JOSUA 6:23 - WƖA TENIŊ

²³ Ŋɩɩ nɛ bapʋɔsɩa-la sɩ mʋ lʋara beŋ tintee-la jʋʋ, a kɛŋ Rahab arɩ ʋ nyɩmma arɩ ʋ naaŋ, ʋ naambiiriŋ arɩ nʋʋ na-kala sɩ ŋaa ʋ nʋʋ kʋ lɩɩ. Ba kɛŋ ʋ dɩ ʋ nɩaa kala kʋ lɩɩ a leŋ ba hɔnɔ kpagɛ Iziral tɩŋŋaa dɩhɔnʋŋ.

JOSUA 6:23 ပူးပေါင်းရင်းမြစ်များ

WƖAA DƖ-SUOMUŊ 12:2

Mɩ jaŋ leŋ dɩ ŋ doho nɩaa pʋŋ, a ŋaa tintee-bal. Mɩ jaŋ pɛ ŋ lɛ, a leŋ dɩ ŋ yɩrɩŋ yɩrɛ, a to ŋ lɛ a pɛ nɩaa lɛ.

WƖAA DƖ-SUOMUŊ 18:24

Ka dɩ tʋɔpʋl tɩŋŋaa nɛ ŋaa mahɩŋ balɩa arɩ fii taŋ-la lɛ, ŋ jaŋ kpʋ ba kala koo ŋ jaŋ lemba a tɩŋ tʋɔpʋl tɩmma-la wɩaa?

WƖAA DƖ-SUOMUŊ 19:29

A tɩŋ Wɩa sɩ bil nii-la pɩ Abɩraham wɩaa, nyiniŋ dii tasɩ-la kala lɛ Lɔt fa sɩ hɔnɔ aŋ lɩɩsɛ Lɔt ta.

NAMBABA 31:19

Ma Iziral tɩmma-la kala sɩ kpʋ nɩaa koo a digi sʋʋnʋŋ, ma sɩ kʋ jʋʋ ma dɩhɔnʋŋ a yi tapʋlaa balɩpɛ. Má hɛ ma dɩhɔnʋŋ harɩŋ tapʋlaa balɩpɛ. Tapʋl-tori arɩ tapʋl-pɛɩ chɛɛŋ maga dɩ ma pɩɩsɛ ma dɩ nɩalɩŋ kala ma sɩ yuo kɛsɛ disiniŋ ta.

Tɩntɩŋŋaa 10:28

Ŋɩɩ nɛ ʋ bʋla pɩba, “Ma tɩtɩa jɩma arɩ Juu tɩŋŋaa kɩsɩŋ nɛ dɩ ba guoli nɩalɩŋ sɩ bɩ Juu tɩŋŋaa ŋaa tʋɔŋ. Ba bɩ ba dɩɩsɩŋ maa mʋ. Ama Wɩa dagɛmɛ dɩ mɩ sɩ́ nʋʋkala kaa yɩrɛ disiŋ tɩɩna.

Tɩntɩŋŋaa 27:24

a bʋla pɩmɛ, ‘Pɔɔl, sɩ́ fawʋllʋŋ fá. Ŋ jaŋ mʋ chɩŋ kuoru-balɩŋ Siiza sɩpaaŋ. Wɩa tɩŋ ŋ wɩaa nɛ a leŋ ŋ dɩ nɩalɩŋ kala sɩ hɛ lɩɩŋ daboro tʋɔŋ, kɛŋ mɩɩsɩŋ.’

1 Kɔrɩntɩ Nɩaa 5:12

Mɩ tɩntɩmɩŋ dee dɩ mɩ laa nɩalɩŋ sɩ bɩ Yesu laa dii wɩaa jɩŋ. Ama ma-na saa maga dɩ ma laa dɔŋɔba wɩaa jɩjɩŋ nɛ.

Ɛfɛsɩs Nɩaa 2:12

Ma bɩra sɩ́ yʋ arɩ bʋa kʋbala lɛ ma fa bɩ Kirisito jɩŋ. Ma dɩ Iziral tɩŋŋaa fa bɩ wɩɩ pɛ, ma fa nagɛ nʋhʋɔra nɛ. Wɩa fa sɩ bil nii-la ʋ dɩ ʋ nɩaa pɛgɛ arɩ ʋ jaŋ ŋaa wɩalɩŋ nɩaa lɛ, ma-na fa bɩ ba lɛ pɛ. Ma fa bɩ kʋŋkala ka yɩɛlɛ, ma fa hɛ dʋnɩa lɛ nɛ a bɩ Wɩa jɩŋ.

Hiburu TƖŊŊAA 11:31

Haal kʋbala ma nɛ fa hɔŋ Jeriko lɛ, ʋ yɩrɩŋ nɛ Rahab. Ʋ fa ŋaa hachɔrʋŋ nɛ. Ama ʋ laa Wɩa wɩaa dii nɛ. Ŋɩɩ nɛ ʋ laa nɩalɩŋ Iziral tɩŋŋaa sɩ tɩma dɩ ba kʋ lʋara bee na Jeriko tinteeŋ sɩ nagɛ ŋɩɩ. A tɩŋ ŋɩɩ wɩaa Iziral tɩŋŋaa sɩ kʋ yuo dii taŋ-la, ba bɩ haal-la kpʋa. Ama ba kpʋ ʋ jaŋ nɩalɩŋ kala sɩ bɩ Wɩa niiŋ ka to nɛ.

Hiburu TƖŊŊAA 11:7

Nowa ma fa laa Wɩa wɩaa dii nɛ. Ŋɩɩ nɛ Wɩa kpʋrɩsɛ ʋ dɩgɩlaa a mʋ tɩgɛ wɩɩ-la sɩ jaŋ ŋaa dʋnɩa lɛ a pʋ, ʋ bɩ wɩɩ-la na aŋ sɛɩ Wɩa niiŋ a kpaasɛ lɩɩŋ daboro dɩ ʋ laa ʋ dɩ ʋ dɩa nɩaa ta. Nowa sɩ laa Wɩa wɩaa dii nɛ tɩɩ ʋ kʋ ŋaa tʋɔpʋl tɩɩna aŋ joŋ cheeriŋ a pɩ nɩkaana-la kala.

JOSUA 2:13

sɩ jaŋ dagɛ arɩ ma jaŋ laa mɩ nyɩmma, mɩ naaŋ, mɩ naambiiriŋ arɩ ba dɩa nɩaa kala ta, ma bɩ jaŋ kpʋla.”

JOSUA 2:16

Ʋ fa bʋla pɩba, “Má to peelee tʋɔŋ mʋ dɩ nɩalɩŋ sɩɩ kiri ma libe sɩ́ ma na. Má mʋ faa nɩmɛ tapʋlaa batori, dɩ nɩalɩŋ sɩɩ chɛma mɩɩra kɔ dɩa, ka dɩ ma-na lɩɩ joŋ ma wombiiŋ a viiri.”

JOSUA 2:18

Wɩɩ-la sɩ maga dɩ ŋ ŋaa nɛ: Dɩ la nɛ kʋ jʋʋ tinteeŋ deeŋ, joŋ ŋmɛŋ-fɩaŋ a vɔɔ tokoro-la lɛ ŋ sɩ jaŋ leŋ dɩ la to a lɩɩ. Leŋ dɩ ŋ nyɩmma arɩ ŋ naaŋ arɩ ŋ naambiiriŋ arɩ ŋ dɩa nɩaa kala hɛ ŋ dɩa tʋɔŋ.

SƖPAALAARAA 1:25

Ŋɩɩ nɛ baal-la dagɛba, ba jʋʋ taŋ-la tʋɔŋ a kpʋ taŋ-la nɩaa, aŋ leŋ baal-la sɩ dagɛba wombiiŋ arɩ ʋ dɩa nɩaa kala.