarɩ-bieri tɩɩna sɩ gɩrɩma lɩlaa nɩaa kɩaa yie lɛrɛ wɩaa nɛ kʋ hɛ ʋ dɩa nɩaa lɛ. Ama nɩɩ-la sɩ bɛrɛ kpalaa diiniŋ mɩɩsɩŋ jaŋ duomi.

TƖƖCHA 5:13

Wʋbɔŋ sɩ chaasa lɔrɛ nɛ mɩ na dʋnɩa lɛ: Kɩaa tɩɩna joŋ dʋa bil nɛ, ʋ bɩrɩmɛ ʋ nyu-bɔŋ.

AZAAYA 65:10

Sarɔŋ tinteeŋ jaŋ ŋaa mɩ nɩalɩŋ sɩɩ tomi pʋsʋŋ dɩ-diiliŋ, dɩ Akɔ fuonaaŋ ma bɩrɩmɛ lee ba sɩ jaŋ pɩna wiesi.

HOSIA 2:15

Nɩmɛ nɛ mɩ jaŋ bɩra joŋ ʋ tɩɩnɛnɛɛ bagɩsɩŋ pʋ, a leŋ dɩ Akɔ fuonaa-la fa sɩ ŋaa wʋjʋʋlaa lee, dɩ ʋ mɩɩra ŋaa lee sɩ kɛŋ yɩɛlaa. Nɩmɛ nɛ ʋ jaŋ yɩɩ yɩɩlaa a nagɛ ʋ hambiiriŋ bʋa lɛ, a nagɛ tapʋlɩɩ-la ʋ sɩ lɩɩ Ijipiti tinteeŋ lɛ.

JOSUA 15:7

Tintee-la bʋa nɛ ha jɩla to Akɔ fuonaaŋ a lɩɩ nɩmɛ a mʋ yi Dɛbɩ aŋ bɩra gɛbɛ wɩɩpɔsʋŋ nagʋa dɩɩrɩŋ ŋɩɩ a mʋ yi Gɩlɩgal, a chaasɛ Adumim wombii-la sɩ hɛ peelee pɛgɛ a joŋ ŋɩɩ a mʋ fuonaa-la sɩ hɛ wɩɩpɔsʋŋ nadiiŋ dɩɩrɩŋ. Ʋ ha pɩŋ ŋɩɩ nɛ a mʋ to Ɛŋ-Sɛmɛs lɩɩ-bulo-la leriŋ, a to ŋɩɩ a kʋ lɩɩ Ɛŋ-Rɔgɛl.

JOSUA 22:20

Bʋa-la lɛ Ekaŋ, Zɛra nanʋala sɩ bɩ La TƖƖNA niiŋ to aŋ paa kɩalɩŋ ʋ sɩ sɩ ba chei, La TƖƖNA fa tɩŋ ŋɩɩ wɩaa a dɔgɩsɛ Iziral tɩŋŋaa kala nɛ. Ekaŋ dʋndʋŋa dee fa bɩ sʋba a tɩŋ wʋbɔŋ-la ʋ sɩ ŋaa wɩaa.”

JOSUA 6:18

Má pɔ ma tɩtɩa lɛ woruŋ, a lɩɩsɛ ma nɩsɩŋ La TƖƖNA kɩalɩŋ sɩ maga dɩ ma chei lɛ, dɩ ŋɩɩ dee ma jaŋ lɔgɛ wɩaa a wurisi ma tɩtɩa a chei Iziral tɩŋŋaa.

JOSUA 6:21

Ba chei taŋ-la kala nɛ, a kpʋ kʋŋ na-kala sɩ weye: baalaa, haalaa, hambiisiŋ arɩ nɩhɩasɩŋ, nɛsɩŋ, piesee arɩ kakusuŋ kala.

JOSUA 7:1

La TƖƖNA fa sɩ bʋla pɩ Iziral tɩŋŋaa dɩ ba sɩ́ kʋŋkala sɩ maga dɩ ba chei Jeriko lɛ joŋ ŋɩɩ, ba bɩ nii-la kaa tɩŋ. Ka baal kʋbala ba sɩɩ yɩrɛ Ekaŋ vɩa aŋ paa kɩalɩŋ dɔnsʋŋ. Ekaŋ nyɩmma nɛ Kaamɩ, Kaamɩ ma nyɩmma nɛ Zimiri, Zimiri ma nyɩmma nɛ Zɛra. Ba kala ŋaa Juda doho nɩaa nɛ. Ŋɩɩ nɛ La TƖƖNA na baanɩŋ Iziral tɩŋŋaa kala nyuŋ.

JOSUA 7:23

Ŋɩɩ nɛ ba paa kɩalɩŋ kala lɛbɩ-la tʋɔŋ a kaa kʋ lɩɩ Josua arɩ Iziral tɩŋŋaa kala teeŋ, a kaa bɩsa bil La TƖƖNA sɩpaaŋ.

JOSUA 7:26

Ŋɩɩ nɛ ba paa tabɩaa a chʋɔrɛ Ekaŋ nyuŋ, arɩ jɩnɩŋ kala tabɩa-la ha hɛ nɩmɛ. Ŋɩɩ nɛ tɩɩ ba hɛ lee-la yɩrɩŋ Akɔ fuonaaŋ. Ŋɩɩ nɛ La TƖƖNA baanɩŋ fɩɛlɛ.