JOSUA 7:21 - WƖA TENIŊ

²¹ Kɩalɩŋ la sɩ yuo laa tʋɔŋ, mɩ na Babɩlɔŋ tɩŋŋaa gɛrɩ-zɔŋ kʋbala nɛ a joŋ, arɩ warɩpʋla yuŋuŋ sɩ yi kilo balɩa arɩ mʋa a pɛ sɛlɩmɛ yuŋuŋ sɩ yi kilo kpaa magɛ dɔŋɔ lɛ. Kɩaa deemba nɛ mɩ na mɩ sɩɩŋ jʋʋba mɩ lʋara paa. Ba nɛ mɩ joŋo hugi mɩ lɛbɩŋ tʋɔŋ, a leŋ warɩpʋla-la hɛ bʋbʋɔŋ.”

JOSUA 7:21 ပူးပေါင်းရင်းမြစ်များ

WƖAA DƖ-SUOMUŊ 10:10

Ʋ kuoruŋ gentisiŋ nɛ fa ŋaa Babɩlɔŋ, Ɛrɛk, Akad arɩ Kalɩnɛ sɩ hɛ Babɩlɔŋ tinteeŋ lɛ.

WƖAA DƖ-SUOMUŊ 3:6

Ŋɩɩ nɛ haal-la beŋ a na tɩa-la nɛnɛɛ dɩ ba zɔmɔ sɩɩŋ lɛ, aŋ zɔŋ arɩ diiniŋ ma aŋ bɩra cho dɩ ʋ kɛŋ wʋjɩmɩŋ. Ʋ tɔrɔ dii, aŋ tɔrɔ pɩ ʋ bala ma ʋ dii.

WƖAA DƖ-SUOMUŊ 34:27

Jekɔb biiriŋ to sʋʋnʋ-la tʋɔŋ a paa tabal-la kɩaa kala a tɩŋ ba sɩ gurigi ba dɩhaala wɩaa.

WƖAA DƖ-SUOMUŊ 6:2

Wɩa bii-baalaa na dɩ hantolibiisi-la zɔmɔ, ba jaa nɩalɩŋ ba sɩ cho.

2 SAMƲƐL 11:2

Dɩdaaŋ kʋbala Devit sii doŋ lɛ a gʋgɔllɛ ʋ kuoru dɩa lusuŋ nyuŋ. Nɩmɛ nɛ ʋ hɛ aŋ na haal kʋbala dɩ ʋʋ fo lɩɩŋ. Haal-la fa zɔmɔ nɛ woruŋ.

2 KUOROO 7:8

Dayalɩma-la banɛsɛ mʋ yi Siiria tɩŋŋaa buguŋ niiŋ dɩ nʋʋkala tuo. Ŋɩɩ nɛ ba jʋʋ ba lɛbɩŋ dɔŋɔ a paa kɩaa dii aŋ nyʋa kʋnyʋalaa a vɔgɛ, aŋ paa warɩpʋla, sɛlɩmɛ arɩ gɛnnɩŋ a kaa mʋ faa, aŋ bɩra mɩɩra mʋ jʋʋ lɛbɩŋ dɔŋɔ ma a paa kɩaa dɔnsʋŋ ma a bɩra kaa mʋ faa.

JOB 31:1

Mɩ bil niiŋ nɛ, arɩ mɩ bɩ jaŋ beŋ hantolibie a hɩɛnʋ.

WƖA YƖƖLAA 119:37

Lɩɩsɛmɛ wʋtɔɔnʋŋ lɛ, a leŋ dɩ mɩ to ŋ niiŋ wɩaa a kɛŋ mɩɩsɩŋ.

MOSIS KƐŊ IZIRAL TƖŊŊAA LƖƖ 20:17

Má pɔ dɩ ma sɩ́ ma dɔnsʋŋ tɩŋŋaa kɩaa hɩɛnʋ: ba dɩɩsɩŋ, ba haalaa, ba dɩa tɩntɩnnaa baalaa koo haalaa, ba nɛsɩŋ koo ba kakusuŋ, koo kʋŋ na-kala ba sɩ kɛnɛ.”

NAMAGABA 1:19

Nʋʋkala sɩ dii doluŋ nɩaa lɛ a dʋa, dol-la ʋ sɩ die nɛ jaŋ kpʋʋ.

NAMAGABA 23:31

Sɩ́ sɩnɩŋ sɩ fɩɛsɛ ŋɩɩ lɛ beŋ. Ʋ hɛ gbaŋa lɛ nɛ aŋ sisii fʋnfʋga, ʋ jaŋ tuu yikoro fɛlɛlɛ.

NAMAGABA 28:22

Tʋɔ-bɔŋ tɩɩna yie chichel nɛ dɩ ʋ dʋa, aŋ bɩ jɩŋ dɩ nyaaŋ ka gbɛrʋ nɛ.

NAMAGABA 4:23

Kɛŋ ŋ tʋɔbɩɩnaa woruŋ, bɛɛ wɩaa, ba nɛ jaŋ leŋ dɩ ŋ wʋŋaalaa tʋʋlɛ.

AZAAYA 28:15

Ma bigisi ma tɩtɩa lɛ nɛ a bʋl, “La dɩ sʋʋŋ bil niiŋ pɩ dɔŋɔ nɛ, la dɩ lɛlɛɛ-jaŋ ma bʋla nɩɩ dɔŋɔ. Dɩ wʋbɔŋ nɛ kʋ jʋʋ la tinteeŋ ma, ʋ bɩ jaŋ ŋaala wɩɩkala, bɛɛ wɩaa la kɛŋ wʋnyɩɛrɩŋ a pilime tɔ la tɩtɩa nɛ dɩ ʋ laala ta.”

AZAAYA 29:15

Wɩaa jaŋ jʋʋ nɩalɩŋ kala sɩ joŋ ba wɩaa faa La TƖƖNA, nɩalɩŋ sɩɩ ŋaa wɩaa birimiŋ tʋɔŋ aŋ bʋl, “Kʋbɛɛ nɩɩ nala? Kʋbɛɛ nɛ jaŋ jɩŋ?”

HABAKU 2:9

Wɩɩŋ puu nɩɩ-la sɩ bɩ wʋtɩtɩɩ lɛ to a dʋa kɩaa, a saa dɩa-la doho dʋndɔmɔ sɩ bɩ wuo jʋjʋʋ dɩ wʋbɔŋ kala sɩ́ ʋ jʋʋ.

Luuk 12:15

Ŋɩɩ nɛ ʋ bɩra bʋla pɩ nɩalɩŋ, “Má fɩɛlɛ ma sɩaa a sɩ́ tʋɔ-luŋuŋ kɛŋ. Dɩ nuhuobiine nɛ kɛŋ kɩaa kɩŋkɛŋ, kɩalɩŋ bɩ jaŋ wuo leŋ dɩ ʋ kɛŋ mɩɩsɩŋ.”

Luuk 12:2

Wɩɩkala sɩ faa, ʋ jaŋ kʋ lɩɩ pʋlʋmʋŋ, nɩaa jaŋ nɩɩ wɩɩ-la ma sɩ ŋaa wʋfaalɩɩ.

Ɛfɛsɩs Nɩaa 5:3

Ma sɩ ŋaa Wɩa nɩaa ŋɩɩ, ʋ maga dɩ ma lɩɩsɛ ma tɩtɩa wʋlɩɩlɩŋ lɛ, a bɩra lɩɩsɛ ma tɩtɩa disiŋ kala lɛ, a sɩ́ tʋɔ-luŋuŋ kɛŋ.

Ɛfɛsɩs Nɩaa 5:5

Ʋ maga dɩ ma jɩŋ woruŋ, arɩ nɩalɩŋ sɩɩ ŋaa wʋlɩɩlɩŋ koo nɩalɩŋ sɩɩ ŋaa disiniŋ, arɩ nɩalɩŋ sɩ kɛŋ tʋɔ-luŋuŋ [tʋɔ-luŋuŋ nagɛ vʋɩ-kpaarɩŋ nɛ], nɩaa deemba kʋŋkala bɩ jaŋ dii kɩalɩŋ Wɩa sɩ ŋaa bil ʋ nɩaa lɛ, ʋ-na Wɩa arɩ Kirisito kuorii-la tʋɔŋ.

MOSIS BƖRA WULLI WƖA WOMBIIŊ 7:25

Má nyɩgɛ ba vesi-la kala. Má sɩ́ vesi-la sɛlɩmɛ arɩ hɔpʋla paa a kɛŋ. Dɩ ma nɛ ŋaa ŋɩɩ, ʋ jaŋ lɔrɛ a pɩma, bɛɛ wɩaa ma TƖƖNA Wɩa ka kɩsɛ ŋɩɩ nɛ.

Koloosi Nɩaa 3:5

Ʋ maga dɩ ma kpʋ dʋnɩa wɩalɩŋ kala sɩ hɛ ma lɛ a ta nɛ. Ba nɛ ŋ-la: Wʋlɩɩlɩŋ ŋaanɩŋ, disiniŋ ŋaanɩŋ, yaraa wʋchooloo, wʋbɔŋŋɔɔ bɩɩnɩŋ, tʋɔ-luŋuŋ. Tʋɔ-luŋuŋ-na paala nagɛ vʋɩ-kpaarɩŋ nɛ.

Hiburu TƖŊŊAA 13:5

Má sɩ́ faasa cho moribiee kɩŋkɛŋ. Kɩalɩŋ ma sɩ kɛnɛ, má leŋ dɩ ma sɩɩŋ suba. Ŋ-la nɛ Wɩa bʋl ʋ teniŋ tʋɔŋ. Ʋ sɩ, “Mɩ bɩ jaŋ vɩama ta. Mɩ bɩ jaŋ kɔ dɩ mɩ lɩɩ ma harɩŋ.”

Jeems 1:15

Dɩ ʋ nɛ sɛyɛ dɩ ʋ to tʋɔbɩɩŋ bɔmɔ-la lɛ, ba yie leŋ ʋ ŋɩŋaa wʋbɔŋŋɔɔ. Dɩ wʋbɔmɔ-la nɛ kʋ yʋgɛ ba yie ŋaa nɩɩ-la sʋʋ.

JOSUA 7:20

Ŋɩɩ nɛ Ekaŋ bʋl, “Wʋtɩtɩɩ nɛ, mɩ ŋaa wʋbɔŋ nɛ La TƖƖNA Iziral tɩŋŋaa Wɩa teeŋ. Wɩɩ-la mɩ sɩ ŋaa nɛ ŋ-la:

JOSUA 7:22

Ŋɩɩ nɛ Josua tɩŋ nɩaa ba fá jʋʋ lɛbɩ-la tʋɔŋ a na kɩalɩŋ dɩ ba hugi nɩmɛ, ka warɩpʋla-la hɛ bʋbʋɔŋ.

2 Pɩɩta 2:15

Nɩaa deemba vɩa Wɩa wombiiŋ nɛ a yeŋŋi. Baa to bumbuŋ baal kʋbala harɩŋ nɛ baa yɩrɛ Balam. Ʋ nyɩmma yɩrɩŋ nɛ fa Bioo. A tɩŋ moribiee wɩaa Balam fa vɩa Wɩa wɩaa aŋ tuto wʋbɔŋŋɔɔ harɩŋ.