JOSUA 6:18 - WƖA TENIŊ

¹⁸ Má pɔ ma tɩtɩa lɛ woruŋ, a lɩɩsɛ ma nɩsɩŋ La TƖƖNA kɩalɩŋ sɩ maga dɩ ma chei lɛ, dɩ ŋɩɩ dee ma jaŋ lɔgɛ wɩaa a wurisi ma tɩtɩa a chei Iziral tɩŋŋaa.

JOSUA 6:18 ပူးပေါင်းရင်းမြစ်များ

2 SAMƲƐL 21:1

Bʋa-la lɛ Devit sɩ ŋaa kuoro, losuŋ fa jʋʋ Iziral tinteeŋ nɛ jɩsɩŋ batori a tɩgɛ dɔŋɔ lɛ. Devit pɩɛsɛ La TƖƖNA dɩ ʋ na wɩɩ-la sɩ tɩɩ. Ŋɩɩ nɛ La TƖƖNA bʋl, “Cheeriŋ lɩɩ Sɔɔl arɩ ʋ dɩa nɩaa nɛ, a tɩŋ nɩalɩŋ ʋ sɩ kpʋa wɩaa, ʋ nɛ kpʋ Gibioŋ tɩŋŋaa.”

TƖƖCHA 9:18

Wʋjɩmɩŋ nɛ kpɩa laalɩyuori kɩaa, ama wʋbɔŋ ŋaarɩ bala yie chei wʋzɔŋŋɔɔ yʋgɛ nɛ.

JONA 1:12

Jona bʋl, “Má jommi yuo hɛ lɩɩ-la tʋɔŋ, dɩ ma nɛ ŋaa ŋɩɩ, pel-la jaŋ sigili. Mɩ jɩma mɩ nɛ tɩɩ lɩɩ-pel-balɩŋ deeŋ kɔ ma lɛ.”

Rom Tɩŋŋaa 12:9

Má cho dɔŋɔ arɩ wʋtɩtɩɩ. Má bɛrɛ wʋbɔŋŋɔɔ, aŋ joŋ ma tɩtɩa hɛ wʋzɔŋŋɔɔ ŋaanɩŋ lɛ.

2 Kɔrɩntɩ Nɩaa 6:17

Ŋɩɩ wɩaa má lɩɩsɛ ma tɩtɩa nɩalɩŋ sɩ bɩ Yesu wɩaa laa dii tʋɔŋ, a hɔŋ ma dʋndʋŋ. Má sɩ́ kɩalɩŋ sɩ kɛŋ disiniŋ digu. Dɩ ma nɛ lɩɩsɛ ma tɩtɩa wɩaa deemba lɛ, mɩ jaŋ laa ma.

Ɛfɛsɩs Nɩaa 5:11

Má lɩɩsɛ ma tɩtɩa birimiŋ tʋɔŋ wɩalɩŋ nɩaa sɩɩ ŋaa lɛ. Má joŋ ba bʋbʋɔŋ ta, a leŋ dɩ nɩaa jɩŋ wɩalɩŋ ba sɩɩ ŋaa bɩ zɔŋ.

MOSIS BƖRA WULLI WƖA WOMBIIŊ 13:17

Ma pʋpɔ má sɩ́ taŋ-la kɩalɩŋ kʋŋkala La TƖƖNA sɩ sɩ ma nyɩgɛ joŋ, ŋɩɩ nɛ ma TƖƖNA baaŋ-la ʋ sɩ faasa na ma nyuŋ jaŋ tuu tinteeŋ ka dɩ ʋ fá ma nenige. Ʋ jaŋ fá ma nenige a leŋ dɩ ma pʋŋ arɩ ʋ sɩ hɛ niiŋ a pɩ ma naabalɩmaba ŋɩɩ,

MOSIS BƖRA WULLI WƖA WOMBIIŊ 23:10

Dɩ ma baala-la kʋŋ nɛ pɩŋ tɩtaŋɩŋ a duoso fɩɩ bafɩɩrɩŋ, ŋɩɩ leŋe ʋ kɛŋ disiniŋ nɛ. Ʋ maga dɩ ʋ lɩɩ ma dɩhɔnʋŋ tʋɔŋ lɛ.

MOSIS BƖRA WULLI WƖA WOMBIIŊ 7:26

Ma pʋpɔ má sɩ́ vesiŋ deemba kʋŋkala kaa kʋ jʋʋ ma dɩa. Dɩ ma nɛ ŋaa ŋɩɩ, ŋmɩaŋ-la sɩɩ to vesi-la jaŋ mɩɩra toma. Má kɩkɩsɛ kɩaa deemba a sɩ́ leŋe dɩ ba kpagɛma, bɛɛ wɩaa La TƖƖNA ŋmɩɛsa hɛ vesi-la lɛ nɛ.

Jeems 1:27

La Nyɩmma Wɩa wombiiŋ tonuŋ ʋ sɩ daga arɩ ʋ ŋaa wombii-tɩtɩɩ nɛ ŋ-la: Má pɩpɛ biisinsiŋ arɩ yo-haala-la sɩɩ na hɛɛŋ lɛ, aŋ lɩɩsɛ ma tɩtɩa dʋnɩa nɩaa wʋŋaalaa sɩ jaŋ leŋ dɩ ma kɛŋ disiniŋ lɛ.

JOSUA 7:1

La TƖƖNA fa sɩ bʋla pɩ Iziral tɩŋŋaa dɩ ba sɩ́ kʋŋkala sɩ maga dɩ ba chei Jeriko lɛ joŋ ŋɩɩ, ba bɩ nii-la kaa tɩŋ. Ka baal kʋbala ba sɩɩ yɩrɛ Ekaŋ vɩa aŋ paa kɩalɩŋ dɔnsʋŋ. Ekaŋ nyɩmma nɛ Kaamɩ, Kaamɩ ma nyɩmma nɛ Zimiri, Zimiri ma nyɩmma nɛ Zɛra. Ba kala ŋaa Juda doho nɩaa nɛ. Ŋɩɩ nɛ La TƖƖNA na baanɩŋ Iziral tɩŋŋaa kala nyuŋ.

JOSUA 7:13

Mʋ a pɩɩsɛ nɩalɩŋ disiniŋ ta, ka dɩ ba kɛŋ ba tɩtɩa hɛ dɔŋɔ a kɔ mɩ sɩpaaŋ chie. Mɩ-na ma TƖƖNA Iziral Wɩa kɛŋ wɩɩ nɛ dɩ mɩ bʋla pɩma. Kɩalɩŋ mɩ sɩ sɩ ma chei dɔnsʋŋ hɛ ma dʋa tʋɔŋ nɛ. Ŋɩɩ wɩaa ma bɩ jaŋ wuo yuo dii ma dʋndɔŋŋɔɔ, see dɩ ma chaarɛ kɩalɩŋ ta.

JOSUA 7:15

Nɩɩ-la kala mɩ sɩ lɩɩsa sɩ kɛŋ kɩalɩŋ mɩ sɩ sɩ dɩ ma chei, ma jaŋ nyɩgɛ ʋ dɩ ʋ dɩa nɩaa arɩ ba kɩaa kala. Nɩɩ-la chei nii-la sɩ hɛ mɩ dɩ ma pɛgɛ nɛ, a joŋ hɩɩsɩŋ hɛ Iziral tɩŋŋaa kala lɛ.”

JOSUA 7:25

Nɩmɛ nɛ Josua pɩɛsʋ, “Bɛɛ nɛ tɩɩ ŋ lɛrɛ hɛɛŋ deeŋ kʋ hɛ la lɛ ŋ-la? La TƖƖNA ma jaŋ leŋ dɩ ŋ na hɛɛŋ jɩnɩŋ.” Ŋɩɩ nɛ Iziral tɩŋŋaa kala paa tabɩaa a yagʋ kpʋ, a yagɛ ʋ dɩa nɩaa ma kpʋ aŋ nyɩgɛ ba dɩ ba kɩaa.

1 Jɔɔŋ 5:21

Mɩ biiri, má lɩɩsɛ ma tɩtɩa vʋɩyaa lɛ.

1 SAMƲƐL 15:9

Sɔɔl arɩ ʋ laalɩyuoroo bɩ kuoro Agag-na kpʋa, a pɛ ba pʋŋ-zɔŋŋɔɔ lɛ, piesee, nɛsɩŋ, nɛ-bii-nɛrɛɛ arɩ pie-pɔrɔɔ arɩ kʋŋ na-kala sɩ zɔmɔ pɩba. Ama kɩalɩŋ sɩ bɩ zɔmɔ pɩba, ba kala nɛ ba chei a pɛ pʋsʋ-la sɩ pugumo lɛ.