JOSUA 7:11 - WƖA TENIŊ

¹¹ Iziral tɩŋŋaa ŋaa wʋbɔŋ nɛ, a chei nii-la mɩ sɩ bile a pɩba dɩ ba to. Ba paa kɩalɩŋ dɔnsʋŋ sɩ maga dɩ ba chei nɛ, ba gaa kɩalɩŋ nɛ, aŋ nyɩɛ wɩaa, aŋ paa guoli ba kɩaa tʋɔŋ.

JOSUA 7:11 ပူးပေါင်းရင်းမြစ်များ

2 KUOROO 18:12

Wɩaa deemba kala ŋaa Iziral tɩŋŋaa lɛ, a tɩŋ ba sɩ bɩ ba TƖƖNA Wɩa niiŋ to nɛ, aŋ chei nii-la ʋ sɩ bile ʋ dɩ ba pɛgɛ arɩ wɩalɩŋ La TƖƖNA tɩntɩnna Mosis sɩ dagɛba. Ba bɩ wɩalɩŋ jegile nɩɩ koo a toba.

2 KUOROO 5:24

Gehazi sɩ kʋ yi dundolo-la nyuŋ Elaasa sɩ hɛ, ʋ laa kɩalɩŋ nɩalɩŋ teeŋ a joŋo bil dɩa lɛ, aŋ taba ba viiri.

AZAAYA 24:5

Dʋnɩa nɩaa ŋaa tinteeŋ kɛŋ disiniŋ nɛ. Ba chei La TƖƖNA wombie-la ʋ sɩ bile dɩ la tuto nɛ a vɩa wɩalɩŋ ʋ sɩ daga, aŋ ŋaa wɩaa chei nii-la fa sɩ maga ʋ hɛ ʋ dɩ ba pɛgɛ a kaa mʋ wuu.

JƐRƖMAAYA 31:32

Ʋ bɩ jaŋ nagɛ nii-la mɩ fa sɩ bile mɩ dɩ ba naabalɩmaba pɛgɛ, bʋa-la lɛ mɩ sɩ kɛmba kaa kʋʋ lɩɩ Ijipiti tinteeŋ lɛ. Mɩ fa ŋaa ba bala nɛ, aŋ ka ba ha pɛ vɩa aŋ chei nii-la sɩ hɛ mɩ dɩ ba pɛgɛ. La TƖƖNA nɛ bʋla.”

HOSIA 6:7

Ama ma nagɛ Adam nɛ a chei nii-la sɩ hɛ mɩ dɩ ba pɛgɛ, ba bɩ wʋtɩtɩɩ kɛnɛ mɩ teeŋ.

LEVI DOHO NƖAA 5:15

“Dɩ nʋʋ nɛ bɩ jɩŋ aŋ bɩ kʋŋ ʋ sɩ maga dɩ ʋ time pɩ Wɩa time, ʋ maga dɩ ʋ lɩɩsɛ cheeriŋ pie-bele sɩ bɩ nyɔɔ kala kɛnɛ, a sʋl Wɩɩsʋlʋŋ pɩ mɩ-na ma TƖƖNA. Piesu-la yalɩŋ maga dɩ ʋ magɛ ŋɩɩ ma sɩ daga Wɩa dɩa lɛ.

HABAKU 2:6

Nɩalɩŋ ba sɩ yuo kɛsɛ jaŋ sisieri ba lɛ a mʋmɔmba a bʋl, ‘Wɩaa puu nɩalɩŋ sɩ gaa kɩaa su ba dɩɩsɩŋ, nɩalɩŋ sɩ laa nɩaa kɩaa a bil chɩmɩŋ bʋa lɛ a dʋa kɩaa.’ Ɛɛ nɛ maa chɛ dɩ ma ŋaa wɩɩŋ deeŋ a diene magɛ?

ZƐKARƖYA 5:4

La TƖƖNA doluŋ kala Tɩɩna sɩ, ‘Mɩ jaŋ leŋ dɩ teŋ-la lɩɩ, a mʋ jʋʋ gaarʋ kala dɩa arɩ nɩalɩŋ sɩɩ nyɩɛ wɩaa aŋ ŋmɩŋmɩɛsɛ mɩ yɩrɩŋ lɛ. Teŋ-la jaŋ ka ʋ dɩa lɛ a chei dɩa-la daasɩŋ arɩ ʋ tabɩaa kala.’ ”

Matiu 22:21

Ŋɩɩ nɛ ba bʋl dɩ Siiza yɩrɩŋ nɛ. Ʋ bʋla pɩba, “Tɔɔ, má joŋ Rom tinteeŋ kuori-bal-la kɩaa pʋ aŋ joŋ Wɩa ma kɩaa pʋ.”

Tɩntɩŋŋaa 5:9

Ŋɩɩ nɛ Pɩɩta bɩra pɩɛsʋ, “Bɛɛ nɛ tɩɩ ŋ dɩ ŋ bala vʋʋrɛ dɩ ma magɩsɛ Wɩa Dɩŋ-zɔmʋŋ? Bee na, nɩalɩŋ sɩ joŋ ŋ bala mʋ hugi, ba nɛ chɩŋ boiŋ niiŋ ŋɩɩ. Ba saa jaŋ joŋuŋ ma lɩɩ.”

MOSIS BƖRA WULLI WƖA WOMBIIŊ 17:2

Tasɩ-la ma TƖƖNA Wɩa sɩ jaŋ joŋo pɩma dɩ ma hɔŋ ba lɛ, dɩ baal koo haal nɛ hɛ ma tʋɔŋ a vɩa La TƖƖNA niiŋ, a ŋaa wʋbɔŋ a chei nii-la sɩ hɛ ma dɩ ma TƖƖNA pɛgɛ,

Hiburu TƖŊŊAA 4:13

Kʋŋkala tuo sɩ jaŋ wuo kɛŋ ʋ tɩtɩa faa Wɩa teeŋ. Wɩa na kʋŋkala nɛ, ʋ teeŋ ba kala hɛ pʋlʋmʋŋ tʋɔŋ nɛ. Ʋ jaŋ leŋ dɩ la dagɛ la wʋŋaalaa kala a pʋ.

JOSUA 23:16

Dɩ ma nɛ vɩa dɩ ma to nii-la sɩ hɛ ma dɩ ma TƖƖNA Wɩa pɛgɛ, kʋ-la ʋ sɩ dagɛma, aŋ kpʋkpaarɛ vesiŋ a kpikpirimi ba sɩpaaŋ, La TƖƖNA jaŋ na baanɩŋ ma nyuŋ a leŋ dɩ ma kala guu nyɩɩgɛ tintee-zɔŋ-la ʋ sɩ joŋo pɩma lɛ.”

JOSUA 7:1

La TƖƖNA fa sɩ bʋla pɩ Iziral tɩŋŋaa dɩ ba sɩ́ kʋŋkala sɩ maga dɩ ba chei Jeriko lɛ joŋ ŋɩɩ, ba bɩ nii-la kaa tɩŋ. Ka baal kʋbala ba sɩɩ yɩrɛ Ekaŋ vɩa aŋ paa kɩalɩŋ dɔnsʋŋ. Ekaŋ nyɩmma nɛ Kaamɩ, Kaamɩ ma nyɩmma nɛ Zimiri, Zimiri ma nyɩmma nɛ Zɛra. Ba kala ŋaa Juda doho nɩaa nɛ. Ŋɩɩ nɛ La TƖƖNA na baanɩŋ Iziral tɩŋŋaa kala nyuŋ.

JOSUA 7:10

Ŋɩɩ nɛ La TƖƖNA bʋla pɩ Josua, “Sii, bɛɛ nɛ tɩɩ ŋ pɩna chu?

SƖPAALAARAA 2:20

Ŋɩɩ wɩaa, La TƖƖNA chaasa na baanɩŋ Iziral tɩŋŋaa nyuŋ a bʋl, “A tɩŋ tinteeŋ deeŋ nɩaa sɩ chei nii-la mɩ sɩ hɛ mɩ dɩ ba naabalɩmaba pɛgɛ, a bɩ jegile nɩɩ mɩ teeŋ,

1 SAMƲƐL 14:38

Ŋɩɩ wɩaa Sɔɔl bʋl, “Má nɩalɩŋ kala sɩ ŋaa laalɩyuoroo sɩpaalaaraa, má kɔ la chɛ na wʋbɔŋ-la la sɩ ŋaa jɩnɩŋ.