JOSUA 6:17 - WƖA TENIŊ

¹⁷ Ʋ maga dɩ ma chei taŋ-la arɩ kɩalɩŋ kala sɩ hɛ ʋ lɛ, ba ŋaa La TƖƖNA kɩaa nɛ. Rahab, hachɔrʋŋ-la arɩ ʋ dɩa nɩaa dʋndʋŋa nɛ jaŋ ka, bɛɛ wɩaa ʋ nɛ kɛŋ baala-la la sɩ tɩma ba mʋ lʋara beŋ tintee-la a faa.

JOSUA 6:17 ပူးပေါင်းရင်းမြစ်များ

WƖAA DƖ-SUOMUŊ 12:3

Mɩ jaŋ pɛ nɩalɩŋ kala sɩ pɛ ŋ lɛ, aŋ ŋmɩɛsa hɛ nɩalɩŋ ma sɩ ŋmɩɛsa hɛ ŋ lɛ, aŋ to ŋ lɛ a pɛ dʋnɩa nɩaa kala lɛ.”

ƐZƖRA 10:8

Dɩ nʋʋkala nɛ bɩ kɔ a kaa mʋ yi tapʋlaa batori pɛgɛ, ba jaŋ laa ʋ dʋa kala, arɩ tɩntɩnnɩ-hɩasɩŋ arɩ nɩhɩasɩŋ sɩ dagɛ ŋɩɩ, aŋ kiru ta nɩalɩŋ sɩ lɩɩ yoŋ-baga kɔ tʋɔŋ.

AZAAYA 34:6

La TƖƖNA tokobiiŋ kala tɔ chalɩŋ arɩ nʋʋŋ nɛ a nagɛ ba sɩ kpʋ pie-pɔrɔɔ arɩ bʋʋnaa a ŋaa Wɩɩsʋlʋŋ. La TƖƖNA kpʋ Wɩɩsʋlʋŋ pʋsʋŋ nɛ woruŋ tabal-la ba sɩɩ yɩrɛ Bozira, Ɛdɔm tinteeŋ lɛ.

JƐRƖMAAYA 46:10

Ama tapʋlɩɩ-la ŋaa mɩ-na ma TƖƖNA doluŋ kala Tɩɩna kʋa nɛ, tapʋlɩɩ-la mɩ sɩ jaŋ joŋ mɩ baanɩŋ tiŋ mɩ dʋndɔŋŋɔɔ lɛ. Mɩ tokobiiŋ jaŋ dii nɩaa ŋɩɩ a vɔgɛ, a nyʋa ba chalɩŋ ma ŋɩɩ a vɔgɛ. Mɩ-na ma TƖƖNA doluŋ kala Tɩɩna jaŋ kpʋ mɩ dʋndɔŋŋɔɔ wɩɩpɔsʋŋ nagʋa dɩɩrɩŋ tintee-la lɛ a kpagɛ Yufireti fuo-la.

ƐZƖKƖƐL 39:17

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: “Nuhuobiiŋ, yɩrɛ zaaraa arɩ baga kɩalɩŋ kala sɩɩ dii nammɩa, a bʋl: Má hɛ dɔŋɔ lɛ a lɩɩ lee-kala kɔ a dii Wɩɩsʋlʋŋ kʋdiile-la mɩ sɩ ŋaa bil ma lɛ. Kʋdiile-la jaŋ yʋgɛ woruŋ Iziral peelee nyuŋ. Nɩmɛ nɛ ma jaŋ chaŋ nammɩa aŋ nyʋa chalɩŋ.

LEVI DOHO NƖAA 27:21

Dɩ jɩna-la lɛ ba sɩ joŋ kʋyɔbɔɔ pɩ ba tɩŋŋaa nɛ kʋ yi, tintee-la jaŋ ŋaa mɩ-na ma TƖƖNA kʋŋ a kaa mʋ wuu, Wɩɩsʋllɩ sɩpaalaaraa nɛ jaŋ tɩɩʋ.

MƖKA 4:13

Zaayɔŋ nɩaa, má sii ŋmoo mɩɩ-jagɩsɩ-la, bɛɛ wɩaa mɩ jaŋ leŋ dɩ ma kɛŋ doluŋ a nagɛ hɔɔŋ. Mɩ jaŋ leŋ dɩ ma naachɩgɩsɩŋ nagɛ kɔlɩɩŋ dɩ ma kaa nʋɔsɛ tintee daŋ nɩaa bʋrɩgɛ. Ma jaŋ laa kɩalɩŋ kala ba sɩ gɩrɩma laa a kaa kʋ pɩ mɩ-na ma TƖƖNA, a joŋ ba dʋa kala pɩ mɩ-na ma TƖƖNA sɩ tɩɩ dʋnɩa kala.”

Matiu 25:40

Mɩ-na Kuoro jaŋ bʋla pɩba, ‘Wʋtɩtɩɩ nɛ mɩ bʋlaa pɩma, bʋa-la kala lɛ ma sɩ ŋaa wʋzɔmʋŋ a pɩ mɩ naambiiriŋ deemba tʋɔŋ nɩɩ-la sɩ bɩ lee kɛnɛ, ma ŋaa ŋɩɩ pɩmɛ nɛ.’

1 Kɔrɩntɩ Nɩaa 16:22

Dɩ nʋʋkala nɛ bɩ La Tɩɩna Kirisito cho, Wɩa jaŋ kalɩba hɛ ʋ lɛ. Maranaata! Ʋ bʋbʋɔŋ nɛ, La Tɩɩna Kirisito kɔ!

1 Kɔrɩntɩ Nɩaa 2:7

Wʋjɩmɩɩ-la wɩaa mɩ sɩɩ bʋl, ʋ lɩɩ Wɩa teeŋ nɛ a ŋaa wʋfaalɩɩ nɩaa teeŋ. Wʋjɩmɩɩ-la faa nɛ Wɩa teeŋ, ka dʋnɩa-na suomi. Wɩa lɩɩsɛla dɩ la kɛŋ wʋjɩmɩŋ deeŋ nɛ a wuo kɛŋ tʋla ʋ teeŋ.

Galiisia Nɩaa 3:10

Nɩalɩŋ sɩɩ chɛ dɩ ba to wɩalɩŋ Mosis sɩ bile lɛ a kɛŋ tʋɔpʋla, Wɩa ŋmɩɛsa hɛ ba lɛ nɛ, bɛɛ wɩaa Wɩa teniŋ tʋɔŋ ba bʋla arɩ nɩɩ-la kala sɩ bɩ wɩalɩŋ kala Mosis sɩ ŋmʋnsa bil ka to, Wɩa ŋmɩɛsa hɛ ʋ lɛ nɛ.

Galiisia Nɩaa 3:12

Yarɩda dee ba kaa tuto wɩalɩŋ Mosis sɩ ŋmʋnsa bil dɩ nɩaa tuto. Ba bʋl ŋɩɩ nɛ Wɩa teniŋ tʋɔŋ. Ba sɩ, “Dɩ nʋʋ nɛ to wɩalɩŋ kala Mosis sɩ ŋmʋnsa bil, ʋ jaŋ kɛŋ mɩɩsɩŋ.”

MOSIS BƖRA WULLI WƖA WOMBIIŊ 20:17

Ʋ maga dɩ má kpʋ tinteyee deemba nɩaa kala: Hiti tɩŋŋaa, Amɔrɩ tɩŋŋaa, Kɛnaŋ tɩŋŋaa, Pɛrɛs tɩŋŋaa, Hivi tɩŋŋaa arɩ Jebus tɩŋŋaa arɩ ma TƖƖNA Wɩa sɩ dagɛma ŋɩɩ.

Hiburu TƖŊŊAA 11:31

Haal kʋbala ma nɛ fa hɔŋ Jeriko lɛ, ʋ yɩrɩŋ nɛ Rahab. Ʋ fa ŋaa hachɔrʋŋ nɛ. Ama ʋ laa Wɩa wɩaa dii nɛ. Ŋɩɩ nɛ ʋ laa nɩalɩŋ Iziral tɩŋŋaa sɩ tɩma dɩ ba kʋ lʋara bee na Jeriko tinteeŋ sɩ nagɛ ŋɩɩ. A tɩŋ ŋɩɩ wɩaa Iziral tɩŋŋaa sɩ kʋ yuo dii taŋ-la, ba bɩ haal-la kpʋa. Ama ba kpʋ ʋ jaŋ nɩalɩŋ kala sɩ bɩ Wɩa niiŋ ka to nɛ.

Hiburu TƖŊŊAA 6:10

Wɩa kɛŋ wʋtɩtɩɩ, ʋ bɩ jaŋ yʋ tɩntɩmɩɩ-la ma sɩ tɩma pʋ arɩ chono-la ma sɩ daga pʋ a pɛ ʋ nɩaa lɛ aŋ ha pɩpɛ ba lɛ.

Jeems 2:25

Ŋ-la tɩtɩa nɛ ʋ fa nagɛ Rahab ma lɛ. Ʋ fa ŋaa hachɔrʋŋ nɛ. Iziral tɩŋŋaa tɩndaaraa sɩ kɔ ʋ teeŋ, ʋ kɛmba woruŋ. Ba sɩɩ chɛ dɩ ba lʋara lɩɩ fá viiri, ʋ dagɛba wombii-tanɩɩ nɛ ba to a fá lɛl ba dʋndɔŋŋɔɔ nɩsɩŋ lɛ. A tɩŋ ʋ sɩ ŋaa ŋɩɩ wɩaa, Wɩa leŋ ʋ wuo ŋaa tʋɔpʋl tɩɩna ʋ sɩpaaŋ.

JOSUA 2:1

Ŋɩɩ nɛ Josua tɩŋ baalaa balɩa ba lɩɩ lee kʋbala baa yɩrɛ Sɩtɩm, dɩ ba mʋ lʋara beŋ Kɛnaŋ tinteeŋ a na ŋɩɩ ʋ sɩ naga, a wasa nyaŋ taŋ-la ba sɩɩ yɩrɛ Jeriko. Ŋɩɩ nɛ nɩalɩŋ mʋ, a jʋʋ chʋa hachɔrʋŋ kʋbala ba sɩɩ yɩrɛ Rahab dɩa lɛ.

JOSUA 2:22

Ba sɩ lɩa, ba jʋʋ peelee tʋɔŋ a faa nɩmɛ tapʋlaa batori, ka nɩalɩŋ fa sɩ kiri ba libe joŋ wombiiŋ kala a beŋ a bɩ ba na aŋ mɩɩrɛ.

JOSUA 7:1

La TƖƖNA fa sɩ bʋla pɩ Iziral tɩŋŋaa dɩ ba sɩ́ kʋŋkala sɩ maga dɩ ba chei Jeriko lɛ joŋ ŋɩɩ, ba bɩ nii-la kaa tɩŋ. Ka baal kʋbala ba sɩɩ yɩrɛ Ekaŋ vɩa aŋ paa kɩalɩŋ dɔnsʋŋ. Ekaŋ nyɩmma nɛ Kaamɩ, Kaamɩ ma nyɩmma nɛ Zimiri, Zimiri ma nyɩmma nɛ Zɛra. Ba kala ŋaa Juda doho nɩaa nɛ. Ŋɩɩ nɛ La TƖƖNA na baanɩŋ Iziral tɩŋŋaa kala nyuŋ.

1 SAMƲƐL 15:3

Mʋ a yuo Amalɛk tɩmma-la a chei kʋŋ na-kala ba sɩ kɛnɛ. Sɩ́ leŋe dɩ kʋŋ ka. Kpʋ baalaa, haalaa, hambiisiŋ arɩ bii-mulluŋ, nɛsɩŋ arɩ piesee, bʋntaŋŋaba arɩ kakusuŋ kala.’ ”

1 SAMƲƐL 15:6

Ŋɩɩ nɛ Sɔɔl bʋla pɩ Keni tɩŋŋaa, “Má pɔrɛ ma tɩtɩa a lɩɩ Amalɛk tɩŋŋaa tʋɔŋ, dɩ mɩ sɩ́ ma pɛ kpʋ, bɛɛ wɩaa ma fa kɛŋ zile nɛ Iziral tɩŋŋaa teeŋ, bʋa-la lɛ ba sɩ lɩɩ Ijipiti tinteeŋ lɛ a kʋkɔ.” Ŋɩɩ nɛ Keni tɩmma-la pɔrɛ ba tɩtɩa a lɩɩ Amalɛk tɩŋŋaa tʋɔŋ.