JOSUA 6:21 - WƖA TENIŊ

²¹ Ba chei taŋ-la kala nɛ, a kpʋ kʋŋ na-kala sɩ weye: baalaa, haalaa, hambiisiŋ arɩ nɩhɩasɩŋ, nɛsɩŋ, piesee arɩ kakusuŋ kala.

JOSUA 6:21 ပူးပေါင်းရင်းမြစ်များ

1 KUOROO 20:42

Wɩa wʋlaabʋllʋ-la bʋla pɩ kuoro, “La TƖƖNA sɩ, ‘Ŋ joŋ nʋʋ ʋ sɩ sɩ dɩ ŋ kpʋ ta nɛ ʋ viiri. Ŋɩɩ wɩaa, ŋ jaŋ mɩɩra laa ʋ nyuŋ a sʋʋ, dɩ ŋ nɩaa ma laa ʋ nɩaa nyuŋ a sʋʋ.’ ”

JƐRƖMAAYA 48:18

Má joŋ yɩrɩ-la kala ma sɩ kɛnɛ bil aŋ tuu hɔŋ tinteeŋ sɩ hɩla lɛ. Ou, Dɩbɔŋ nɩaa, nɩɩ-la sɩ chei Mʋab jaŋ kɔ ma ma lɛ, a chei ma tabala-la ba sɩ saa kɛrɩsɩŋ golli.

MOSIS BƖRA WULLI WƖA WOMBIIŊ 13:16

Má paa taŋ-la tɩŋŋaa dʋa kala a kaa mʋ bil taŋ-la tʋtʋɔbaanɩŋ, a nyɩgɛ ba kala dɩ ba ŋaa kʋnyɩgaa Wɩɩsʋlʋŋ a pɩ ma TƖƖNA Wɩa. Taŋ-la maga dɩ ʋ pɩŋ jikpeeŋ nɛ a kaa mʋ wuu, ma bɩra sɩ́ ʋ paa saa.

MOSIS BƖRA WULLI WƖA WOMBIIŊ 2:34

Bʋa-la lɛ, la yuo dii ʋ tasɩŋ kala nɛ, a kpʋ baalaa, haalaa arɩ hambiisi-la kala sɩ hɛ tasɩ-la lɛ, la bɩ nʋʋkala leŋe.

MOSIS BƖRA WULLI WƖA WOMBIIŊ 7:16

Tintee kala ma TƖƖNA Wɩa sɩ jaŋ joŋo hɛ ma nɩsɩŋ lɛ, má cheiba, má sɩ́ ba nenige fá. Má sɩ́ ba vesiŋ kpaarʋ. Dɩ ma nɛ ŋaa ŋɩɩ, ba jaŋ to ŋɩɩ lɛ a nyɩsa kɛmma.

JOSUA 10:28

Tapʋlɩɩ-la nɛ Josua bɩra yuo dii taŋ-la ba sɩɩ yɩrɛ Makɛda arɩ ʋ kuoro ma, a kpʋ nʋʋkala sɩ hɛ taŋ-la lɛ a chei ʋ kala, nɩbala ma bɩ ka. Wɩɩ-la Josua fa sɩ joŋo ŋaa Jeriko kuoro lɛ tɩtɩa nɛ ʋ joŋo ŋaa Makɛda kuoro ma lɛ.

JOSUA 10:39

Ba fa yuo a dii taŋ-la arɩ ʋ kuoro arɩ ʋ tabiisiŋ kala nɛ, a kpʋ nʋʋ na-kala sɩ hɛ nɩmɛ, a chaasa chei ba kala, nɩbala ma bɩ ka. Wɩɩ-la ba fa sɩ joŋo ŋaa Libina arɩ ʋ kuoro arɩ Hɛbʋrɔŋ lɛ tɩtɩa nɛ ba joŋo ŋaa Debi arɩ ʋ kuoro lɛ.

JOSUA 11:11

Nʋʋ na-kala sɩ hɛ taŋ-la lɛ, ba kala nɛ ba fa kpʋ. Ba kʋŋkala bɩ ka, aŋ nyɩgɛ Hazɔ kala.

JOSUA 11:14

Kɩalɩŋ kala fa sɩ hɛ tasɩŋ deemba lɛ nɛ Iziral laalɩyuoroo paa, a kɛsɛ ba pʋsʋŋ ma pɛ. Ama ba kpʋ nʋʋkala sɩ hɛ tasɩ-la lɛ nɛ, ba bɩ kʋŋ ka.

JOSUA 8:2

Má joŋ wɩɩ-la tɩtɩa ma sɩ ŋaa Jeriko arɩ ʋ kuoro lɛ a ŋaa Aɩ arɩ ʋ kuoro ma lɛ. Ama Aɩ-na lɛ, kɩalɩŋ ma sɩ jaŋ yuo laa, má paaba, a kɛsɛ ba pʋsʋŋ ma pɛ dɩ ba ŋaa ma kɩaa. Má faa taŋ-la harɩŋ a yuoba.”

JOSUA 8:22

Nɩalɩŋ sɩ faa a sii jʋʋ taŋ-la ma mɩɩrɛ a kʋ lɩɩ a pɛ ba nɩaa lɛ, ba golli Aɩ nɩaa kala a hɛ ba tʋtʋɔbaanɩŋ a kpʋ ba kala, ba kʋŋkala bɩ ka, nʋʋkala bɩ lɩɩ fá.

JOSUA 9:3

Gibioŋ tɩŋŋaa sɩ nɩɩ wɩɩ-la Josua sɩ ŋaa Jeriko arɩ Aɩ lɛ,

Jɔɔŋ Wʋnaalaa 18:21

Ŋɩɩ nɛ Wɩa tɩndaarɩ-duo kʋbala joŋ tabɩɩ-balɩŋ sɩ magɛ nɔmʋŋ a yuo hɛ mʋgʋ-balɩŋ tʋɔŋ aŋ bʋl, “Ŋɩɩ tɩtɩa nɛ ba jaŋ ŋaa Babɩlɔŋ tabal-la lɛ. Ba jaŋ joŋu yuo ta arɩ doluŋ. Ʋ jaŋ lɛl dʋnɩa lɛ.

1 SAMƲƐL 15:3

Mʋ a yuo Amalɛk tɩmma-la a chei kʋŋ na-kala ba sɩ kɛnɛ. Sɩ́ leŋe dɩ kʋŋ ka. Kpʋ baalaa, haalaa, hambiisiŋ arɩ bii-mulluŋ, nɛsɩŋ arɩ piesee, bʋntaŋŋaba arɩ kakusuŋ kala.’ ”

1 SAMƲƐL 15:8

Ʋ kpʋ Amalɛk tɩŋŋaa kala nɛ, aŋ kɛŋ ba kuoro ba sɩɩ yɩrɛ Agag.