JOSUA 7:12 - WƖA TENIŊ

¹² Ba chei ba tɩtɩa nɛ, ŋɩɩ nɛ tɩɩ Iziral tɩŋŋaa bɩra bɩ ba dʋndɔŋŋɔɔ wuo ŋɩɩ. Mɩ bɩra bɩ jaŋ chɩŋ ma harɩŋ see dɩ ma chei kɩalɩŋ kala mɩ sɩ sɩ ma chei.

JOSUA 7:12 ပူးပေါင်းရင်းမြစ်များ

WƖA YƖƖLAA 44:10

Ŋ leŋe la dʋndɔŋŋɔɔ kirila nɛ, la fá, ka ba paa la kɩaa.

WƖA YƖƖLAA 60:10

Wɩa, ŋ nɛ vɩala ta, a bɩra bɩ la laalɩyuoroo kaa mʋ laalɩŋ.

NAMAGABA 28:1

Nɩbɔmʋŋ yie fá nɛ dɩ nʋʋ bɩ ʋ kire, ama tʋɔpʋl tɩɩna-na kɛŋ nyuduoŋ a nagɛ naachigiŋ nɛ.

AZAAYA 59:2

Má wʋbɔŋŋɔɔ nɛ kɛŋ ma pɔrɛ Wɩa lɛ, ma wʋcheelee nɛ leŋe ʋ joŋ harɩŋ yɩama, dɩ ʋ sɩ́ ma wɩɩkala nɩɩ.

JƐRƖMAAYA 23:33

La TƖƖNA bʋla pɩ Jɛrɩmaaya, “Dɩ nɩaa deemba, koo mɩ wʋlaabʋllʋ koo nʋʋ sɩ kpʋ pʋsʋŋ pɩpɩmɛ nɛ pɩɛsɩŋ, ‘Wʋbɛɛ nɛ La TƖƖNA bʋl?’ Bʋla pɩba, ‘Ma ŋaa chʋga nɛ a pɩ ma TƖƖNA, ʋ jaŋ vɩama ta.’

JƐRƖMAAYA 6:8

Jerusalɛm tɩmma, má jegile nɩɩ ŋɩɩ mɩ sɩɩ chagɩlɛma, dɩ ŋɩɩ dee, mɩ jaŋ lɩɩ ma harɩŋ, a leŋ dɩ ma tinteeŋ pɩŋ hoi dɩ nʋʋkala sɩ́ wuo hɔŋ nɩmɛ.”

HOSIA 9:12

Dɩ ba nɛ paala dɩɛsɛ ba biiriŋ ma, mɩ jaŋ leŋ dɩ ba sʋʋ, ba kʋŋ bɩ jaŋ ka. Hɛɛŋ jaŋ jʋʋba dɩ mɩ nɛ mɩɩrɛ ba harɩŋ.

HABAKU 1:13

Ŋ sɩaa zɔmɔ nɛ kɩŋkɛŋ, ŋ sɩ jaŋ kaa beŋ wʋbɔŋŋɔɔ. Ŋ bɩ jaŋ sɛɩ pɩ nɩalɩŋ sɩ bɩ wɩaa woruŋ ka ŋaa. Bɛɛ nɛ saa tɩɩ ŋ sɛɩ pɩ nɩbɔŋŋɔɔ? Bɛɛ nɛ tɩɩ ŋ tɔrɛ ŋ niiŋ, ka nɩbɔŋŋɔɔ chichei nɩalɩŋ sɩ kɛŋ tʋɔpʋla a kɩɩba?

NAMBABA 14:39

Mosis sɩ bʋl wɩalɩŋ kala La TƖƖNA sɩ bʋla a pɩ Iziral tɩŋŋaa, ba faasa yel.

NAMBABA 14:42

Má sɩ́ mʋ, bɛɛ wɩaa La TƖƖNA tuo ma teeŋ, ma dʋndɔŋŋɔɔ jaŋ yuo diima.

NAMBABA 14:43

Amalɛk tɩŋŋaa arɩ Kɛnaŋ tɩŋŋaa jaŋ yuoma, bɛɛ wɩaa ma mɩɩrɛ La TƖƖNA harɩŋ nɛ. Ʋ bɩ jaŋ to ma harɩŋ, ŋɩɩ jaŋ leŋ ma dʋndɔŋŋɔɔ yuo diima.”

NAMBABA 14:45

Ŋɩɩ nɛ Amalɛk tɩŋŋaa arɩ Kɛnaŋ tɩmma-la sɩ hɔŋ tintee-la lɛ peelee sɩ yʋga sii kʋ tuu a yuo diiba, a kiriba ŋɩɩ a kʋ yi taŋ-la ba sɩɩ yɩrɛ Hɔma.

MOSIS BƖRA WULLI WƖA WOMBIIŊ 7:26

Ma pʋpɔ má sɩ́ vesiŋ deemba kʋŋkala kaa kʋ jʋʋ ma dɩa. Dɩ ma nɛ ŋaa ŋɩɩ, ŋmɩaŋ-la sɩɩ to vesi-la jaŋ mɩɩra toma. Má kɩkɩsɛ kɩaa deemba a sɩ́ leŋe dɩ ba kpagɛma, bɛɛ wɩaa La TƖƖNA ŋmɩɛsa hɛ vesi-la lɛ nɛ.

JOSUA 6:18

Má pɔ ma tɩtɩa lɛ woruŋ, a lɩɩsɛ ma nɩsɩŋ La TƖƖNA kɩalɩŋ sɩ maga dɩ ma chei lɛ, dɩ ŋɩɩ dee ma jaŋ lɔgɛ wɩaa a wurisi ma tɩtɩa a chei Iziral tɩŋŋaa.

SƖPAALAARAA 16:20

Ŋɩɩ nɛ aŋ yɩrɛ, “Samɩsɩŋ, Fɩlɩsɩtɩa tɩŋŋaa nɩɩ kɔ ŋ lɛ.” Ʋ sii doŋ lɛ a bɩɩnɛ ʋ tʋɔŋ lɛ arɩ ʋ jaŋ lɩɩ a nagɛ ʋ sɩ vɛnɛɛ lɩɩ ŋɩɩ a pigise laa ʋ tɩtɩa. Ama ʋ fa bɩ jɩŋ arɩ La TƖƖNA leŋu nɛ.

SƖPAALAARAA 2:14

La TƖƖNA sɩ na baanɩŋ Iziral tɩŋŋaa nyuŋ ŋɩɩ, ʋ jomba hɛ laalɩyuoroo nɩsɩŋ lɛ, ba yuoba a paa ba kɩaa kala. Ʋ jomba hɛ ba dʋndɔmɔ-la kala sɩ golliba nɩsɩŋ lɛ nɛ, nɩalɩŋ nɩsɩŋ lɛ ba sɩ bɩ wuo fori.

SƖPAALAARAA 2:4

Wɩa tɩndaarʋ-la sɩ bʋl wɩaa deemba a pɩ Iziral tɩŋŋaa, ba kala faasa ŋmoo niiŋ.

1 SAMƲƐL 14:38

Ŋɩɩ wɩaa Sɔɔl bʋl, “Má nɩalɩŋ kala sɩ ŋaa laalɩyuoroo sɩpaalaaraa, má kɔ la chɛ na wʋbɔŋ-la la sɩ ŋaa jɩnɩŋ.