JOSUA 6:27 - WƖA TENIŊ

²⁷ La TƖƖNA fa chɩŋ Josua harɩŋ nɛ woruŋ, ʋ yɩrɩŋ teeli tintee-la kala.

JOSUA 6:27 ပူးပေါင်းရင်းမြစ်များ

WƖAA DƖ-SUOMUŊ 39:21

Ama La TƖƖNA ha chɩŋ Josɛf harɩŋ nɛ a fá ʋ nisusuŋ a leŋ nɩtɔɔrɩ dɩa-la kʋhɩaŋ cho ʋ wɩaa.

2 SAMƲƐL 7:9

Lee na-kala ŋ sɩ mʋa, mɩ chɩŋ ŋ harɩŋ nɛ, a yuo dii ŋ dʋndɔŋŋɔɔ kala. Lɛɛlɛ mɩ jaŋ leŋ dɩ ŋ yɩrɩŋ sii, arɩ dʋnɩa nɩbalaa yɩrɩŋ sɩ sii ŋɩɩ.

1 IZIRAL TƖŊŊAA NAABARƖŊ 14:17

Ŋɩɩ nɛ Devit yɩrɩŋ teeli tintee-la kala, La TƖƖNA leŋ tintee kala nɩaa fɩfáʋ.

ƐSƖTA 9:4

Modikaaya lɛɛlɛ kʋ ŋaa nɩbal kuoro dɩa lɛ, ʋ yɩrɩŋ teeli tintee-la kala kuoro sɩɩ beŋ, ʋ doluŋ faasa pʋŋa pɛ.

Matiu 14:1

Bʋa-la lɛ nɛ Galilii kuoro Hɛrɔd nɩɩ Yesu wɩaa.

Matiu 18:20

Lee-la nɩaa balɩa koo batori sɩ hilime mɩ yɩrɩŋ lɛ, mɩ jaŋ hɛ ba teeŋ.”

Matiu 28:20

Má dagɛba a leŋ dɩ ba to wɩalɩŋ kala mɩ sɩ bʋla pɩma dɩ ma to. Mɩ jaŋ hɛ ma teeŋ bʋa na-kala lɛ a kaa mʋ dʋnɩa dɩdɛrɩŋ.”

Matiu 4:24

Yesu wɩaa teeli Siiria tinteeŋ kala. Ŋɩɩ nɛ nɩaa kɛŋ ba nyanyal tɩŋŋaa kɔ ʋ teeŋ arɩ nyanyal dosunuŋ, jɩŋ-bɔŋŋɔɔ fa kɛŋ dɔnsʋŋ, dɔnsʋŋ ma titel kuŋkunsuŋ, dɔnsʋŋ ma fa ŋaa gbɛrɩgɛɛ. Ŋɩɩ nɛ Yesu vaarɛ ba kala.

2 Kɔrɩntɩ Nɩaa 13:14

Laa sʋl La Tɩɩna Yesu Kirisito dɩ ʋ leŋ dɩ ma jʋʋ ʋ lahɔrɩmɔ, dɩ la Nyɩmma Wɩa ma choma, ka dɩ Wɩa Dɩŋ-zɔmʋŋ ma leŋ dɩ ma ŋaa kʋbala. Amɩɩ.

MOSIS BƖRA WULLI WƖA WOMBIIŊ 31:6

Má nyɩrɛ bɔyɛ a kɛŋ tʋɔ-doluŋ. Má sɩ́ leŋe dɩ fawʋllʋŋ kɛmma koo ma chichel a tɩŋ ba wɩaa, ma TƖƖNA Wɩa jaŋ hɛ ma teeŋ a kɛmma mʋ. Ʋ bɩ jaŋ kɔ dɩ ʋ vɩama ta koo ʋ lɩɩ ma harɩŋ da.”

2 Timoti 4:17

Ama Wɩa chɩŋ mɩ harɩŋ nɛ a pɩmɛ doluŋ mɩ wuo bʋl Wɩa niiŋ wɩalɩŋ kala. Mɩ bʋl wɩalɩŋ a pɩ nɩalɩŋ sɩ bɩ Juu tɩŋŋaa ŋaa nɛ. Wɩa lɩɩsɛmɛ nɛ nɩbɔŋŋɔɔ nɩsɩŋ lɛ.

2 Timoti 4:22

Wɩa jaŋ leŋ dɩ ŋ hɔnʋŋ zɔŋ. Ʋ lahɔrɩmɔ lɛ ʋ jaŋ pɛ ŋ lɛ.

JOSUA 1:5

Josua, ŋ mɩɩsɩŋ kala lɛ, nʋʋkala bɩ jaŋ wuo yuo diiŋ. Mɩ jaŋ hɛ ŋ teeŋ arɩ mɩ fa sɩ hɛ Mosis teeŋ ŋɩɩ. Mɩ bɩ jaŋ kɔ dɩ mɩ vɩaŋ ta koo a lɩɩ ŋ harɩŋ.

JOSUA 1:9

Mɩ bʋla pɩŋ arɩ ŋ nyɩrɛ bɔyɛ a kɛŋ tʋɔ-doluŋ. Sɩ́ leŋe dɩ fawʋllʋŋ kɛnɩŋ dɩ ŋ nandaasɩŋ yʋɔrɛ, mɩ-na ŋ TƖƖNA Wɩa jaŋ hɛ ŋ teeŋ lee na-kala ŋ sɩɩ mʋ.”

JOSUA 9:1

Bʋa-la lɛ kuorie-la kala sɩ hɛ Jɔdaŋ fuo-la wɩɩjʋʋlʋŋ dɩɩrɩŋ, kɩalɩŋ sɩ hɛ dundolluŋ arɩ fuonaasɩŋ arɩ mʋgʋ-bal-la niiŋ a kɛŋ ŋɩɩ mʋ yi Lɛbanɔŋ, ba nɩa arɩ Iziral tɩŋŋaa yuo dii Jeriko arɩ Aɩ. Kuorie-la ŋaa Hiti tɩŋŋaa, Amɔrɩ tɩŋŋaa, Kɛnaŋ tɩŋŋaa, Pɛrɛs tɩŋŋaa, Hivi tɩŋŋaa arɩ Jebus tɩŋŋaa kuoroo nɛ.

JOSUA 9:3

Gibioŋ tɩŋŋaa sɩ nɩɩ wɩɩ-la Josua sɩ ŋaa Jeriko arɩ Aɩ lɛ,

JOSUA 9:9

Ba bʋla pʋ, “Ŋ tɩntɩnnaa lɩɩ dɩ-bolii nɛ, la nɩɩ ma TƖƖNA Wɩa wɩaa nɛ a kɔ. La nɩɩ wɩalɩŋ kala ʋ fa sɩ ŋaa Ijipiti tinteeŋ lɛ nɛ,

SƖPAALAARAA 1:19

La TƖƖNA fa chɩŋ Juda doho nɩaa harɩŋ nɛ, ŋɩɩ nɛ ba yuo laa tintee-la peelee sɩ yʋga. Ama ba fa bɩ wuo kiri nɩalɩŋ-na sɩ hɛ tintee-taalɩ-la lɛ, bɛɛ wɩaa nɩalɩŋ fa kɛŋ laalɩŋ janɩŋ torukoba ba sɩ kɛŋ hɔɔnʋŋ ŋaa nɛ.

1 SAMƲƐL 18:14

Wɩɩ na-kala Devit sɩ ŋaa vɛŋ woruŋ nɛ, bɛɛ wɩaa La TƖƖNA chɩŋ ʋ harɩŋ nɛ.

1 SAMƲƐL 2:30

Ŋɩɩ wɩaa, mɩ-na ma TƖƖNA, Iziral tɩŋŋaa Wɩa sɩ: Mɩ fa bʋla pɩ ŋ dɩa nɩaa arɩ ŋ nyɩŋ-nɩaa, dɩ ba nɛ ŋaa Wɩɩsʋllɩ sɩpaalaaraa bʋa na-kala, ama lɛɛlɛ mɩ bʋla arɩ ŋɩɩ bɩra bɩ jaŋ chɩŋ. Nɩalɩŋ sɩɩ zilmi, mɩ ma jaŋ zilba, aŋ bɛrɛ nɩalɩŋ sɩ bɩ mɩ kaa tɩtɩŋ.